Þegar fyrstu tölur í for­seta­kosn­ing­unum höfðu verið birtar úr fjórum kjör­dæmum í kvöld var Guðni Th. Jóhann­es­son með mikla yfir­burði eða 90,3 pró­sent atkvæða. Guð­mundur Frank­lín Jóns­son var þá með 9,7 pró­sent atkvæða. Er þetta í takti við nýj­ustu skoð­ana­kann­an­ir. Enn áttu þá eftir að ber­ast fyrstu tölur úr Reykja­vík­ur­kjör­dæm­unum báð­um.

Yfir fimm­tíu þús­und manns kusu utan kjör­fund­ar. 

Guðni sagð­ist í sam­tali við RÚV eftir að fyrstu tölur voru komnar úr tveimur kjör­dæmum að hann var þakk­látur fyrir stuðn­ing­inn.  Hann vildi þó bíða með „fulln­að­ar­dóma“ um nið­ur­stöður kosn­ing­anna á þeim tíma­punkti.

Eliza Reid, eig­in­kona Guðna, var einnig til við­tals í RÚV og var spurð hvernig henni lit­ist á fjögur ár til við­bótar á Bessa­stöð­um. „Bara mjög vel,“ sagði hún. „Ég hlakka mikið til fram­tíð­ar­innar og er mjög stolt af Guðna, að sjálf­sögð­u.“

Sig­ríður Haga­lín Björns­dóttir frétta­maður RÚV spurði Elizu því næst um þá umræðu sem skap­að­ist um að hún, maki for­seta, væri úti­vinn­andi. „Mér finnst þetta ágætis umræða til að taka. Mér fannst alveg sjálf­sagt að ég haldi áfram í minni vinnu eins og ég var alltaf að gera þó að mað­ur­inn minn fengi nýja vinnu. Og ég held að meiri­hluti þjóð­ar­innar sé sam­mála því.“

Eliza sagði að þau Guðni reyndu að halda fjöl­skyldu­líf­inu með börn­unum eins venju­legu á Bessa­stöðum og hægt er. Við vorum til dæmis að ganga upp  á Esj­una í dag og reynum að gera margt saman sem fjöl­skylda.“

Guðni sagði margt sem hægt væri að gera betur í sam­fé­lag­inu, „og margt sem við verðum að gera betur og getum svo hæg­lega gert bet­ur. En eitt af því sem við getum verið stolt af hér á Íslandi er sú stað­reynd að sá eða sú sem gegnir emb­ætti for­seta Íslands getur um frjáls höfuð strok­ið. Farið með sinni fjöl­skyldu á íþrótta­við­burði, í leik­hús, upp á Esj­una, án þess að það kalli á ein­hverjar meiri­háttar fram­kvæmdir og und­ir­bún­ing. Og við eigum að halda í þetta. Við eigum að halda í þetta frjálsa og opna sam­fé­lag okkar – þetta sam­fé­lag frelsis og jafn­rétt­is, víð­sýni og umburð­ar­lynd­is. Þar sem for­set­inn getur gengið um meðal fólks­ins ólíkt því sem gengur og ger­ist víða úti í heim­i.“

Guð­mundur Frank­lín Jóns­son sagði í sam­tali við RÚV að hann væri ánægður með fyrstu tölur og sagði að hvert atkvæði sem hann fengi væri atkvæði gegn spill­ingu. Spurður hvort að hann hafi á ein­hverjum tíma­punkti talið sig hafa raun­hæfa mögu­leika á að verða for­seti sagði hann að allt væri hægt í heim­in­um.