Nýjustu smitin „mjög harkaleg áminning“

Ekki er útilokað að leikmaður Breiðabliks hafi smitast af veirunni hér á landi þótt líklegra sé að það hafi gerst í Bandaríkjunum, segir yfirmaður smitrakningarteymisins. Samkvæmt leiðbeiningum KSÍ skulu leikmenn ekki fagna mörkum með snertingu.

Kórónuveiran smitast við snertingu. Handþvottur og nándarmörk eru bestu aðferðirnar við að hindra útbreiðsluna
Kórónuveiran smitast við snertingu. Handþvottur og nándarmörk eru bestu aðferðirnar við að hindra útbreiðsluna
Auglýsing

„Það er talið að hún hafi komið með smitið frá Banda­ríkj­unum en það er ekki hægt að úti­loka að hún hafi smit­ast af ein­hverjum öðrum í fjöl­mennum fót­bolta­leikjum og útskrift­ar­veislu sem hún sótt­i.“

Þetta segir Ævar Pálmi Pálma­son, yfir­maður smitrakn­ing­arteym­is­ins og aðstoð­ar­yf­ir­lög­reglu­þjónn, um smit sem greind­ist hjá konu í knatt­spyrnu­liði Breiða­bliks fyrr í vik­unni. Tvö inn­an­lands­smit hafa greinst í kjöl­far­ið. „En hver smit­aði hvern er aldrei hund­rað pró­sent örugg­t.“

Konan kom til Íslands frá Banda­ríkj­unum 17. júní. Nið­ur­staða úr landamæra­skimun fyrir veirunni var nei­kvæð. Nokkrum dögum eftir heim­kom­una fékk hún fregnir af því að her­berg­is­fé­lagi hennar ytra hefði greinst með veiruna. Hún fór þá sjálf í sótt­kví og fékk svo nið­ur­stöðu úr annarri skimun og reynd­ist hún jákvæð. Í milli­tíð­inni hafði hún hins vegar leikið tvo fót­bolta­leiki og farið í útskrift­ar­veislu.

Auglýsing

Í gær­kvöldi voru 210 manns komnir í sótt­kví vegna þessa eina smits. Sá fjöldi kann að breytast, hann getur að sögn Ævars átt eftir að minnka en einnig er mögu­legt að hann auk­ist. Hóp­ur­inn sem kom­inn er í sótt­kví er á nokkuð breiðu ald­urs­bili þó að kjarn­inn sé ungt fólk. Um umfangs­mestu smitrakn­ingu frá upp­hafi er að ræða. Að sögn Ævars var hún nokkuð flókin og leggj­ast þurfti  í tals­verða grein­ing­ar- og rann­sókn­ar­vinnu til að hafa uppi á fólki.

Í smitrakn­ing­arteym­inu eru nú þrír starfs­menn að stað­aldri en í gær var kallað inn fólk til aðstoðar og átta unnu því að rakn­ing­unni.

Það er orðið nokkuð síðan að Íslend­ingar áttu von á sím­tölum frá rakn­ing­arteym­inu um að það þurfi að fara í sótt­kví. „Fólk tekur þessum sím­tölum almennt ágæt­lega,“ segir Ævar, „og áttar sig á alvar­leika máls­ins og er í raun­inni þakk­látt að við náum til þess svona fljótt.“

Ævar Pálmi Pálmason, fer fyrir smitrakningarteyminu. Mynd: Lögreglan

 Ævar segir vara­samt að tala um að ákveð­inn ein­stak­lingur sé að smita aðra og verða til þess að fjöldi manns fari  í sótt­kví. „Því það er alltaf erfitt að full­yrða hver smit­aði hvern. Sá sem að fer fyrstur í sýna­töku og grein­ist fyrstur er ekki endi­lega sá sem smit­aði þann sem næstur fer.“

Hann gagn­rýn­ir, af þessum sök­um, að nafn kon­unnar hafi verið birt í fjöl­miðl­um. Hann ítrekar að þó að það sé lík­legt að hún hafi smit­ast erlendis sé ekki hægt að úti­loka að hún hafi smit­ast eftir að hún kom til lands­ins. Það margir dagar liðu frá landamæra­skimun­inni.

„Af því að ég er nú rann­sókn­ar­lög­reglu­maður að upp­lagi þá er þetta næstum því sam­bæri­legt við það að ein­hver myndi ganga inn til okkar og játa á sig glæp. En það verður alltaf að skoða alla hina mögu­leik­ana.“

Æski­legt að fara var­lega í tvær vikur

Í leið­bein­ingum yfir­valda varð­andi landamæra­skimun kemur fram að ef fólk mælist ekki með veiruna á próf­inu sé samt „æski­legt“ að fara var­lega fyrstu fjórtán dag­ana „því nið­ur­stöður prófs­ins eru ekki alveg óyggj­and­i“.

Einnig segir: „Allir ferða­menn eru hvattir til að gera var­úð­ar­ráð­staf­anir til að vernda sjálfa sig og aðra, s.s. tíðan hand­þvott, notkun sótt­hreinsi­efna, tveggja metra nánd­ar­regl­una og að virða þær heil­brigð­is- og örygg­is­reglur sem í gildi eru.“

Eftir því hefur verið tekið síð­ustu daga að á fót­bolta­leikjum eru leik­menn liða að fagna mörkum með faðm­lög­um. „Ég held að eina fólkið sem ekki tekur þátt í því [inni á vell­in­um] séu dóm­ar­arn­ir, þeir passa sig,“ segir Ævar.

Auglýsing

Hann segir það til­finn­ingu flestra sem talað hefur verið við vegna þess­arar smitrakn­ingar að lands­menn hafi sofnað á verð­inum og séu orðnir kæru­laus­ir. Spritt­brúsar sjá­ist ekki í sumum versl­unum og merk­ingar á gólfum um tveggja metra regl­una hafi verið fjar­lægð­ar. „Svo heyrir maður sögur af því að það sé rokið á fólk og það faðmað og tekið í hend­ina á því áður en það veit af. Fólk er óör­uggt um hvað á að gera, hvort það eigi að við­halda þessum reglum eða ekki.“

 Þórólfur Guðna­son sótt­varna­læknir hefur hins vegar hamrað áfram á því að fólk þurfi að gæta að sótt­vörnum – veiran sé enn á sveimi. „Þessi smit sem eru að koma upp núna eru mjög harka­leg áminn­ing um það að við þurfum að halda því áfram.“

Beðið upp­lýs­inga áður en ákvarð­anir teknar

Klara Bjart­marz, fram­kvæmda­stjóri KSÍ, sagði í sam­tali við Kjarn­ann í morgun að sam­bandið væri í bið­stöðu á meðan sótt­varna­yf­ir­völd færu yfir málin sem upp eru komin vegna smita meðal leik­manna knatt­spyrnu­lið­anna. Í gær­kvöldi kom fram í fréttum að leik­maður í karla­liði Stjörn­unnar hefði greinst með veiruna og stað­festir Klara það. „Núna erum við að bíða frek­ari upp­lýs­inga, bæði um hvort og þá hversu margir leik­menn Stjörn­unnar þurfa að fara í sótt­kví. Síðan tökum við ákvörðun um fram­hald­ið.“

Klara Bjartmarz, framkvæmdastjóri KSÍ.

Í morgun sagði hún sam­bandið því ekki enn hafa for­sendur til þess að ákveða hvort að ein­hverjum leikjum verði frestað eða aflýst vegna smit­anna. Spurð hvort að ein sviðs­myndin sé sú að slá því sem eftir er af leik­tíð­inni á frest segir hún: „Við erum langt frá því að vera þar. Eins og staðan er núna erum við að glíma við ein­angruð til­felli. Okkar allra vegna bindum við vonir við að það verði nið­ur­stað­an. Þetta snýst um miklu meira heldur en fót­bolt­ann.“

Spurð hvort starfs­mönnum KSÍ sé brugðið vegna fregna af smitum innan hreyf­ing­ar­innar bendir hún  á að talað sé um hópsmit „og að sjálf­sögðu tökum við þessum fréttum mjög alvar­lega og gerum hvað við getum til að vinna þetta eins vel og við get­u­m“.

Það hefur vakið athygli að leik­menn eru að fagna inni á vell­inum með faðm­lögum og þar fram eftir göt­un­um, eru til ein­hverjar reglur um þetta hjá KSÍ?

Klara segir að á heima­síðu KSÍ séu leið­bein­ingar til félaga vegna COVID-19 sem séu upp­færðar reglu­lega. Hún segir þær hafa verið kynntar mjög vel. Í þeim segir m.a.: „Leik­menn og starfs­menn fagna mörkum án snert­ing­ar.“

„En ég held að fót­bolt­inn sé ekk­ert frá­brugð­inn öðru í þjóð­fé­lag­inu að þessu leyt­i,“ bendir Klara á. „Ég og þú vitum það alveg að það eru allir byrj­aðir að slaka á.“

Hún segir stjórn­endur KSÍ hafa haft áhyggjur af því und­an­farið að fólk sé farið að slaka á sótt­vörn­um. Spurð hvort KSÍ hafi þá gert athuga­semdir við þá nánd sem leik­menn hafa sýnt inni á vell­inum seg­ir  hún svo ekki vera. En strax í gær hafi var­úð­ar­orð verið ítrek­uð. „Þetta eru leið­bein­ingar og til­mæli. Þetta eru ekki regl­ur. Við höfum enga lög­sögu í slíkum málum [varð­andi sótt­varn­ar­svæði og ann­að].“



Vilt þú vera með?

Frjálsir, hugrakkir fjölmiðlar eru ómetanlegir en ekki ókeypis. Kjarninn reiðir sig á framlög lesenda og með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og við ætlum að standa vaktina áfram og bjóða almenningi upp á vandaða umfjöllun þar sem áhersla er á gæði og dýpt.  

Fyrir þá lesendur sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Janet Yellen, tilnefndur fjármálaráðherra Bandaríkjanna
Ríkisstjórn Biden byrjuð að taka á sig mynd
Valdaskipti á milli ríkisstjórna í Bandaríkjunum hafa loks formlega hafist eftir að Joe Biden var lýstur sigurvegari forsetakosninganna af hinu opinbera í gær. Nú hafa tilnefningar borist í ríkisstjórn Biden og leynast þar nokkur kunnugleg andlit.
Kjarninn 24. nóvember 2020
Fjallið Namsan  í Seúl í Suður-Kóreu milli daga þar sem mengun í borginni er mikil og lítil.
COVID-19 leysir ekki loftslagsvanda en sýnir hvað hægt er að gera
Þó að samkomu- og ferðatakmarkanir hafi orðið til þess að losun koltvíoxíðs hefur dregist saman á heimsvísu í ár hefur það lítil sem engin áhrif á uppsöfnun lofttegundarinnar í lofthjúpi jarðar. En það má margt læra af faraldrinum.
Kjarninn 24. nóvember 2020
Birgir Þórarinsson, þingmaður Miðflokksins.
Segir ekki hægt að treysta hagnaðardrifnum sjávarútvegsfyrirtækjum fyrir velferð þjóðar
Þingmaður Miðflokksins og sjávarútvegsráðherra tókust á á Alþingi í dag og ræddu sölu á óunnum afla til útlanda. Þingmaðurinn sagði það pólitíska ákvörðun að sem mestur afli væri unninn hér heima sem Sjálfstæðismenn væru hræddir við að taka.
Kjarninn 24. nóvember 2020
Jóhann Páll Jóhannsson
Ríkisstjórnin magnaði kreppuna – nú þarf að skipta um kúrs
Kjarninn 24. nóvember 2020
Tíu staðreyndir um stöðu mála í íslensku efnahagslífi í COVID-19 faraldri
COVID-19 er tvíþættur faraldur. Í fyrsta lagi er hann heilbrigðisvá. Í öðru lagi þá hefur hann valdið gríðarlegum efnahagslegum skaða. Hér er farið yfir helstu áhrif hans á íslenskt efnahagslíf.
Kjarninn 24. nóvember 2020
Allar póstsendingar frá hinu opinbera verði stafrænar árið 2025
Gert er ráð fyrir að ríkið spari sér 300-700 millljónir á ári með því að senda öll gögn í stafræn pósthólf fremur en með bréfpósti. Frumvarpsdrög fjármálaráðherra um þetta hafa verið lögð fram í samráðsgátt stjórnvalda.
Kjarninn 24. nóvember 2020
Á hverju ári framleiðir Smithfield yfir þrjár milljónir tonna af svínakjöti. Enginn annar í heiminum framleiðir svo mikið magn.
„Kæfandi þrengsli“ á verksmiðjubúum
Í fleiri ár slógu yfirvöld í Norður-Karólínu skjaldborg um mengandi landbúnað og aðhöfðust ekkert þrátt fyrir kvartanir nágranna. Það var ekki fyrr en þeir höfðu fengið upp í kok á lyktinni af rotnandi hræjum og skít og höfðuðu mál að farið var að hlusta.
Kjarninn 24. nóvember 2020
Jökull Sólberg
Fortíð, nútíð og framtíð loftslagsskuldbindinga
Kjarninn 24. nóvember 2020
Meira úr sama flokkiInnlent