Í lið­inni viku keypti Storytel streym­isveitu arab­ískra hljóð­bóka og ráð­andi hlut í fyr­ir­tæki sem sér­hæfir sig í fram­leiðslu hljóð­bóka. Fyrir hafði Storytel keypt ráð­andi hlut í For­lag­inu.

Mið­viku­dag­inn 8. júlí birt­ist til­kynn­ing á vef Storytel þess efnis að félagið hefði fest kaup á einni af stærstu streym­isveitum hljóð­bóka á arab­ísku, Kitab Sawti. Í til­kynn­ing­unni segir að Kitab Sawti sé leið­andi fyr­ir­tæki á sviði fram­leiðslu og streymis á hljóð­bókum á arab­ísku en það var stofnað af sænskum frum­kvöðlum árið 2016. 

Vöxtur Kitab Sawti hefur verið mik­ill und­an­farið en í til­kynn­ing­unni kemur fram að sala félags­ins á fyrsta árs­fjórð­ungi 2020 hafi verið 79 pró­sentum meiri en á sama tíma í fyrra. Fyr­ir­tækið hafi því verið öfl­ugur keppi­nautur Storytel á þessu mark­aðs­svæði en Storytel Arabia var sett á lagg­irnar árið 2017. Eftir sam­ein­ingu mun Storytel hafa yfir rúm­lega fimm þús­und hljóð­bókatitlum á arab­ísku að ráða, stærsta ein­staka safni hljóð­bóka á því tungu­máli.

Tveimur dögum síðar birt­ist önnur til­kynn­ing á vef félags­ins um kaup á ráð­andi hlut í Ear­sel­ect AB en það er nor­rænt fyr­ir­tæki sem sér­hæfir sig í fram­leiðslu hljóð­bóka. Fyr­ir­tækið var stofnað árið 2017 og býr yfir hug­bún­aði sem auð­veldar fram­leiðslu hljóð­bóka í fjar­vinnu.

Í til­kynn­ingu segir að að kaupin muni auka enn frekar skil­virkni í fram­leiðslu Storyt­el. Haft er eftir Robert Holm­ström, yfir­manni fram­leiðslu hjá Storyt­el, að tækni Ear­sel­ect muni hraða fram­leiðslu hljóð­bóka Storytel og auka hag­kvæmni í fram­leiðsl­unni sem gerir fyr­ir­tæk­inu kleift að mæta auk­inni eft­ir­spurn eftir gæða­hljóð­bók­um. 

Þann 1. júlí keypti Storytel ráð­andi hlut í For­lag­inu. Nú, líkt og þá, er kaup­verðið trún­að­ar­mál. Fyrir 70 pró­senta hlut sinn í For­lag­inu greiðir Storytel með reiðufé en fyrir kaupin á Kitab Sawti og Ear­sel­ect greiðir Storytel að hluta til með reiðufé og að hluta til með hlutum í Storyt­el.