Af þeim þrettán sem greindust í gær voru tólf ekki í sótt­kví. Þetta kom fram í máli Þór­ólfs Guðna­sonar á upp­lýs­inga­fundi almanna­varna í dag. Þetta þýðir að síðan 30 ágúst hafa fjórir af þeim 31 sem greinst hafa verið í sótt­kví.

Tveir af þeim ein­stak­lingum sem greindust í gær voru á Norð­ur­landi en hinir ell­efu voru á höf­uð­borg­ar­svæð­inu. Í land­inu eru 72 virk smit og eru smit í öllum lands­hlutum nema á Aust­ur­landi. Það er áhyggju­efni að smitin séu dreifð að mati Þór­ólfs, það gæti bent til þess að dreif­ing veirunnar sé meiri en áður var talið. Næstu dagar muni skera úr um það hversu mikil dreif­ingin er en það tekur um eina til tvær vikur að sjá árangur af þeim hertu aðgerðum sem gripið var til á föstu­dag.

Fólk ekki að virða tveggja metra regl­una

Almanna­varnir hafa fengið margar ábend­ingar um að fólk sé ekki að virða tveggja metra regl­una, til að mynda í versl­un­um, kvik­mynda­hús­um, á sund­stöðum og veit­inga­húsum svo dæmi séu tek­in. Alma vildi því brýna fyrir fólki að fylgja fyr­ir­mæl­um. „Það er gríð­ar­lega mik­il­vægt að virða alla þessa þætti nú. Við viljum ná utan um þessi smit þannig að við verðum ekki í verri stöðu um miðjan ágúst þegar svo margt er að fara í gang, meðal ann­ars skól­ar,“ sagði Alma.

„Við höfum alltaf sagt að það er margt sem við vitum ekki. En við vitum þó að það sem skiptir máli það er ekki að regl­urnar séu nógu harð­ar. Heldur að þær séu þannig að fólk virði þær og fari eftir þeim. Og það er úti í sam­fé­lag­inu sem að smit­varnir eiga sér stað, það er ekki á skrif­stofum okk­ar,“ bætti Alma við eftir að hafa minnt á að veiran er til alls lík­leg líkt og dæmin sanna í öðrum lönd­um.

Íslensk erfða­grein­ing skimar á Akra­nesi

Í skimunum Íslenskrar erfða­grein­ingar hafa tveir greinst jákvæðir af þeim 2.500 sem hafa farið í skimun hjá ÍE. Þórólfur sagði það benda til þess að smit sé ekki útbreitt en ÍE mun halda áfram að skima og skimar nú á Akra­nesi.