Þórólfur Guðna­son sótt­varna­lækir hefur sent heil­brigð­is­ráð­herra minn­is­blað þar sem hann leggur til að nálægð­ar­regl­unn­i verði breytt úr tveimur metrum í einn fyrir alla. Hingað til hefur sú regla aðeins gilt í skól­um. Þórólfur sagði á upp­lýs­inga­fundi almanna­varna og land­læknis í dag að ástæðan fyrir breyt­ing­unni væri sú að nið­ur­stöður úr rann­sóknum sýndu að einn metri minnkar líkur á smiti fimm­falt. Það sé ásætt­an­legt auk þess sem það muni liðka fyrir ákveð­inni starf­semi. Þá hefur hann einnig lagt til að ­fjölda­tak­mörkum verði breytt úr 100 manns í 200.

Þessu greindi Þórólfur frá á upp­lýs­inga­fundi almanna­varna og land­læknis í dag.

Núver­andi reglur inn­an­lands gilda til 10. sept­em­ber en Þórólfur legg­ur til að nýjar reglur taki gildi fyrr eða 7. sept­em­ber. Á hann von á aug­lýs­ing­u ráð­herra fljót­lega, jafn­vel í dag.

Í nýj­ustu til­lögum Þór­ólfs til ráð­herra er einnig lagt til að lík­ams­rækt­ar­stöðvar og sund­staðir geti tekið á móti 75 pró­sent af leyfi­leg­um ­fjölda gesta í stað 50 pró­sent áður að sviðs­listir verði leyfðar með 200 manna á­horf­endum og að eins metra reglan verði þar sem ann­ars staðar höfð í heiðri. Þá leggur hann til að afgreiðslu­tíma skemmti­staða og ann­arra sem eru með­ vín­veit­inga­leyfi verði óbreyttur eða til kl. 23.

„Við erum að hefja veg­ferð á aflétt­ingu á ýmsum tak­mörk­un­um í sam­fé­lag­inu. Allir þurfa að leggja sig sér­stak­lega vel fram og við­hafa ein­stak­lings­bundnar sýk­inga­varn­ir. Því það er það mik­il­væg­asta sem við gerum til að koma í veg fyrir hóp­sýk­ingu hér.“