Raunhæfur möguleiki á glundroða í kjölfar forsetakosninganna

Hvernig mun bandarískt samfélag dagsins í dag bregðast við ef svo fer, eins og margt bendir til, að úrslit forsetakosninganna þar í landi muni ekki liggja ljós fyrir á kosninganótt? Óhuggulegar sviðsmyndir eru fyrir hendi.

Donald Trump er þegar búinn að sá fræjum efa í huga almennings um lögmæti komandi kosninga. Hvað gerist ef niðurstaðan verður hreint ekki ljós á kosninganótt?
Donald Trump er þegar búinn að sá fræjum efa í huga almennings um lögmæti komandi kosninga. Hvað gerist ef niðurstaðan verður hreint ekki ljós á kosninganótt?
Auglýsing

Það er mögu­legt og meira að segja jafn­vel tölu­vert lík­legt, að nið­ur­stöður banda­rísku for­seta­kosn­ing­anna í ár muni ekki liggja fyrir á kosn­inga­nótt, eins og oft­ast er. Ástæðan fyrir þessu er sú að fjöldi póst­at­kvæða í þessum kosn­ingum verður miklu mun meiri en áður hefur sést, vegna heims­far­ald­urs kór­ónu­veiru.

Hawk­fish, töl­fræði­fyr­ir­tæki í eigu auð­kýf­ings­ins Mich­ael Bloomberg sem reyndi að verða for­seta­fram­bjóð­andi demókrata, hefur sett fram spá þar sem fram kemur að 40 pró­sent atkvæða í kosn­ing­unum í ár verði póst­at­kvæði. Þetta gæti, sam­kvæmt sviðs­mynd fyr­ir­tæk­is­ins, leitt til þess að staða Don­ald Trumps muni virð­ast sterk­ari stöðu á kosn­inga­nótt en hann er í raun, þar sem ekki verði búið að telja öll póst­at­kvæði.

Ástæðan fyrir þessu er sú að hlut­falls­lega eru stuðn­ings­menn Joe Bidens mun lík­legri til þess hafa ætlan um að kjósa með póst­at­kvæðum en stuðn­ings­menn Trumps, sam­kvæmt John Mendelsohn fram­kvæmda­stjóra Hawk­fish, sem ræddi málið í við­tali í frétta­þætti Axios á HBO-­sjón­varps­stöð­inni í síð­ustu viku.

„Við erum að hringja við­vör­un­ar­bjöll­unni og segja að þetta sé mjög raun­veru­lega mögu­legt, að töl­urnar á kosn­inga­nótt muni sýna ótrú­legan sigur Don­alds Trump,“ sagði Mendelsohn. Hann segir jafn­framt að þegar hvert eitt og ein­asta lög­mætt atkvæði hafi verið talið gæti nið­ur­stöð­urnar sýnt fram á að það sem sást á sjón­varps­skjám lands­manna á kosn­inga­nótt hafi ein­ungis verið tál­mynd. 

„Rauð tál­mynd,“ segir hann og vísar til ein­kenn­islits Repúblikana­flokks­ins.

Dæmi frá Hawk­fish

  • Sam­kvæmt einni sviðs­mynd gæti Trump verið spáð 408 kjör­mönnum á kosn­inga­nótt, gegn 130 kjör­mönnum Bidens, ef á þeim tíma­punkti væri ein­ungis búið að telja 15 pró­sent póst­at­kvæða. 
  • Þegar 75 pró­sent póst­at­kvæða hefðu verið tal­in, til dæmis fjórum dögum seinna, gæti fjöldi kjör­manna verið búinn að snú­ast Biden í hag. 
  • Þessi sviðs­mynd hefur þá loka­nið­ur­stöðu að Biden myndi vinna risa­stóran sig­ur, með 334 kjör­menn gegn 204.

Búið að tala lög­mæti kosn­ing­anna niður

Hvernig myndi banda­rískt sam­fé­lag bregð­ast við ef svo færi að for­set­inn liti út fyrir að hafa unnið kosn­inga­sigur á kosn­inga­nótt en annað kæmi í ljós nokkrum dögum seinna, þegar öll atkvæði hefðu skilað sér? 

Þetta banda­ríska sam­fé­lag er þegar klofið í herðar niður eftir póli­tískum flokkalín­um, stór hluti þess van­treystir fjöl­miðlum og það er undir stjórn for­seta sem hefur einmitt haldið því fram marg­ít­rekað að póst­kvæði muni leiða til þess að demókratar „steli kosn­ing­un­um“ og að nið­ur­stöður þeirra verði ómark­tækar vegna póst­at­kvæða. 

Auglýsing

Það er búið að sá fræjum efans, þrátt fyrir að ekk­ert sem hald­bært er í raun­veru­leik­anum bendi til þess að póst­at­kvæði auki hætt­una á kosn­inga­svindli.

Blandan er eld­fim og af þessu hafa margir áhyggj­ur, meðal ann­ars stóru tækni­fyr­ir­tæk­in, sem telja sig bera ábyrgð á því að upp­lýs­inga­óreiða á þeirra miðlum fari ekki úr bönd­unum í kringum kosn­ing­ar.

Kjarn­inn greindi frá því í lið­inni viku að Face­book ætl­aði að grípa til sér­stakra ráð­staf­ana til þess að takast á við þetta og væri meðal ann­ars komið í sér­stakt sam­starf við Reuter­s-frétta­stof­una og banda­rísk kosn­inga­yf­ir­völd til þess að tryggja að fals­fréttir um kosn­inga­nið­ur­stöð­urnar færu ekki á flug. Ef ein­hver fram­bjóð­andi eða fylk­ing reynir að lýsa yfir sigri áður en nið­ur­staðan liggur fyr­ir, þá mun Face­book merkja þá pósta sem slíka og beina not­endum sínum inn á síðu þar sem hægt er að glöggva sig á stöðu atkvæða­taln­ing­ar.

Mark Zucker­berg stofn­andi Face­book sagði við sjón­varps­þátt Axios á HBO í lok viku að það væri því miður aukin hætta á óeirðum í sam­fé­lag­inu og mik­il­vægt væri fyrir Face­book og aðra áhrifa­mikla miðla í banda­rísku sam­fé­lagi að gera sitt til þess að vekja almenn­ing til vit­undar um að það að þrátt fyrir að kosn­inga­úr­slit liggi ekki fyrir á kosn­inga­nótt, heldur kannski enn fyrr en dögum eða vikum síð­ar, þýði það ekki að það sé eitt­hvað ólög­mætt við fram­kvæmd kosn­ing­anna.

„Ég held að við þurfum að gera allt sem við getum til þess að draga úr hætt­unni á ofbeldi eða óeirðum í kringum þessar kosn­ing­ar,“ sagði Zucker­berg. Sam­kvæmt kosn­inga­lögum þurfa öll banda­rísku ríkin að vera búin að skila loka­nið­ur­stöðum þann 8. des­em­ber, rúmum mán­uði eftir kosn­ing­ar.

Biden með for­ystu í skoð­ana­könn­unum sem fyrr

Joe Biden for­seta­fram­bjóð­andi Demókra­ta­flokks­ins hefur nokkra for­ystu á Don­ald Trump sam­kvæmt skoð­ana­könn­un­um, þrátt fyrir að dregið hafi saman með þeim und­an­farna daga. 

Sam­kvæmt kosn­inga­spá Economist, þar sem nið­ur­stöður fjölda skoð­ana­kann­ana eru vegn­ar, eru sig­ur­líkur Bidens 83 pró­sent og hann með 53,9 pró­senta stuðn­ing á lands­vísu gegn 46,1 pró­senta stuðn­ingi við Trump.

Kosn­inga­spá FiveT­hir­tyEight gefur Biden 70 pró­sent sig­ur­líkur og Trump 29 pró­sent sig­ur­líkur á móti, en í töl­fræði­út­reikn­ingum sínum setur FiveT­hir­tyEight upp 40.000 sýnd­ar­kosn­ingar sem byggja á nið­ur­stöðum nýjasta sam­an­safns skoð­ana­kann­ana hverju sinni. Sam­kvæmt sam­an­tekt FiveT­hir­tyEight myndi Biden hljóta 52,5 pró­sent atkvæða­magns­ins og Trump 46,2 pró­sent.

Eftir stendur þó spurn­ingin hvenær hvaða atkvæði verða talin og hvað myndi ger­ast ef Don­ald Trump myndi lýsa yfir sigri á kosn­inga­nótt­inni eftir tæpa tvo mán­uði, þegar alls óljóst væri hvort sig­ur­inn væri í raun hans.



Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Það að vera kvenkyns lögmaður eykur líkur á að mál falli umbjóðandanum í vil samkvæmt nýrri íslenskri rannsókn.
Kvenkyns lögmenn líklegri til að vinna mál í héraði
Kvenkyns málflytjendur skila betri árangri fyrir dómstólum og eldri dómarar eru líklegri til að dæma varnaraðila í vil en þeir sem yngri eru, samkvæmt nýrri íslenskri rannsókn.
Kjarninn 28. júní 2022
Örn Bárður Jónsson
Þungunarrof, samkynhneigð og kynusli
Kjarninn 28. júní 2022
Katrín Jakobsdóttir, formaður Vinstri grænna og forsætisráðherra, og Ásgeir Jónsson seðlabankastjóri.
Ætlar ekki að láta Seðlabankann afhenda sér gögn um ráðstöfun opinberra hagsmuna
Seðlabanki Íslands efur ekki viljað leggja mat á hagsmuni almennings af birtingu upplýsinga um þá sem fengu að nýta sér fjárfestingaleið hans né af því að stöðugleikasamnirnir við kröfuhafa verði gerðir opinberir.
Kjarninn 28. júní 2022
Kristrún Frostadóttir, þingmaður Samfylkingarinnar.
Kristrún íhugar formannsframboð
Kristrún Frostadóttir, þingmaður Samfylkingarinnar, segist „íhuga alvarlega“ að bjóða sig fram til formanns á landsfundi flokksins í október. Logi Einarsson tilkynnti um miðjan júní að hann muni ekki bjóða sig fram að nýju.
Kjarninn 28. júní 2022
„Bleika húsið“, heilsugæsla sem þjónustar konur í Mississippi er eina heilsugæslan í ríkinu sem veitir þungunarrofsþjónustu. Henni verður að öllum líkindum lokað innan nokkurra daga.
Síðustu dagar „bleika hússins“ í Mississippi
Eigandi einu heilsugæslunnar í Mississippi sem veitir þungunarrofsþjónustu ætlar að halda ótrauð áfram, í öðru ríki ef þarf, eftir að Hæstiréttur Bandaríkjanna felldi rétt til þungunarrofs úr gildi.
Kjarninn 27. júní 2022
Á Fossvogsbletti 2 stendur einbýlishús og geymsluhúsnæði.
Borgin steig inn í 140 milljóna fasteignakaup í Fossvogsdal
Borgarráð Reykjavíkurborgar samþykkti á dögunum að nýta forkaupsrétt sinn að fasteignum á Fossvogsbletti 2. Fjárfestingafélag ætlaði að kaupa eignina á 140 milljónir og gengur borgin inn í þau viðskipti.
Kjarninn 27. júní 2022
Sífellt fleiri notendur kjósa að nálgast sjónvarpsþjónustu í gegnum aðrar leiðir en með leigu á myndlykli.
Enn dregst leiga á myndlyklum saman en tekjur vegna sjónvarps halda áfram að aukast
Tekjur fjarskiptafyrirtækja vegna sjónvarpsþjónustu hafa rokið upp á síðustu árum. Þær voru 3,8 milljarðar króna á árinu 2017 en 14,9 milljarðar króna í fyrra. Þorri nýrra tekna í fyrra var vegna sjónvarpsþjónustu.
Kjarninn 27. júní 2022
Hagstofan býst við að hagvöxtur verði enn kröftugri en spáð var í lok vetrar
Hagstofan býst við því að hagvöxtur verði 5,1 prósent á árinu og 2,9 prósent á næsta ári, samkvæmt nýrri þjóðhagsspá. Búist er við því að um 1,6 milljónir ferðamanna sæki landið heim í ár, en fyrri spá gerði ráð fyrir 1,4 milljónum ferðamanna.
Kjarninn 27. júní 2022
Meira úr sama flokkiErlent