Yfir 130 milljónir af skaðabótakröfu Samherja vegna vinnu Jóns Óttars Ólafssonar

Alls eru yfir 130 milljónir króna af 306 milljón króna skaðabótakröfu Samherja á hendur Seðlabanka Íslands vegna greiðslna sem fóru til félaga tengdum rannsóknarlögreglumanninum fyrrverandi Jóni Óttari Ólafssyni.

Þorsteinn Már Baldvinsson, forstjóri Samherja, í dómsal í dag.
Þorsteinn Már Baldvinsson, forstjóri Samherja, í dómsal í dag.
Auglýsing

Sam­herji hf. krefst þess að Seðla­banki Íslands greiði sér 306 millj­ónir króna í skaða­bætur vegna til­fall­ins kostn­aðar sem rann­sókn bank­ans á fyr­ir­tæk­inu olli. Þar af vill Sam­herji fá 124 millj­ónir króna vegna vinnu félags­ins Juralis-ráð­gjaf­ar­stofa slhf. fyrir sig vegna máls­ins og sjö millj­ónir króna vegna vinnu félags­ins eftir að það breytti nafni sínu í PPP sf. 

Þessar greiðslur voru vegna vinnu Jóns Ótt­ars Ólafs­son­ar, fyrr­ver­andi rann­sókn­ar­lög­reglu­manns, sem starf­aði hefur fyrir Sam­herja árum sam­an. Jón Óttar sagði sjálf­ur, þegar hann bar vitni, að hann hafi skrifað út reikn­inga fyrir 135 millj­ónum króna vegna vinnu sinnar fyrir Sam­herja í tengslum við Seðla­banka­mál­ið.

Því er yfir 40 pró­sent af skaða­bóta­kröfu Sam­herja vegna greiðslna til félaga sem tengj­ast Jóni Ótt­ari.

Þetta kom fram í máli Örnu McClure, yfir­lög­fræð­ings Sam­herja, þegar hún bar vitni í bóta­máli Sam­herja og Þor­steins Más Bald­vins­son­ar, for­stjóra Sam­herja, gegn Seðla­bank­anum í hér­aðs­dómi Reykja­víkur í morg­un.

Sam­herji stefndi í fyrra Seðla­banka Íslands til greiðslu skaða- og miska­bóta vegna rann­sóknar þess síð­ar­nefnda á ýmsum ætl­uðum brotum fyr­ir­tæk­is­ins á meðan að fjár­magns­höft voru við lýði á Íslandi. Sam­herji fór fram á 306 millj­ónir króna í skaða­bætur og tíu millj­ónir króna í miska­bætur vegna rann­sóknar Seðla­bank­ans á fyr­ir­tæk­inu fyrir nokkrum árum, í máli sem var að lokum fellt nið­ur, auk þess sem Þor­steinn Már stefndi per­sónu­lega og fer einnig fram á 6,5 millj­ónir króna í bæt­ur.

Margir lög­menn í vinnu

Arna sagði að Jón Óttar hefði unnið mjög náið með sér, einkum og sér í lagi inn­an­húss, til að fara yfir rekstur Sam­herja þannig að málið myndi bitna sem minnst á almennum starfs­mönnum fyr­ir­tæk­is­ins. Hann ferð­að­ist meðal ann­ars erlendis ásamt henni vegna máls­ins auk þess sem hann greindi með Örnu rann­sókn­ar­skýrslur Seðla­bank­ans. 

Auglýsing
Samherji keypti auk þess lög­manns­þjón­ustu víða, sem fyr­ir­tækið vill að Seðla­bank­inn greiði fyr­ir. Á meðal þeirra sem störf­uðu fyrir Sam­herja á meðan að á rann­sókn­inni stóð voru Lex lög­manns­stof­an, sem hélt utan um málið og sá um sam­skipti við stjórn­völd, Cato lög­menn, sem hafi létt undir þannig að almennir starfs­menn Sam­herja gætu sinnt sínum dag­lega rekstri, BBA Legal, sem séu sér­fræð­ingar í reglu­verki gjald­eyr­is­hafta, Pacta lög­menn, sem unnu fyrir Sam­herja á upp­hafs­stigum máls­ins, Logos, sem veitti ráð­gjöf, og JSG ráð­gjöf í eigu Jóns Stein­ars Guð­laugs­son­ar, sem veitt hafi ráð­gjöf. 

Þor­steinn Már bar einnig vitni og sagði að Sam­herji hefði lagst í „botn­lausa vinnu“ vegna máls­ins.

Kostn­aður vegna eins manns veiga­mik­ill hluti

Kjarn­inn fjall­aði um grein­ar­gerð Jóhann­esar Karls Sveins­sonar, lög­manns Seðla­bank­ans í mál­inu í frétta­skýr­ingu í lok ágúst, sem var skilað inn til dóm­stóla í októ­ber 2019 og Kjarn­inn fékk nýlega afhenta hjá bank­an­um, eru mála­vextir raktir og fjár­krafa Sam­herja útskýrð. 

Í grein­ar­gerð­inni segir lög­maður Seðla­bank­ans að tjónið sem Sam­herji seg­ist hafa orðið fyrir sé ósann­að. Í stefnu Sam­herja sé ekki að finna sund­ur­liðun eða nán­ari til­grein­ingu á því tjóni sem kraf­ist sé undir liðnum skaða­bætur og eig­in­leg sönn­un­ar­gögn ekki lögð fram. „Þannig er ekk­ert reifað hvenær ein­stakir kostn­að­ar­liðir féllu til eða af hvaða til­efni var til þeirra stofn­að.“Jón Óttar Ólafsson. Mynd: Skjáskot/Samherji

Hvorki kvitt­anir né greiðslu­stað­fest­ingar hafi verið lagðar fram til sönn­unar á þessum útlagða kostn­aði. Í grein­ar­gerð­inni seg­ir: „Ekki er skýr­ing á því í stefn­unni hvers vegna þetta mál er höfðað til inn­heimtu rúm­lega 300 millj­óna króna í skaða­bætur án þess að sönn­un­ar­gögn fyrir því tjóni séu lögð fram eða að reifun eða sund­ur­liðun á því tjóni sé að finna í stefn­unn­i.“

Meðal ann­ars væri farið fram á „bætur vegna heild­ar­launa eins starfs­manns um tveggja ára skeið (frá maí 2013 til maí 2015)“. Í grein­ar­gerð­inni segir að engin reifun sé á því hvað umræddur starfs­maður gerði né hvernig Seðla­banki Íslands eigi að bera ábyrgð á því. „Þá verður að taka sér­stak­lega fram að á þessu tíma­bili var málið til rann­sóknar hjá emb­ætti sér­staks sak­sókn­ara en ekki til með­ferðar hjá stefnda“.

Áreitti blaða­mann mán­uðum saman

Jón Óttar hélt áfram að starfa fyrir Sam­herja eftir að vinnu hans við Seðla­banka­málið lauk. Jón Óttar hefur til að mynda komið að gerð mynd­banda sem Sam­herji hefur látið fram­leiða fyrir sig, og birt á Youtu­be, und­an­farið þar sem spjótum fyr­ir­tæk­is­ins hefur verið beint að RÚV og starfs­mönnum þess fjöl­mið­ils. 

Kjarn­inn greindi frá því 27. ágúst síð­ast­lið­inn að Jón Óttar hefði allt frá því að umfjöllun Kveiks og Stund­­ar­innar um við­­skipta­hætti Sam­herja í Namibíu birt­ist þann 12. nóv­­em­ber á síð­­asta ári verið tíður gestur á Kaffi­­­fé­lag­inu, kaffi­­­húsi í miðbæ Reykja­vík­­­ur, einatt til að hitta á og ná tali af Helga Seljan – en þar hitt­ist hópur fólks iðu­­lega á morgn­ana til að spjalla um dag­inn og veg­inn. 

Kjarn­inn greindi enn fremur frá því að Jón Óttar hefði ítrekað sent Helga skila­­boð, bæði í gegnum SMS og Face­book-­­reikn­ing eig­in­­konu sinn­­ar. Ingi Freyr Vil­hjálms­­son, blaða­­maður á Stund­inni sem fjallað hefur um Sam­herja, fékk einnig send skila­­boð þar sem honum var hótað „um­­fjöll­un“.

Jón Óttar sendi frá sér yfir­lýs­ingu í kjöl­far umfjöll­un­ar­innar og sagði að það hefði verið rangt af sér að senda Helga SMS-skila­­boð. Þau end­­ur­­spegl­uðu dóm­­greind­­ar­brest af hans hálfu og hann sagð­ist sjá mikið eftir að hafa sent þau. Jóni Ótt­­ari fannst miður ef þessi gagn­rýn­i­verða hátt­­semi hans yrði á ein­hvern hátt bendluð við Sam­herja „og starfs­­fólk þess því hún er alfarið á mína ábyrgð“.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Hygge
Hvað þýðir danska hugtakið hygge? Er það stig sem nær hærra en bara að hafa það kósí? Nær eitthvað íslenskt orð yfir það? Eða er um að ræða sérstaka danska heimspeki?
Kjarninn 9. ágúst 2022
Eitt og annað ... einkum danskt
Eitt og annað ... einkum danskt
Hygge
Kjarninn 9. ágúst 2022
Rúmlega þriðjungur heimila á ekkert eftir í veskinu í lok mánaðar
Næstum átta af hverjum tíu í lægsta tekjuhópnum ná ekki að leggja neitt fyrir, ganga á sparnað eða safna skuldum í yfirstandandi dýrtíð. Hjá efsta tekjuhópnum geta næstum níu af hverjum tíu enn lagt fyrir, sumir umtalsvert.
Kjarninn 9. ágúst 2022
Eilífðarefnin finnast í regnvatni alls staðar um heiminn. Uppruni þeirra er oftast á vesturlöndum en það eru fátækari íbúar heims sem þurfa að súpa seyðið af því.
Regnvatn nánast alls staðar á jarðríki óhæft til drykkjar
Okkur finnst mörgum rigningin góð en vegna athafna mannanna er ekki lengur öruggt að drekka regnvatn víðast hvar í veröldinni, samkvæmt nýrri rannsókn.
Kjarninn 8. ágúst 2022
Fleiri farþegar fóru um Flugstöð Leifs Eiríkssonar í júlí síðastliðinum en í sama mánuði árið 2019.
Flugið nær fyrri styrk
Júlí var metmánuður í farþegaflutningum hjá Play og Icelandair þokast nær þeim farþegatölum sem sáust fyrir kórónuveirufaraldur. Farþegafjöldi um Keflavíkurflugvöll var meiri í júlí síðastliðnum en í sama mánuði árið 2019.
Kjarninn 8. ágúst 2022
Verðfall á mörkuðum erlendis er lykilbreyta í þróun eignarsafns íslenskra lífeyrissjóða. Myndin tengist fréttinni ekki beint.
Eignir lífeyrissjóðanna lækkuðu um 361 milljarða á fyrri hluta ársins
Fallandi hlutabréfaverð, jafn innanlands sem erlendis, og styrking krónunnar eru lykilþættir í því að eignir íslensku lífeyrissjóðanna hafa lækkað umtalsvert það sem af er ári. Eignirnar hafa vaxið mikið á síðustu árum. Í fyrra jukust þær um 36 prósent.
Kjarninn 8. ágúst 2022
Uppþornað stöðuvatn í norðurhluta Ungverjalands.
Enn ein hitabylgjan og skuggalegur vatnsskortur vofir yfir
Það er ekki aðeins brennandi heitt heldur einnig gríðarlega þurrt með tilheyrandi hættu á gróðureldum víða í Evrópu. En það er þó vatnsskorturinn sem veldur mestum áhyggjum.
Kjarninn 8. ágúst 2022
Þrjár af hverjum fjórum krónum umfram skuldir bundnar í steypu
Lektor í fjármálum segir ekki ólíklegt að húsnæðisverð muni lækka hérlendis. Það hafi gerst eftir bankahrunið samhliða mikilli verðbólgu. Alls hefur hækkun á fasteignaverði aukið eigið fé heimila landsins um 3.450 milljarða króna frá 2010.
Kjarninn 8. ágúst 2022
Meira úr sama flokkiInnlent