Sam­göng­u-og inn­viða­nefnd Banda­ríkja­þings for­dæmdi í dag flug­mála­stjórn Banda­ríkj­anna (FAA) fyrir að hafa veitt leyfi fyrir útgáfu Boeing 737 MAX-­vél­anna í nýrri skýrslu sem var gefin út í morg­un. 

Skýrslan er afrakstur 18 mán­aða rann­sókn­ar­vinnu nefnd­ar­inn­ar, sem var ætlað að varpa ljósi á það hvað hafi farið úrskeiðis við þróun flug­vél­ar­innar og leyf­is­veit­ingu henn­ar. Í henni segir að nefndin hafi fundið alvar­lega galla á fram­kvæmd leyf­is­veit­ing­ar­inn­ar, þrátt fyrir að bæði Boeing og FAA hafi haldið því fram að hún væri í sam­ræmi við núver­andi regl­ur. 

Sam­kvæmt nefnd­inni voru tvö flug­slys MAX-­vél­anna, sem kost­uðu 346 manns líf­ið, „hrika­leg afleið­ing“ hönn­un­ar­mistaka og lélegrar stjórn­unar frá flug­véla­fram­leið­and­anum og alvar­legrar yfir­sjónar flug­mála­stjórn­ar­inn­ar. 

Í umfjöllun New York Times um málið kemur fram að nefndin telji reg­in­mi­s­tök hafa legið í áherslum Boeing á gróða umfram örygg­is­mál og lin­kind FAA gagn­vart flug­véla­fram­leið­and­an­um. 

FAA var nálægt því að aflétta kyrr­setn­ingu MAX-­vél­anna fyrr í sum­ar, eftir röð til­rauna­flug­ferða. Sam­kvæmt New York Times myndi slík leyf­is­veit­ing hafa áhrif á ákvarð­anir flug­mála­yf­ir­völd ann­arra landa og jafn­vel leiða til þess að vél­arnar færu í loftið í vet­ur. 

Í skýrsl­unni sem gefin var út í dag benti sam­göngu­nefndin hins vegar á fjölda vanda­mála í hönnun vél­ar­inn­ar, ásamt upp­bygg­ingu hennar og leyf­is­veit­ingu. Nefndin segir það vera nauð­syn­legt af Boeing og FAA að takast á við þessi vanda­mál.

Munu fylgja til­mæl­unum

Bæði flug­véla­fram­leið­and­inn og flug­mála­stjórnin gáfu frá sér yfir­lýs­ingar þess efnis í dag að þau hyggj­ast fylgja til­mælum nefnd­ar­inn­ar: „Við höfum unnið hart að því að styrkja örygg­is­menn­ingu okkar og end­ur­byggja traust gagn­vart við­skipta­vinum okk­ar, yfir­völdum og almenn­ing­i,“ kom fram í yfir­lýs­ingu Boeing. Í yfir­lýs­ingu FAA segir einnig að flug­mála­stjórnin hyggst vinna náið með nefnd­inni til þess að koma á ráð­lögðum breyt­ing­um. 

Icelandair hefur sam­tals keypt tólf 737 MAX-­vélar og hyggst koma þeim öllum í gagnið innan tveggja ára, sam­kvæmt fjár­festa­til­kynn­ingu félags­ins. Sex þess­ara véla eru nú í flota flug­fé­lags­ins, en þrjár munu bæt­ast við á næsta ári. Ef fram fer sem horfir mun þriðj­ungur flot­ans sam­an­standa af MAX-­vél­u­m. 

Fjár­festa­til­kynn­ing Icelandair fyrir yfir­stand­andi útboð á hlutafé byggir á þeirri for­sendu að MAX-flug­vélar félags­ins verði teknar í gagnið á síð­asta fjórð­ungi þessa árs.