Stjórn Efl­ingar lýsir and­stöðu við þátt­töku Alþýðu­sam­bands Íslands í yfir­lýs­ingu sem und­ir­rituð var við Icelandair og Sam­tök atvinnu­lífs­ins og birt í dag 17. sept­em­ber 2020. Þetta kemur fram í ályktun sem stjórnin sam­þykkti í dag. 

Þá segir að stjórn Efl­ingar gagn­rýni harð­lega að Alþýðu­sam­bandið hafi tekið þátt í „að hvít­þvo brot Icelandair og Sam­taka atvinnu­lífs­ins á vinnu­mark­aðslög­gjöf­inni frá því fyrr í sumar með því að kalla þau „brot á sam­skipta­regl­u­m“.“

Umrædd yfir­lýs­ing veiti enga laga­lega vernd eða trygg­ingu gegn því að önnur fyr­ir­tæki muni síðar beita sömu aðför­um.

Tæki­fær­issinnuð sér­hags­muna­gæsla einka­fyr­ir­tækis

„Al­þýðu­sam­band Íslands átti að draga Icelandair og Sam­tök atvinnu­lífs­ins til fullrar ábyrgðar fyrir Félags­dómi vegna brota þeirra líkt og áður var sam­þykkt í mið­stjórn ASÍ. Þannig hefði verið stað­inn sóma­sam­legur vörður um rétt­indi launa­fólks.

Stjórn Efl­ingar gagn­rýnir að mið­stjórn Alþýðu­sam­bands Íslands taki með þessum hætti þátt í tæki­fær­is­sinn­aðri sér­hags­muna­gæslu einka­fyr­ir­tæk­is.

Ásetn­ingur Sam­taka atvinnu­lífs­ins um að grafa undan íslenskri vinnu­mark­aðslög­gjöf er öllum kunnur og er umrædd yfir­lýs­ing ósigur í bar­áttu verka­lýðs­hreyf­ing­ar­innar gegn því.

Alþýðu­sam­band Íslands hefur að mati stjórnar Efl­ingar beðið álits­hnekki,“ segir í álykt­un­inn­i.