Torg tekjufærði styrki til einkarekinna fjölmiðla sem voru aldrei greiddir út

Eigið fé útgáfufélags Fréttablaðsins næstum helmingaðist í fyrra og skuldir þess jukust um 55 prósent. Umtalsvert tap varð á rekstrinum og sölutekjur drógust saman um 318 milljónir króna milli ára.

Fréttablaðið
Auglýsing



Eigið fé Torgs ehf., sem gefur út Frétta­blaðið og tengda miðla, nálægt helm­ing­að­ist á síð­asta ári. Það var 502 millj­ónir króna í árs­lok 2018 en tæp­lega 290 millj­ónir króna um síð­ustu ára­mót. 

Tap félags­ins á síð­asta ári var 212 millj­ónir króna en þar var búið að reikna með 50 millj­óna króna styrk út rík­is­sjóði til einka­rek­inna fjöl­miðla. Þeir styrkir voru aldrei greiddir út, enda frum­varp um þá ekki sam­þykkt. Hins vegar voru greiddar út sér­stakir neyð­ar­styrkir vegna kór­ónu­veiru­far­ald­urs­ins sem á end­anum skil­uðu Torgi 64 millj­ónum króna. 

­Sala á aug­lýs­ing­um, sem er uppi­staða tekna Torgs, dróst saman um 318 millj­ónir króna á árinu 2019, eða um 12,3 pró­sent, og var 2.257 millj­ónir króna. Torg hafi skilað 39 milljón króna hagn­aði á árinu 2018.

Skuldir félags­ins juk­ust hins vegar úr 765 millj­ónum króna í 1.186 millj­ónir króna, eða um 55 pró­sent milli ára. Þar munar mestu um að nýjar skuldir við lána­stofn­anir en lang­tíma­skuldir við slíkar voru 327 millj­ónir króna í lok síð­asta árs. 

Eignir Torgs eru að uppi­stöðu við­skipta­vild upp á 752 millj­ónir króna og áhöld, tæki eða inn­rétt­ingar sem metin eru á 256 millj­ónir króna. Í árs­reikn­ingi félags­ins kemur fram að það hafi keypt tölvu­bún­að, bif­reiðar eða vélar á síð­asta ári fyrir 172 millj­ónir króna.

Með­al­fjöldi starfa hjá Torgi var 81 á síð­asta ári.

Þetta kemur fram í árs­reikn­ingi félags­ins fyrir árið 2019 sem skilað var inn til árs­reikn­ing­ar­skrár fyrir helgi.

Ekki unnt að leggja mat á áhrif COVID-19

Í árs­reikn­ingnum er líka fjallað sér­stak­lega um atburði eftir reikn­ings­skila­dag.

Í skýr­ingu á þeim lið seg­ir: „COVID-19 heims­far­ald­ur­inn sem nú gengur yfir mun hafa veru­leg áhrif á mörgum sviðum efna­hags­lífs­ins, bæði hér­lendis og erlend­is. Veru­leg óvissa ríkir um efna­hags­leg áhrif far­ald­urs­ins, hve lengi hann mun vara og hver áhrifin verða eftir að honum lýk­ur. Það er mat stjórn­enda að ekki sé unnt að leggja mat á áhrif þessa á félagið á þessum tíma­punkti. Félagið hefur brugð­ist við þessum aðstæðum með kostn­að­arað­haldi eins og með því að hætta útgáfu Frétta­blaðs­ins á mánu­dögum og gert áætl­anir sem miða að því að mæta ætl­uðum sam­drætti og hrint þeim í fram­kvæmd.“

Auglýsing
Á árinu 2020 tók Torg yfir rekstur sjón­varps­stöðv­ar­innar Hring­brautar og vefs­ins Hring­braut.­is. Þá festi félagið kaup á eignum og rétt­indum tengdum viku­blað­inu DV, vefnum dv.is, eyj­unn­i.is, press­unn­i.is, 433.is og fleiri tengdum vef­um. Allir ofan­greindir fjöl­miðlar höfðu verið reknir í miklu tapi árum saman áður en að Torg tók þá yfir. 

Tekju­færðu styrki sem átti eftir að greiða út

Torg tekju­færði 50 millj­ónir króna til við­bótar við sölu­tekjur sínar á síð­asta ári sem „aðrar tekj­ur“. Í skýr­ingum sem fylgja með árs­reikn­ingi Torgs kemur fram að þar sé um að ræða fyr­ir­hug­aða styrki til einka­rek­inna fjöl­miðla vegna rekstr­ar­árs­ins 2019, í sam­ræmi við frum­varp sem Lilja D. Alfreðs­dótt­ir, mennta- og menn­ing­ar­mála­ráð­herra, lagði fram á síð­asta ári. Torg áætl­aði að fyr­ir­tækið myndi fá hámarks­styrk sam­kvæmt frum­varp­inu, en sam­kvæmt því gat ekk­ert eitt fjöl­miðla­fyr­ir­tæki fengið meira en 50 millj­ónir króna. 

Frum­varp Lilju var hins vegar svæft í nefnd og náði ekki fram að ganga. Hún hyggst leggja það aftur fram í þessum mán­uði sam­kvæmt þing­mála­skrá rík­is­stjórn­ar­innar og í nýbirtu fjár­laga­frum­varpi rík­is­stjórn­ar­innar er gert ráð fyrir að 392 millj­ónir króna fari í styrki til einka­rek­inna fjöl­miðla á næsta ári. Frum­varp­inu hefur enn ekki verið dreift á Alþingi.Lilja Alfreðsdóttir kynnir fjölmiðlafrumvarp 31. jan 2019. Það náði ekki í gegn eftir að hún lagði það loks fram og til stendur að hún leggi það fram að nýju í október 2020. Mynd:Bára Huld Beck  

Þrátt fyrir að frum­varp ráð­herr­ans hefði ekki fengið braut­ar­gengi á vor­þingi, að mestu vegna and­stöðu þing­manna Sjálf­stæð­is­flokks­ins, var 400 millj­ónum króna útdeilt til einka­rek­inna fjöl­miðla sem sér­stökum neyð­ar­styrkjum til að mæta efna­hags­á­hrifum heims­far­ald­­­­urs kór­ón­u­veiru. Í þeirri útfærslu var þak á greiðslum til hvers fjöl­mið­ils hækkað í 100 millj­ónir króna. Fyrir vikið skert­ust greiðslur sem upp­­runa­­lega voru ætl­­aðar 20 smærri fjöl­miðla­­fyr­ir­tækjum um 106 millj­­ónir króna en sama upp­­hæð flutt­ist til þriggja stærstu einka­reknu fjöl­miðla­­­fyr­ir­tækja lands­ins, Árvak­­­urs, Sýnar og Torgs. Torg fékk tæp­lega 65 millj­ónir króna greiðslu úr rík­is­sjóði vegna þessa í sept­em­ber. 

Keyptu fyrir tæp­lega 600 millj­ónir króna

Frétta­­blaðið og tengdir miðlar voru lengi vel hluti af stærstu einka­reknu fjöl­miðla­­sam­­steypu lands­ins, 365 mið­l­um, sem var að upp­i­­­stöðu í eigu Ing­i­­bjargar Pálma­dóttur og stýrt af henni og eig­in­­manni henn­­ar, Jóni Ásgeiri Jóhann­essyni. Árið 2017 voru ljós­vaka­miðlar 365 miðla, ásamt frétta­vefnum Vísi.is, seldir til Sýn­­ar. Eftir stóðu Frétta­­blaðið og tengdir mið­l­­ar, sem voru færðir inn í Torg ehf. 

Félag í eigu Helga Magn­ús­­­­son­­­­ar, fjár­­­­­­­festis og fyrr­ver­andi stjórn­­­­­­­ar­­­­for­­­­manns Líf­eyr­is­­­­sjóðs verzl­un­ar­manna, keypti helm­ings­hlut í Torgi um mitt ár í fyrra. Kaup­verðið var trún­­að­­ar­­mál.

Í októ­ber keyptu Helgi og sam­­­starfs­­­menn hans hinn helm­ing­inn. 

Eign­ar­haldið er vistað inni í félagi sem heitir HFB-77 ehf. Helgi á 82 pró­­sent  í því en aðrir eig­endur eru Sig­­­­urður Arn­gríms­­­­son, fyrr­ver­andi aðal­­­­eig­andi Hring­brautar og við­­­­skipta­­­­fé­lagi Helga til margra ára, með tíu pró­­­­sent hlut, Jón G. Þór­is­­­­son, rit­­­­stjóri Frétta­­­­blaðs­ins, með fimm pró­­­­sent hlut, og Guð­­­­mundur Örn Jóhanns­­­­son, fyrr­ver­andi sjón­­­­varps­­­­stjóri Hring­brautar og nú fram­­­­kvæmda­­­­stjóri sölu, mark­aðs­­­­­mála og dag­­­­­skrár­­­­­gerðar hjá Torg­i, með þriggja pró­­senta hlut.

Auglýsing
Kjarninn greindi frá því í síð­ustu viku að félagið hefði keypt hluta­bréf fyrir 592,5 millj­ónir króna í fyrra, en eina þekkta eign þess er Torg.

Í lok ágúst síð­ast­lið­ins var til­kynnt að Björn Víglunds­son hefði verið ráð­inn for­stjóri Torgs. Hann tók við starf­inu af Jóhönnu Helgu Við­­ar­s­dóttur sem verið hafði for­­­stjóri fé­lags­ins og sinnt stjórn­­un­­ar­hlut­verki tengt miðlum þess frá árinu 2016. 

Um þriðj­ungur les frí­blaðið

Frétta­­blað­ið, frí­­blað sem dreift er ókeypis í 80 þús­und ein­­tökum á heim­ili á höf­uð­­borg­­ar­­svæð­inu og Akur­eyri, er flagg­­skip Torgs. Það kemur nú út fimm sinnum í viku. Útgáfu­­dögum þess var fækkað um einn í apríl síð­­ast­liðn­­um, þegar ákveðið var að blaðið myndi ekki lengur koma út á mán­u­­dög­­um. Síð­­asta breyt­ing á útgáfu­­tíðni fyrir það hafði verið í jan­úar 2009, skömmu eftir banka­hrun­ið, þegar Frétta­­blaðið hætti að koma út á sunn­u­­dög­­um. 

Blaðið var fyrst gefið út árið 2001 og náði fljótt mik­illi fót­­festu á dag­­blaða­­mark­aði með til­­heyr­andi sneið af aug­lýs­inga­­tekjukök­unni. Vorið 2007 sögð­ust 65,2 pró­­sent lands­­manna lesa Frétta­­blað­ið.

Undir lok árs 2015 fór lestur blaðs­ins í fyrsta sinn undir 50 pró­­sent og tæpum þremur árum siðar fór hann undir 40 pró­­sent. Nú mælist lestur Frétta­­blaðs­ins 34,3 pró­­sent. 

Lest­­ur­inn hefur að mestu dreg­ist saman hjá yngri les­end­­um. Vorið 2010 lásu um 64 pró­­sent lands­­manna í ald­­ur­s­hópnum 18 til 49 ára blað­ið. Nú lesa 25 pró­­sent lands­­manna undir fimm­tugu það.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Hallgrímskirkja
„Við eigum sögu sem við þurfum heldur betur að læra af“
Sam­skipta­stjóri Bisk­ups­stofu segir að það sé skylda kirkj­unnar að læra af sögu hennar er varðar við­brögð við kyn­ferð­is­legri áreitni og ofbeldi. Ein formleg ásökun hefur borist á borð Biskupsstofu frá því Agnes M. Sigurðar­dóttir tók við embætti.
Kjarninn 22. október 2021
Kristinn Ágúst Friðfinnsson prestur hefur lagt róttæka tillögu fyrir kirkjuþing.
Fulltrúar almennings verði valdir handahófskennt til setu á kirkjuþingi
Prestur og sáttamiðlari hefur lagt fram róttæka tillögu til kirkjuþings þess efnis að fulltrúar almennra meðlima Þjóðkirkjunnar, sem eru í meirihluta á þinginu, verði valdir af handahófi. Hann segir biskupi Íslands þykja hugmynd sín skemmtileg.
Kjarninn 22. október 2021
Vinna hafin við að bregðast við ábendingum um aðgengi fatlaðra kjósenda
Yfirkjörstjórn í Reykjavík suður telur að aðbúnaður kjósenda með fötlun hafi í hvívetna verið í samræmi við lög, en ekki hafinn yfir gagnrýni. Yfirkjörstjórnin telur þó að fötluðum hafi ekki verið kerfisbundið mismunað, eins og einn kjósandi sagði í kæru.
Kjarninn 21. október 2021
Arnaldur Árnason
Eru aðgerðir á landamærum skynsamlegar?
Kjarninn 21. október 2021
Kostnaður umfram spár, en eiginfjárstaða betri en á horfðist
Mikið þarf til að tekju- og kostnaðaráætlanir Icelandair fyrir árið 2021 haldist, en rekstrarkostnaður félagsins var töluvert hærri en það gerði ráð fyrir í hlutafjárútboðinu sínu. Þó er lausafjárstaða flugfélagsins betri en búist var við.
Kjarninn 21. október 2021
Eyþór Arnalds, oddviti Sjálfstæðisflokksins í borgarstjórn Reykjavíkur.
Sjálfstæðismenn reyndu að fá Laugardals-smáhýsin færð út í Örfirisey
Borgarfulltrúar Sjálfstæðisflokksins lögðu fram tillögu um það á borgarstjórnarfundi í vikunni að smáhýsi sem samþykkt hefur verið að setja niður á auðu svæði í Laugardal yrðu frekar sett upp í Örfirisey.
Kjarninn 21. október 2021
Sigmundur Davíð Gunnlaugsson formaður og annar tveggja þingmanna Miðflokksins.
Miðflokkurinn mælist með 3,2 prósent í fyrstu könnun eftir kosningar
Fylgi Framsóknarflokksins mælist yfir kjörfylgi í nýrri könnun frá MMR, sem er sú fyrsta frá kosningum. Píratar og Viðreisn bæta nokkuð við sig frá kosningum – og sömuleiðis Sósíalistaflokkur Íslands. Miðflokkurinn hins vegar mælist afar lítill.
Kjarninn 21. október 2021
Ósamræmi í frásögnum yfirkjörstjórnarmanna í Norðvesturkjördæmi
Yfirkjörstjórnarmenn í Norðvesturkjördæmi eru ekki sammála um hvort umræða hafi farið fram innan kjörstjórnar um þá ákvörðun að telja aftur atkvæðin í kjördæminu eftir hádegi sunnudaginn 26. september.
Kjarninn 21. október 2021
Meira úr sama flokkiInnlent