Þrír sjúk­lingar lét­ust af völdum COVID-19 á Land­spít­ala síð­asta sól­ar­hring, sam­kvæmt til­kynn­ingu sem birt­ist á vef spít­al­ans í morg­un. Tveir sjúk­lingar höfðu lát­ist af sjúk­dómnum sól­ar­hring­inn þar á und­an, eða alls fimm manns á ein­ungis tveimur sól­ar­hring­um.

Tutt­ugu og þrír ein­stak­lingar hafa nú látið lífið eftir að hafa smit­ast af COVID-19 á Íslandi frá því að kór­ónu­veiru­far­ald­ur­inn barst til lands­ins í lok febr­ú­ar­mán­að­ar. Þrettán hafa lát­ist í hinni svoköll­uðu þriðju bylgju far­ald­urs­ins, en tíu lét­ust í fyrstu bylgj­unni.

Hóp­sýk­ing sem kom upp á Landa­koti í lok októ­ber varð til þess að veiran barst til þess hóps í sam­fé­lag­inu sem síst skyldi, en alls 10 af þeim 13 and­látum sem hafa orðið tengj­ast hóp­sýk­ing­unni, sam­kvæmt því sem fram kemur á Vísi í dag.

Rúm­lega 600 manns eru nú í ein­angrun með virkt smit COVID-19 og um þús­und manns til við­bótar eru í sótt­kví eftir að hafa orðið útsett fyrir smiti. Sam­kvæmt tölum á vefnum covid.is voru alls 80 manns inn­lögð á sjúkra­hús í gær.