Íslensk stjórn­völd hafa tryggt bólu­efni sem dugir fyrir 87 pró­sent þjóð­ar­innar í gegnum sam­starf Evr­ópu­þjóða með samn­ingum fram­kvæmda­stjórnar Evr­ópu­sam­bands­ins. Þetta kemur fram á vef Stjórn­ar­ráðs Íslands. „Samn­ingar sem Ísland hefur þegar lokið við lyfja­fram­leið­end­urna Pfizer og Astra Zeneca tryggja 400.000 bólu­efna­skammta sem nægja fyrir 200.000 ein­stak­linga,“ segir þar.

Þá verður samn­ingur við ­bólu­efna­fram­leið­and­ann Jans­sen und­ir­rit­aður 23. des­em­ber næst­kom­andi. Sá samn­ingur mun tryggja 235 þús­und skammta sem nægja fyrir 117.500 manns. Alls tryggja þessir þrír samn­ingar bólu­efni fyrir rúm­lega 317 þús­und ein­stak­linga. Þá verður samn­ingur við Moderna und­ir­rit­aður 31. des­em­ber næst­kom­andi en ekki liggur fyrir hvert umfang samn­ings­ins verð­ur.

Til­kynn­ing stjórn­valda kemur í kjöl­far umfjöll­unar um úttekt Bloomberg frétta­veit­unnar sem fjallar um bólu­efni við kór­ónu­veirunni og hvernig stjórn­völdum víða um heim miðar í því að tryggja sér bólu­efni. Í úttekt Bloomberg eru íslensk stjórn­völd sögð vera búin að útvega bólu­efni fyrir um 103 þús­und manns eða um 29 pró­sent þjóð­ar­inn­ar. 

Á vef stjórn­ar­ráðs­ins má sjá yfir­lit um stöðu samn­inga Íslands og verður yfir­litið upp­fært reglu­lega eftir því sem málum vindur fram.