Hlutafé í Isa­via hefur verið aukið um 15 millj­arða króna, en þetta var sam­þykkt af hlut­hafa­fundi 12. jan­úar síð­ast­lið­inn. Þessir fjár­munir koma úr rík­is­sjóði, en íslenska ríkið er eini eig­andi Isa­via.

Isa­via greinir frá hluta­fjár­aukn­ing­unni í til­kynn­ingu í dag. Þar segir að henni sé ætla að mæta rekstr­ar­tapi vegna COVID-19 og gera félag­inu kleift að hefja vinnu við upp­bygg­ingu á Kefla­vík­ur­flug­velli á ný.

Isa­via fékk fjög­urra millj­arða króna inn­spýt­ingu í apríl á síð­asta ári, til þess að þurfa ekki að fresta fram­kvæmdum sem fyr­ir­hug­aðar voru á Kefla­vík­ur­flug­velli. 

Nú segir í til­kynn­ingu Isa­via að ljóst sé að ákvörð­unin um að veita 15 millj­örðum til félags­ins skapi fjölda nýrra starfa við upp­bygg­ingu á Kefla­vík­ur­flug­velli, þar með talið strax á þessu ári.

Í fjár­lögum árs­ins 2021 er heim­ild til að auka við hlutafé í opin­berum félögum í því skyni að auka fjár­fest­ing­ar­getu eða bregð­ast við meiri háttar rekstr­ar­vanda vegna heims­far­ald­urs kór­ónu­veirunn­ar.

„Það er gríð­ar­lega mik­il­vægt að við verðum reiðu­búin þegar flug­um­ferð verður orðin álíka og fyrir heims­far­ald­ur. Fram að því getum við ráð­ist í fram­kvæmdir sem miða að því að gera Kefla­vík­ur­flug­völl sam­keppn­is­hæf­ari en áður. Það skilar sér til þeirra fjöl­mörgu fyr­ir­tækja sem starfa á flug­vell­in­um, og ferða­þjón­ust­unnar í heild,“ er haft eftir Svein­birni Ind­riða­syni for­stjóra Isa­via í til­kynn­ingu.

„Það er ljóst að við hjá Isa­via getum lítið gert til að hafa áhrif á það hvenær ferða­tak­mörk­unum í heim­inum verður aflétt en við getum haft mikil áhrif á það hvernig okkur reiðir af á kom­andi árum. Það má ekki gleyma því að hluta­fjár­aukn­ingin veitir okkur líka svig­rúm til að mæta mis­mun­andi sviðs­myndum út úr COVID-19 og á sama tíma auð­velda flug­fé­lögum að hefja flug á ný þegar þar að kem­ur, m.a. með mark­aðs­stuðn­ingi. Okkur er falin mikil ábyrgð að sinna einum af lyk­il­innviðum lands­ins og við ætlum okkur að standa undir þeirri ábyrgð,“ er einnig haft eftir for­stjór­an­um. 

Verk­lok 2025

Fram kemur í til­kynn­ingu Isa­via að fyr­ir­hug­uðum fram­kvæmdum á Kefla­vík­ur­flug­velli sé ætl­að að „styrkja sam­keppn­is­hæfni flug­vall­ar­ins og tengi­stöðv­ar­innar með því að bæta þjón­ustu við við­skipta­vin­i, bæta að­stöðu flug­véla og far­þega, stytta afgreiðslu­tíma og auka þannig afköst og skil­virkni hans.“

Gert er ráð fyrir að þeim fram­kvæmdum sem fyr­ir­hugað er að ráð­ast í að svo stöddu verði að fullu lokið árið 2025.