Þor­gerður Katrín Gunn­ars­dótt­ir, for­maður Við­reisn­ar, leggur til að for­menn allra stjórn­mála­flokka sem bjóða munu fram lista fyrir næstu alþing­is­kosn­ingar sam­mælist um skýrar leik­reglur sem úti­loki ofbeld­is­full og meið­andi ummæli í aðdrag­anda kosn­inga.

Þetta kemur fram í stöðu­upp­færslu á Face­book-­síðu hennar í dag. Til­efni skrif­anna er meðal ann­ars atvik sem fjallað hefur verið um í fjöl­miðlum síð­ustu daga en skotið var með byssu á bíl Dags B. Egg­erts­sonar borg­ar­stjóra ein­hvern­ tím­ann í síð­­­ustu viku.

„Árásir á stjórn­mála­fólk og höf­uð­stöðvar stjórn­mála­flokka eru sterk áminn­ing til allra sem taka þátt í opin­berri umræðu um að sýna ábyrgð, aðgát og mann­virð­ingu. Við sem störfum í stjórn­málum verðum að standa saman gegn þess­ari vá. Öll berum við ábyrgð,“ skrifar hún.

Atlaga að dýr­mætu frelsi og lýð­ræði

Þor­gerður Katrín segir að orð­ræða eða athafnir sem ýta undir ógn og ofbeldi gagn­vart stjórn­málafólki, flokkum eða stofn­unum sé atlaga að dýr­mætu frelsi og lýð­ræði. Að hræða fólk frá því að fylgja hug­sjónum sínum og sann­fær­ingu geri það sama. Fjöl­breyttar raddir sem ekki eru endi­lega alltaf sam­mála séu lýð­ræð­inu mik­il­væg­ar. Að sama skapi skipti miklu máli að virð­ing gagn­vart ólíkum sjón­ar­miðum og almenn hátt­vísi sé í hávegum höfð.

„Skýrar sam­eig­in­legar línur og skila­boð af hálfu for­ystu­fólks í stjórn­málum um að hvers kyns ofbeldi verði ekki lið­ið, væri þýð­ing­ar­mikil byrjun á kosn­inga­ári. Látum kosn­ing­arnar snú­ast um hug­myndir og málefni. Fyrir fólkið okk­ar. Það er mikið und­ir. Ég er til,“ skrifar hún að lok­um.