Búið að samþykkja 60 umsóknir um dvalarleyfi frá tekjuháu fjarvinnufólki

Frá því að reglugerðarbreytingar gerðu fjarvinnufólki utan EES mögulegt að sækja um dvalarleyfi á Íslandi til sex mánaða hafa alls 65 slíkar umsóknir borist, nær allar frá Bandaríkjunum. 10 manns hafa komið til landsins og fengið slík dvalarleyfi útgefin.

Það var í lok október sem þessi nýja tegund af dvalarleyfum var kynnt til sögunnar, en þeir sem þau fá geta verið á Íslandi og starfað í allt að sex mánuði í fjarvinnu fyrir erlend fyrirtæki.
Það var í lok október sem þessi nýja tegund af dvalarleyfum var kynnt til sögunnar, en þeir sem þau fá geta verið á Íslandi og starfað í allt að sex mánuði í fjarvinnu fyrir erlend fyrirtæki.
Auglýsing

Útlend­inga­stofnun hefur fengið alls 65 umsóknir um vega­bréfs­á­rit­anir fyrir fólk utan EES sem vill koma til Íslands og vinna fyrir erlend fyr­ir­tæki í fjar­vinnu til allt að sex mán­aða, en mögu­legt hefur verið sækja um slík dval­ar­leyfi frá því í lok októ­ber, er þrír ráð­herrar kynntu í sam­ein­ingu reglu­gerð­ar­breyt­ingar sem mið­uðu að þessu.

Sam­kvæmt svörum frá Útlend­inga­stofnun eru þessar sex­tíu og fimm umsóknir bæði frá starfs­fólki erlendra fyr­ir­tækja sem hefur hug á að koma hingað og vinna tíma­bundið og mökum þeirra og börn­um. Hingað til hafa tíu manns fengið útgefið þessa nýju teg­und dval­ar­leyfa, en dval­ar­leyfin eru ekki gefin út fyrr en fólk kemur til lands­ins.

Fimm­tíu umsóknir til við­bótar hafa verið sam­þykktar og Útlend­inga­stofnun er þessa dag­ana með fimm umsóknir í vinnslu. 95 pró­sent þess­ara umsókna eru frá Banda­ríkj­un­um, en þær fáu sem eftir standa eru frá Kanada­mönnum og Bret­um. Fyrst var sagt frá þessu á nýsköp­un­ar- og tækni­vefnum Northstack í gær.

Það var í lok októ­ber sem þessi nýja teg­und af dval­ar­leyfum var kynnt til sög­unn­ar, en þeir sem þau fá geta verið á Íslandi og starfað í allt að sex mán­uði fyrir erlend fyr­ir­tæki. Fjar­vinnu­starfs­menn­irnir geta tekið fjöl­skyldur sínar með sér án þess að þurfa að færa lög­heim­ili sitt eða öðl­ast íslenska kenni­tölu. 

Þessi fjar­vinnu­starfs­menn greiða því ekki skatta og eiga ekki rétt á neinni end­ur­gjalds­lausri þjón­ustu frá hinu opin­bera hér á landi. Komi börn á skóla­skyldu­aldri með í för þarf að sýna fram á að þau séu í fjar­námi að utan, fái heima­kennslu eða fá sam­þykki um að koma þeim að í skólum hér á landi.

Auglýsing

Stjórn­völd ákváðu að opna á þennan mögu­leika til þess að reyna að fá til lands­ins sér­fræð­inga í fjar­vinnu sem gætu tengst nýsköp­un­ar­um­hverf­inu hér á landi, en hug­myndin kom upp í kjöl­far þess að fyrsta bylgja COVID-19 far­ald­urs­ins skall á að fjöldi fyr­ir­tækja í Banda­ríkj­unum og víðar opn­aði á að fólk gæti unnið sína vinnu að heima.

Þór­dís Kol­brún R. Gylfa­dóttir ferða­mála-, iðn­að­ar- og nýsköp­un­ar­ráð­herra hafði frum­kvæði að verk­efn­inu og vann ráðu­neyti hennar að því í sam­vinnu við dóms­­­mála­ráðu­­­neyt­ið, fjár­­­­­mála- og efna­hags­ráðu­­­neytið og Skatt­inn og fleiri að útfæra þessa nýju heim­ild.

Til skoð­unar að bjóða upp á lengra fjar­vinnu­dval­ar­leyfi

Verið er að skoða hvort hægt sé að bjóða upp á enn lengri dvöl hér á landi, en til þess þarf frek­ari laga- og reglu­gerð­ar­breyt­ingar en ráð­ist hefur verið í til þessa.

Sam­kvæmt svörum frá atvinnu­vega- og nýsköp­un­ar­ráðu­neyt­inu við fyr­ir­spurn Kjarn­ans lagði Þór­dís Kol­brún til við rík­is­stjórn­ina á fundi hennar í gær að farið yrð­i í vinnu við að útfæra heim­ild fyrir erlenda sér­fræð­inga til að dvelja hér á landi og stunda vinnu sína fyrir erlend fyr­ir­tæki í fjar­vinnu í lengri tíma en 6 mán­uði. Ráð­herra lagði til að atvinnu­vega- og nýsköp­un­ar­ráðu­neytið myndi halda utan um vinn­una og miðað er við að til­lögur um nauð­syn­legar laga- og reglu­gerð­ar­breyt­ingar verði lagðar fram í rík­is­stjórn eigi síðar en 7. maí.

Íslands­stofa hefur farið í grein­ing­ar­vinnu á þessu máli að und­an­förnu. Í þeirri vinnu hefur komið í ljós að breið­ari hópur hefur áhuga á að koma hingað til lands til að stunda vinnu sína fyrir erlendan aðila í fjar­vinnu en getur það í dag.

Einnig kom fram í þess­ari vinnu Íslands­stofu að sníða þyrfti van­kanta af og stytta umsókn­ar­fer­ið, gera mökum þess­ara aðila kleift að starfa hér á landi og huga að skattaum­hverf­in­u. 

„Ljóst er að fleiri ráðu­neyti og aðilar þurfa að koma að verk­efn­inu ef heim­ila á þessum aðilum dvöl hér á landi í lengri tíma en 6 mán­uði, þ.e. dóms­mála­ráðu­neyti, fjár­mála- og efna­hags­ráðu­neyti, félags­mála­ráðu­neyti, mennta- og menn­ing­ar­mála­ráðu­neyti, sam­göngu- og sveita­stjórn­ar­ráðu­neyti auk atvinnu­vega- og nýsköp­un­ar­ráðu­neyt­is, Útlend­inga­stofn­un­ar, Skatts­ins, Vinnu­mála­stofn­unar og Íslands­stofu,“ segir í svari ráðu­neyt­is­ins við fyr­ir­spurn Kjarn­ans um þetta mál­efni.

Miðað að hátekju­fólki í fjar­vinnu

­At­hygli vakti þegar reglu­gerð­ar­breyt­ing­arnar voru kynntar að fólk þarf að vera tölu­vert tekju­hátt til þess að eiga kost á því að sækja um dval­ar­leyfi í fjar­vinnu, en þeir útlend­ingar sem sækja um lang­­tíma­­vega­bréfs­á­­ritun til að stunda hér fjar­vinnu að vera með erlendar tekjur sem sam­svara að minnsta kosti einni milljón króna á mán­uði. Ef maki við­kom­andi er með í för þá þarf fjar­vinnu­starfs­maður að sýna fram á tekjur upp á að minnsta kosti 1,3 millj­­ónir króna á mán­uði.

Fólk þarf að sýna fram á ráðn­ing­ar­sam­band eða verk­efna­samn­inga, starfi það sjálf­stætt. Einnig þarf fólk að sýna fram á að það hafi ýmist íslenskar eða erlendar sjúkra­trygg­ingar allan þann tíma sem það ætlar að dvelja á Íslandi.

Þór­­­dís Kol­brún sagði í til­­­kynn­ingu um mál­ið í októ­ber að til að byggja upp útflutn­ings­­­greinar byggðar á hug­viti þyrfti að búa til umhverfi, suð­u­pott fólks með hug­­­myndir og hæfni sem kynnist, lærir af hvert öðru, og býr til tæki­­­færi fram­­­tíð­­­ar­inn­­­ar.

Þórdís Kolbrún R. Gylfadóttir. Mynd: Bára Huld Beck.

„Við höfum upp á mikið að bjóða fyrir erlenda sér­­­fræð­inga og getum lært mikið af þeim. Einn helsti veik­­­leiki íslenska nýsköp­un­­­ar­um­hverf­is­ins eru teng­ingar okkar við útlönd. Með því að hvetja fjar­vinn­u­­­fólk til að koma til Íslands erum við að minnka heim­inn og búa til mik­il­vægar teng­ingar sem ann­­­ars væri erfitt að koma á. Nú höfum við stigið þetta mik­il­væga skref en ætlum að halda áfram vinnu við að stíga enn stærri skref svo við getum boðið upp á enn lengri dvöl íslensku sam­­­fé­lagi til hags­­­bóta,“ sagði ráð­herra í til­kynn­ingu.

Í svörum til Kjarn­ans öllu fyrr, eða í byrjun júní, sagði Þór­dís Kol­brún að hún teldi vel koma til greina að verja fé til þess að kynna fyrir umheim­inum að sér­fræð­ingum stæði til boða að koma til Íslands og starfa í fjar­vinnu.

„Eftir að búið er að kort­­leggja ferlið og sjá hvaða breyt­ingar þarf að gera til að hafa það sem ein­fald­­ast og skil­­virkast þurfum við að koma því til skila og búa til ein­hvers konar leið­­ar­­vísi þar sem við­kom­andi er leiddur í gegnum ferl­ið. Ekki síst að huga að mark­aðs­­setn­ingu á Íslandi sem fjar­vinn­u­landi. Þar þyrfti að ein­blína á hvað er ein­stakt og spenn­andi við að koma hingað og hvað við höfum fram að færa. Að búa á Íslandi er lottó­vinn­ingur og fyrir sér­­fræð­inga í alþjóð­­legum tækn­i­­fyr­ir­tækjum getum við boðið upp á mikil lífs­­gæði. Þar mætti auð­vitað nefna nátt­úr­una en einnig líka til dæmis gott aðgengi að leik- og grunn­­skólum sem er oft meiri risa bónus fyrir barna­­fólk en við kannski áttum okkur á fyrir utan frá­­­bært heil­brigð­is­­kerfi, virkt menn­ing­­ar­líf, frið og ró,“ sagði Þór­­dís Kol­brún.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Engin aukning í sjálfsvígum í fyrstu bylgju COVID-19
Ólíkt öðrum stórum efnahagsáföllum fjölgaði sjálfsvígum ekki í kjölfar kreppunnar sem fylgdi fyrstu bylgju heimsfaraldursins í fyrra í hátekjulöndum, samkvæmt nýrri rannsókn.
Kjarninn 18. apríl 2021
Halldór Gunnarsson
Prósentur, meðaltöl og tíundir í þágu eldri borgara
Kjarninn 18. apríl 2021
Anna Tara Andrésdóttir
Sóttvarnayfirvöld fylgja ekki rannsóknum sem benda til þess að andlitsgrímur virki ekki
Kjarninn 18. apríl 2021
Jón Ormur Halldórsson
Kaflaskilin í Kína
Kjarninn 18. apríl 2021
Þrettán manns greindust með COVID-19 innanlands í gær. Fólk er hvatt til að fara í skimun við minnstu einkenni.
Þrettán smit innanlands – hópsmit í kringum leikskóla í Reykjavík
Í gær greindust fleiri með COVID-19 innanlands en á nokkrum öðrum degi síðan 23. mars. Átta voru utan sóttkvíar og hinir höfðu verið stutt í sóttkví.
Kjarninn 18. apríl 2021
Skriðdreki rússneskra aðskilnaðarsinna í Donbas á ferðinni á heræfingu í upphafi þessa árs. Yfir 15 þúsund hafa látið lífið síðan átökin í Úkraínu hófust árið 2014. Nú eru blikur á lofti.
Rússar herða tökin í Úkraínu
Rússar sýna nú ógnandi tilburði við landamæri Úkraínu. Samhliða beita þeir ýmsum tólum fjölþáttahernaðar og Vesturlönd velkjast í vafa um viðbrögð.
Kjarninn 18. apríl 2021
„Stundum hef ég hugsað um hvað gerist ef það kviknaði í hér inni. Það eru margir neyðarútgangar en innan við þá alla eru full vörubretti, þetta er kolólöglegt en enginn gerir neitt,“ sagði einn starfsmaður undir nafnleynd við dagblaðið Information nýlega
Þrælahald
Fimmtán klukkustunda vinna á hverjum degi mánuðum saman, kröfur um afköst, sem ekki er hægt að uppfylla, tímaáætlun sem ekki gerir ráð fyrir salernisferðum og kaffitímum. Svona er vinnuaðstæðum lýst hjá þekktri danskri netverslun.
Kjarninn 18. apríl 2021
Ingibjörg Isaksen mun leiða lista Framsóknar í Norðausturkjördæmi í haust.
Ingibjörg Isaksen efst hjá Framsókn í Norðausturkjördæmi – Líneik önnur
Ingibjörg Ólöf Isaksen bæjarfulltrúi og framkvæmdastjóri á Akureyri varð hlutskörpust í póstkosningu Framsóknarflokksins í Norðausturkjördæmi. Hafði hún betur en Líneik Anna Sævarsdóttir þingmaður flokksins, sem varð önnur í kjörinu.
Kjarninn 17. apríl 2021
Meira úr sama flokkiInnlent