Þýðir ekki að við getum lifað „hinu villta góða lífi“

Þó að slakað verði á takmörkunum innanlands á næstu dögum þýðir það ekki að við getum farið að lifa „hinu villta góða lífi,“ segir sóttvarnalæknir.

Þórólfur Guðnason sóttvarnalæknir.
Þórólfur Guðnason sóttvarnalæknir.
Auglýsing

Skapast hafa góðar aðstæður til að slaka enn meira á sóttvarnaaðgerðum innanlands og hefur sóttvarnalæknir sent heilbrigðisráðherra tillögur að tilsökunum. Búast má við nýrri reglugerð á næstu dögum.


Til að hægt sé að slaka á þarf faraldurinn í fyrsta lagi að vera í lágmarki innanlands og einnig þarf að vera búið að ná nokkuð góðum tökum á landamærunum. Báðar þessar forsendur eru nú til staðar að mati Þórólfs Guðnasonar sóttvarnalæknis. Hann leggur til ýmsar tilslakanir á öllum þeim aðgerðum sem verið hafa í gangi en á upplýsingafundi dagsins vildi hann ekki fara nákvæmlega ofan í tillögurnar þar sem stjórnvöld eigi enn eftir að fjalla um þær. „Eins og áður mun örugglega einhverjum þykja of bratt farið á meðan öðrum allt of hægt,“ sagði Þórólfur. Hann var spurður hvort að til standi að lengja opnunartíma skemmtistaða og kráa og minnti hann þá á að þriðja bylgjan hafi hafist þar svo að mjög varlega verði að fara í slíkt.


Þó að nú sé hægt að feta sig í frekari tilslakanir, eins og Þórólfur orðaði það, þarf að gera það varlega og enn er brýnt að fólk sinni áfram einstaklingsbundnum sóttvörnum. „Við viljum ekki fá bakslag núna á þessari stundu.“

Auglýsing

Bólusetningardagatalið sem stjórnvöld gáfu út fyrir helgi er svar við ákalli um einhvern fyrirsjáanleika, sagði sóttvarnalæknir. Það er þó óvissu háð. Þó að vonast sé til að bóluefnin verði afhent hraðar á næsta ársfjórðungi en hingað til hefur verið búist við er það alls ekki víst „og við þurfum að vera við öllu búin, líka því að dreifingin verði hægari en við vildum.“

Mögulega hægt að blása til stórra viðburða


Spurður hvort að hægt verði að halda stóra viðburði næsta sumar en allir slíkir voru blásnir af í fyrra, sagðist hann ekki telja það ólíklegt að því gefnu að megin þorri þjóðarinnar verði bólusettur fyrir júnílok og að ekki komi fram ný afbrigði veirunnar sem bóluefnin virki ekki á.


Nú er hafið þekkingarsöfnun á landamærunum,  með því að skylda farþega til að framvísa neikvæðu PCR-prófi og ef sú reynsla bendir til að óhætt sé með þeim hætti að afnema seinni skimun og jafnvel sóttkví verði það reynt 1. maí. „Ef það verður hægt og allt gengur vel þá ætti ekkert að vera því til fyrirstöðu að við höfum aðeins lausari tauminn næsta sumar. Hvernig það verður nákvæmlega veit ég ekki. Það sem skiptir öllu máli er hvernig við hegðum okkur sem einstaklingar. Ekki hvaða takmarkanir stjórnvöld setja. Þannig að þó að það sé verið að slaka á þá er mikilvægt að fólk haldi áfram að passa sig. Þetta þýðir ekki það að við getum lifað hinu villta góða lífi.“


Ekkert virkt smit hefur greinst utan sóttkvíar innanlands frá fyrsta febrúar. Þórólfur segir að auðvitað séu ákveðnar áhyggjur fyrir hendi um að þegar slakað verði á aðgerðum gerist eitthvað. Aðstæður séu hins vegar mun betri á landamærum nú en áður. „Staða okkar er allt öðruvísi núna,“ sagði hann um samanburð við síðasta sumar. „En vissulega er hættan alltaf fyrir hendi að faraldurinn blossi upp aftur. En við þurfum alltaf að lifa við þá hættu sama hvað við gerum.“

58 ekki með vottorð á landamærunum

Síðustu vikur hafa um 170-180 farþegar komið landsins daglega. Á föstudag tóku gildi nýjar reglur á landamærunum og er öllum farþegum nú skylt að framvísa neikvæðu PCR-prófi, sem ekki má vera eldra en 72 stunda gamalt, við komuna til landsins. Þeir sem hafa gilt vottorð um bólusetningu eða að hafa náð bata af COVID-19 eru undanþegnir því.

Um helgina komu 706 farþegar til landsins og 503 framvísuðu neikvæðu PCR-prófi. 51 framvísaði vottorði um fyrri sýkingu og 54 vottorði um bólusetningu. 58 voru ekki með vottorð. Víðir Reynisson yfirlögregluþjónn sagði að í vikunni yrði farið að sekta þá sem ekki framvísa gildu vottorði. Sektarupphæð hefur enn ekki verið ákveðin.



Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Skriður á rannsókn saksóknara og skattayfirvalda á meintum brotum Samherja
Bæði embætti héraðssaksóknara og skattrannsóknarstjóri hafa yfirheyrt stjórnendur Samherja. Embættin hafa fengið aðgang að miklu magni gagna, meðal annars frá fyrrverandi endurskoðanda Samherja og úr rannsókn Seðlabanka Íslands á starfsemi fyrirtækisins.
Kjarninn 23. júní 2021
Katrín Jakobsdóttir, forsætisráðherra.
„Eðlilegt að draga þá ályktun að verðið hafi hækkað vegna áhuga á útboðinu“
Forsætisráðherra segir að það bíði næstu ríkisstjórnar að ákveða hvort selja eigi fleiri hluti í Íslandsbanka. Salan hafi verið vel heppnuð aðgerð.
Kjarninn 23. júní 2021
Jenný Ruth Hrafnsdóttir
Ísland - Finnland: 16 - 30
Kjarninn 23. júní 2021
Þórólfur Guðnason sóttvarnalæknir.
Engin smit út frá bólusettum með virkt smit – „Hver er þá áhættan? Mikil eða lítil?“
Ellefu bólusettir einstaklingar hafa greinst með veiruna á landamærunum. Engin smit hafa hins vegar greinst út frá þeim. Sóttvarnalæknir segir enn óvíst hvort smithætta fylgi bólusettum með smit en að hún sé „alveg örugglega“ minni en frá óbólusettum.
Kjarninn 23. júní 2021
Benedikt Jóhannesson hefur veifað bless við framkvæmdastjórn flokksins sem hann var aðalhvatamaðurinn að því að stofna.
Hefur sagt sig úr framkvæmdastjórn og segir framgöngu formanns mestu vonbrigðin
Fyrrverandi formaður Viðreisnar telur að atburðarás hafi verið hönnuð til að koma ákveðnum einstaklingum í efstu sætin á lista flokksins á höfuðborgarsvæðinu og halda öðrum, meðal annars honum, frá þeim sætum.
Kjarninn 23. júní 2021
Drífa Snædal, forseti ASÍ.
ASÍ hvetur forsætisráðherra til að beita sér fyrir alþjóðlegum fyrirtækjaskatti
Verkalýðshreyfingin kallar eftir því að lagður verði á 25 prósent skattur á hagnað alþjóðlegra stórfyrirtækja þar sem hann verður til.
Kjarninn 23. júní 2021
Viðskipti hófust með bréf Íslandsbanka í gær.
20 fjárfestar keyptu rúmlega helminginn af því sem selt var í Íslandsbanka
Búið er að birta lista yfir stærstu eigendur Íslandsbanka. Auk ríkisins eiga lífeyrissjóðir og erlendir fjárfestingarsjóðir stærstu eignarhlutina. Margir einstaklingar leystu út hagnað af viðskiptunum í gær.
Kjarninn 23. júní 2021
Engin ákvörðun hefur enn verið tekin um hvort og þá hvenær farið verður að bólusetja börn við COVID-19 á Íslandi.
Ráðleggja óbólusettum – einnig börnum – frá ónauðsynlegum ferðalögum
Sóttvarnarlæknir segir þær ráðleggingar embættisins að óbólusettir ferðist ekki til útlanda gildi einnig fyrir börn. Engin ákvörðun hefur enn verið tekin um almenna bólusetningu barna.
Kjarninn 23. júní 2021
Meira úr sama flokkiInnlent