Tíu fróðleiksmolar um faraldurinn á Íslandi

Við höfum kannski ekki átt sjö dagana sæla í ýmsum skilningi undanfarna mánuði en við fikrumst þó í átt að viku án greindra smita á ný sem hefur ekki gerst síðan í júlí. Frá upphafi faraldursins fyrir rúmu ári hafa samtals 104 dagar verið án nýrra smita.

Það er að birta til í faraldrinum, ári eftir að hann hófst hér á landi.
Það er að birta til í faraldrinum, ári eftir að hann hófst hér á landi.
Auglýsing

1. 

Eng­inn Íslend­ingur yngri en sex­tíu ára hefur lát­ist vegna COVID-19 í þeim þremur bylgjum far­ald­urs­ins sem gengið hafa yfir. 29 hafa lát­ist úr sjúk­dómnum á Íslandi, þar af einn erlendur ferða­maður á fer­tugs­aldri. Sam­an­lagt hafa 833 ein­stak­lingar 60 ára eða eldri greinst með veiruna inn­an­lands.



Rúmt ár er liðið frá því að fyrsta inn­an­lands­smitið greind­ist á Íslandi.



2. 

Í gær var aðeins einn í ein­angrun vegna smits sem greinst hafði inn­an­lands. Svo fáir hafa ekki verið í ein­angrun vegna COVID-19 síðan í lok júlí. Þann 5. apr­íl, á hátindi fyrstu bylgj­unn­ar, voru 1.096 sam­tímis í ein­angrun með sjúk­dóm­inn. Fyrstu sex dag­ana í apríl voru yfir þús­und í ein­angr­un.

Auglýsing


3. 

Í þeirri þriðju sem gekk yfir í haust og upp­hafi vetrar voru mest 1.186 í ein­angrun á sama tíma. Það var þann 16. októ­ber. Í heila ell­efu daga, 12.-22. októ­ber, voru yfir þús­und í ein­angr­un.



4.

Frá ára­mótum hafa 104 greinst með kór­ónu­veiruna inn­an­lands. Aðeins ell­efu greindust í febr­ú­ar. Ekk­ert smit hefur nú greinst í fjóra daga.



Af þeim 368 dögum sem liðnir eru frá fyrsta smiti hér á landi hafa 104 dagar reynst smit­laus­ir. Lengsta „smit­leysið“ varði í tutt­ugu daga í júlí. Í sex daga á því tíma­bili var eng­inn í ein­angrun vegna inn­an­lands­smits.



5.

Rúm­lega 1.800 manns fengu COVID-19 í fyrstu bylgj­unni og tíu manns lét­ust. Sú þriðja var enn skæð­ari og í henni lét­ust nítján. Rekja má þau dauðs­föll til hóp­sýk­ingar sem upp kom á Landa­koti. 53 ein­stak­lingar hafa þurft á inn­lögn á gjör­gæslu­deild að halda vegna alvar­leika veik­inda sinna.



6.

Frá upp­hafi far­ald­urs­ins var mark­mið sótt­varna­yf­ir­valda að verja við­kvæma hópa fyrir sýk­ing­um. Árangur þeirra aðgerða má m.a. sjá í fjölda smita eftir aldri en hættan á alvar­legum veik­indum eykst eftir því sem hann hækk­ar. Sé horft til fjölda smita á hverja þús­und íbúa í til­teknum ald­urs­hópum er ljóst að hlut­falls­lega flest smit greindust hjá fólki á aldr­inum 18-29 ára (18,5/1.000). Hlut­fallið er mun lægra hjá fólki á milli 70 og 79 ára og aðeins um 7 af hverjum þús­und íbúum á þeim aldri sýkt­ust.

Heimild: Covid.is



Hlut­fallið hækkar hins vegar í elsta ald­urs­hópn­um, níu­tíu ára og eldri, sem aðal­lega skýrist af hóp­sýk­ing­unni á Landa­koti. 34 ein­stak­lingar á þessum aldri sýkt­ust af kór­ónu­veirunni og sex þeirra lét­ust eða tæp átján pró­sent.



7. 

713 hafa greinst með virkt smit í sýna­töku á landa­mær­unum frá því að fyr­ir­komu­lagið var tekið upp um miðjan júní. Mik­ill meiri­hluti eða rúm­lega 75 pró­sent, hafa greinst í fyrri sýna­töku. Af þeim sem greinst hafa jákvæðir á landa­mær­unum hafa 467 reynst vera með mótefni og því ekki smit­andi.



8. 

Í febr­úar var byrjað að skylda ferða­menn að fram­vísa nei­kvæðu COVID-­prófi við kom­una til lands­ins. Nið­ur­staðan má ekki vera meira en 72 klukku­stunda göm­ul. Sótt­varna­læknir hefur sagt að nú sé hafið reynslu­tíma­bil til að kanna hvernig slík nei­kvæð próf og sýna­tökur á landa­mær­unum spila sam­an. Reyn­ist fyr­ir­komu­lagi vel er mögu­legt að sýna­tökum hjá ferða­mönnum verði fækkað í eina og að sótt­kví sem er nú skylda á milli skim­ana verði úr sög­unni.



Núver­andi fyr­ir­komu­lag á landa­mær­unum gildir til 1. maí.

Auglýsing


9. 

Mun strang­ari reglur eru nú á landa­mær­unum en voru í kjöl­far fyrstu bylgj­unnar í júní í fyrra þegar aðeins ein sýna­taka var fram­kvæmd og ýmsar und­an­þágur leyfð­ar. Þó að hættan á því að smit „leki yfir landa­mær­in“ sé alltaf fyrir hendi hafa yfir­völd á síð­ustu mán­uðum aflað sér mik­illar þekk­ingar og beitt reynsl­unni til að lág­marka hætt­una á að slíkt ger­ist.    



10. 

Meira en helm­ingi fleiri lands­menn eru nú full­bólu­settir á Íslandi, eða um 12.700 manns, en sýkst hafa af kór­ónu­veirunni. Um 11.000 til við­bótar hafa fengið fyrri skammt bólu­efn­is­ins. Um 74 pró­sent níu­tíu ára og eldri eru full­bólu­settir og tæp 30 pró­sent 80-89 ára. Lang­flestir hafa fengið bólu­efni frá Pfiz­er-BioNTech eða rúm­lega 15.500 lands­menn.



Um 8,2 pró­sent fólks sextán ára og eldra hefur fengið að minnsta kosti fyrri skammt bólu­efn­is­ins. Stefnt er að því að allir eldri en 80 ára og til við­bótar um helm­ingur fólks á átt­ræð­is­aldri verði ýmist orðið full­bólu­sett fyrir lok mars eða búið að fá fyrri skammt­inn. Stjórn­völd binda vonir til þess að mik­ill meiri­hluti lands­manna verði bólu­settur fyrir lok júní. Engar dreif­ing­ar­á­ætl­anir hafa hins vegar enn borist frá lyfja­fyr­ir­tækj­unum fyrir annan árs­fjórð­ung.





Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Frá brautarpalli við aðallestarstöðina í þýsku borginni Speyer. Ef til vill hafa einhverjir þessara farþega nýtt sér níu evru miðann.
Aðgangur að almenningssamgöngum í heilan mánuð fyrir níu evrur
Níu evru miðinn gildir í allar svæðisbundnar samgöngur í Þýskalandi til loka ágústmánaðar. Þetta samgönguátak er hluti af aðgerðapakka stjórnvalda vegna vaxandi verðbólgu og hækkandi orkuverðs en er einnig ætlað að stuðla að umhverfisvænni ferðavenjum.
Kjarninn 26. júní 2022
Steingrímur J. Sigfússon hætti á þingi í fyrrahaust. Síðan þá hefur hann verið skipaður til að leiða tvo hópa á vegum ríkisstjórnarinnar.
Steingrímur J., Óli Björn og Eygló skipuð í stýrihóp til að endurskoða örorkukerfið
Fyrrverandi formaður Vinstri grænna, þingmaður Sjálfstæðisflokks, fyrrverandi félagsmálaráðherra og aðstoðarmaður ríkisstjórnarinnar mynda stýrihóp sem á að endurskoða örorkulífeyriskerfið. Hópurinn á að skila af sér eftir tvö ár. Ingu Sæland er óglatt.
Kjarninn 26. júní 2022
Örn Bárður Jónsson
Veðurfræðingar án framtíðar!
Kjarninn 26. júní 2022
Heildartekjur fjarskiptafyrirtækja jukust um 6,1 milljarð í fyrra og voru 72,4 milljarðar
Farsímaáskriftum fjölgaði aftur í fyrra eftir að hafa fækkað í fyrsta sinn frá 1994 á árinu 2020. Tekjur fjarskiptafyrirtækjanna af sölu á farsímaþjónustu jukust gríðarlega samhliða þessari þróun.
Kjarninn 26. júní 2022
Anna Marsibil Clausen, ritstjóri hlaðvarpa hjá RÚV.
„Rökrétt framhald á kaffistofuumræðunni á tímum ólínulegrar dagskrár“
Svokölluð fylgivörp, hlaðvörp um sjónvarpsefni, eru rökrétt framhald á kaffistofuumræðunni á tímum ólínulegrar dagskrár að mati ritstjóra hlaðvarpa hjá RÚV.
Kjarninn 26. júní 2022
Harmsaga fílsins Happy
Hún er ekki persóna sem á rétt á frelsi segja dómstólar þrátt fyrir að henni hafi verið rænt frá fjölskyldu sinni, hún fönguð, bundin og barin. Misst einu vini sína í prísundinni og aldrei eignast afkvæmi.
Kjarninn 26. júní 2022
Fólk lagði blóm og kerti á götu í Stokkhólmi til minningar um sænska rapparann Einar sem var skotinn til bana í október í fyrra.
Sænskir ráðherrar í læri hjá Dönum
Á meðan morðum sem framin eru með skotvopnum fækkar í mörgum Evrópulöndum fjölgar þeim í Svíþjóð. Í Danmörku fækkar slíkum morðum og nú vilja Svíar læra af Dönum hvernig hægt sé að draga úr glæpum af þessu tagi.
Kjarninn 26. júní 2022
Úlfar Þormóðsson
Uppvakningar
Kjarninn 25. júní 2022
Meira úr sama flokkiInnlent