Hún er farin að sveigj­ast upp á ný. Kúrfan marg­um­tal­aða. Á aðeins átta dögum hafa níu­tíu manns greinst með kór­ónu­veiruna inn­an­lands. Fjöld­inn hefur verið í kringum tíu flesta dag­ana en í gær, mánu­dag, varð spreng­ing: 38 smit greindust. 163 eru nú í ein­angrun á land­inu og rúm­lega 450 manns eru í sótt­kví. Sú tala gæti átt eftir að hækka hressi­lega í dag.

[ad­spot}

Þetta er að ger­ast á sama tíma og mik­ill meiri­hluti full­orð­inna Íslend­inga er full­bólu­settur eða rúm­lega 252 þús­und manns.

Einn liggur á sjúkra­húsi með COVID-19. Í fréttum í gær kom fram að ein­kenni hans væru ekki alvar­leg.

Tæp­lega 80 pró­sent þeirra sem greindust inn­an­lands í gær voru utan sótt­kvíar eða 29 ein­stak­ling­ar. Flestir sem eru sýktir eru á aldr­inum 18-29 ára eða 71. Næst­flestir smit­aðra eru á aldr­inum 30-39 ára. Um 78 pró­sent fólks á þessum aldri er þegar full­bólu­sett, að því er fram kemur á covid.­is.

Ell­efu börn sautján ára eða yngri eru smituð af COVID-19. Eitt þeirra er innan við árs gam­alt.