Bresk stjórn­völd hafa selt 5,4 pró­sent hlut í Royal Bank of Scotland (RBS) á 2,1 millj­arð punda, eða sem nemur ríf­lega 440 millj­arða króna. Fjár­mun­irnir verða nýttir til þess að greiða niður skuldir rík­is­sjóðs Breta, sam­kvæmt til­kynn­ingu frá breska fjár­mála­ráðu­neyt­inu.

Rík­is­sjóður Bret­lands lagði bank­anum til 45,5 millj­arða punda í fjár­málakrepp­unni haustið 2008 og eign­að­ist þá ríf­lega 80 pró­sent hlut í bank­an­um. Gengið í við­skipt­unum þá var um 500 pens á hlut, en í söl­unni nú er gengið 330 pens á hlut, og því tapið umtals­vert, eða um millj­arður punda miðað við 5,4 pró­sent hlut.

Rekstur RBS hefur gengið erf­ið­lega und­an­farin ár og er gert ráð fyrir mik­illi hag­ræð­ingu á næstu árum. Frá árinu 2008 hefur bank­inn tapað um 50 millj­örðum punda, og hag­rætt veru­lega í rekstri. Gert er ráð fyrir að áfram­hald verði á þeirri þró­un, en breska ríkið á nú 73 pró­sent hlut í bank­an­um.

Í umfjöllun breska rík­is­út­varps­ins BBC kemur fram að fjár­mála­ráðu­neytið stefni að því að reyna að ná öllum pen­ingum skatt­greið­enda til baka sem settir voru í bank­ann, en miðað við þetta verð sem fékkst fyrir hlut­inn nú, er tapið umtals­vert. Vonir standa til þess að virði hluta­fjár bank­ans muni aukast með tím­an­um.

UK govern­ment starts Royal Bank of Scotland sell-off htt­p://t.co/4ylI727aih

— The Guar­dian (@gu­ar­di­an) Aug­ust 3, 2015