Olga Mar­grét Cilia, vara­þing­maður Pírata, segir að fjöl­miðlar þurfi að geta gagn­rýnt, bent á spill­ingu og sýnt vald­höfum og stór­fyr­ir­tækjum virkt aðhald og spyr enn fremur hvað rík­is­stjórnin ætli að gera í því að fyr­ir­tæki, sem er falið að fara með auð­lindir þjóð­ar­inn­ar, nýti auð­lind­arent­una í her­ferðir gegn fjöl­miðlum í land­inu. Þetta kom fram í máli hennar á Alþingi í vik­unni undir liðnum störf þings­ins.

„Her­ferð Sam­herja, sem hefur staðið síð­ustu mán­uði og nú síð­ustu vikur með ofsa­fengnum árásum að heiðri og mann­orði Helga Selj­ans, hefur haft þau áhrif að Ísland hefur færst niður um sæti á lista yfir fjöl­miðla­frelsi landa, sem sam­tökin Blaða­menn án landamæra birtu fyrir stuttu. Sam­tökin til­greina sér­stak­lega her­ferð Sam­herja gegn fjöl­miðla­fólki sem hefur fjallað um starf­semi Sam­herja í Namib­íu. Sam­tökin lýsa einnig yfir áhyggjum sínum af því að van­traust til blaða- og frétta­manna hafi færst í auk­ana á heims­vís­u,“ sagði Olga Mar­grét.

Var hún sam­mála orðum Katrínar Jak­obs­dóttur for­sæt­is­ráð­herra sem hún lét falla fyrr í vik­unni að auð­vitað væri flókið að setja tján­ing­ar­frels­inu skorð­ur. Olga Mar­grét sagði aftur á móti að ef leggja ætti tján­ing­ar­frelsi stór­fyr­ir­tækis að jöfnu við frelsi fjöl­miðla til að upp­lýsa almenn­ing um spill­ingu þá þyrfti að skoða gild­is­matið hjá rík­is­stjórn­inni.

„Eða er það svo að við ætlum að virða tján­ing­ar­frelsi þeirra sem eiga pen­inga meira en þeirra sem svipta hul­unni af spill­ingu? Eru það pen­ingar sem skipta hér máli, arður sem hefur verið færður Sam­herja og öðrum stórum sjáv­ar­út­vegs­fyr­ir­tækjum á silf­ur­fati? Er rík­is­stjórnin hrædd við fjöl­miðla eða er hún hrædd við fjár­mála­öflin hér á land­i?“ spurði hún.

Fær eitt stærsta sjáv­ar­út­vegs­fyr­ir­tæki lands­ins að vaða „hér uppi með óhróð­ur“?

Jafn­framt spurði Olga Mar­grét hvort sam­trygg­ingin væri orðin slík að það væri látið við­gang­ast að eitt stærsta sjáv­ar­út­vegs­fyr­ir­tæki lands­ins, sem stýrði einni stærstu auð­lind þjóð­ar­inn­ar, fengi að vaða hér uppi með óhróður sem hefur þann eina til­gang að kæfa gagn­rýnar umræður og koma í veg fyrir að frétta­menn geti sinnt starfi sínu.

„Að skjóta sendi­boð­ann svo að upp­lýs­ingar skili sér ekki til almenn­ings? Auð­vitað þarf að bæta rekstr­ar­um­hverfi íslenskra fjöl­miðla en van­traust á fjöl­miðlum verður ekki lag­fært með slíkum ein­földum breyt­ing­um. Ríkið og Alþingi þarf að sýna í aðgerðum og verki að við skiljum mik­il­vægi frjálsrar fjöl­miðl­unar á Íslandi, fjöl­miðla­frelsis og ekki síst tján­ing­ar­frels­is,“ sagði hún að lokum í ræðu sinni á þingi.