Evr­ópa ætti að sam­eina hern­að­ar­lega krafta sína til að verja álf­una fyrir ágangi Rússa. Þetta leggur Jean-Claude Juncker, for­seti fram­kvæmda­stjórnar Evr­ópu­sam­bands­ins, til í við­tali við þýska blaðið Welt am Sonntag sem kom út í gær.

„Það mundi sýna Rússum að okkur sé alvara í verndun gilda Evr­ópu­sam­bands­ins,“ sagði Juncker meðal ann­ars í við­tal­inu. „Slíkur her [sam­ein­aður Evr­ópu­her] mundi hjálpa okkur að búa til sam­eig­in­lega utan­rík­is­stefnu og sam­þætta þjóð­varn­ar­á­ætl­un, auk þess að takast sinna skyldum Evr­ópu í heim­in­um.“

Juncker sagði NATO ein­fald­lega ekki duga því í varn­ar­banda­lag­inu væru ríki sem ekki væru í Evr­ópu­sam­band­inu (ES­B). Sam­eig­in­legur Evr­ópu­her mundi senda mik­il­væg skila­boð til umheims­ins. Frá þessu er meðal ann­ars greint á vef Reuters.

ESB býr þegar yfir sveitum sem hægt er að kalla út með skömmum fyr­ir­vara en slíkar sveitir hafa aldrei verið kall­aðar út í stríði eða átök­um. Leið­togar Evr­ópu­sam­bands­ins hafa sagst vilja auka hern­að­ar­lega mögu­leika sam­bands­ins en slíkt hefur mætt and­stöðu meðal Breta.

Bretar telja stærra hern­að­ar­hlut­verk ESB grafa undan NATO en Þjóð­verjar hafa þegar tekið undir hug­mynd Junckers. Ursula von der Leyen, varn­ar­mála­ráð­herra Þýska­lands, sagði í við­tali við þýska útvarps­stöð að „fram­tíð okkar sem Evr­ópu­búa felur í sér að á ein­hverjum tíma­punkti verði Evr­ópu­her.“

Breski sjálf­stæð­is­flokk­ur­inn (UKIP) hefur þegar sagt hug­myndir um Evr­ópu­her vera „hræði­legan fyrir Bret­land.“ Mike Hookem, tals­maður UKIP í varn­ar­mál­um, hefur bent á Evr­una sem dæmi: „Við höfum öll séð hversu illa ESB hefur klúðrað evru­hag­kerf­inu, svo hvernig getum við ímyndað okkur að treysta þeim fyrir vörnum Bret­lands.“