Ell­efu manns greindust jákvæð fyrir kór­ónu­veirunni inn­an­lands í gær og þar af voru sex manns ekki í sótt­kví við grein­ingu. Flest þeirra sem greindust utan sótt­kvíar tengj­ast ein­hverjum bönd­um.

Hjör­dís Guð­munds­dóttir upp­lýs­inga­full­trúi hjá almanna­varna­deild rík­is­lög­reglu­stjóra segir að smitrakn­ing standi enn yfir. Ein­hver hópur fólks muni fá sím­tal um að fara í sótt­kví í dag.

Það verði hins vegar senni­lega ekki neitt gríð­ar­lega margir, enda miklar tak­mark­anir í gildi í sam­fé­lag­inu. Sam­kvæmt því sem fram kemur á vefnum covid.is eru nú 127 manns í sótt­kví eftir að hafa orðið útsett fyrir smiti inn­an­lands.

„Það er það sem hefur verið að ger­ast und­an­far­ið, eftir að tíu manna sam­komu­tak­mark­anir tóku gildi, að það fara ekki jafn rosa­lega margir í sótt­kví,“ segir Hjör­dís, en ekki hafa greinst jafn mörg smit utan sótt­kvíar síðan 30. mars síð­ast­lið­inn, en þá voru til­vikin einnig sex tals­ins.

Hátt í tvö­þús­und sýni voru tekin inn­an­lands í gær og rúm­lega 500 á landa­mær­un­um. Í landamæra­skimunum greindust tvö jákvæð sýni, en nið­ur­staðna er beðið úr mótefna­mæl­ingum í báðum til­fellum til þess að skera úr um hvort um virk smit er að ræða.