„Langar að byrja í dag á smá hrósi og þökk­um,“ sagði Víðir Reyn­is­son, yfir­lög­reglu­þjónn hjá rík­is­lög­reglu­stjóra, við upp­haf upp­lýs­inga­fundar almanna­varna í dag. Hrósið fór m.a. til smitrakn­ing­arteym­is­ins sem hefur með útsjón­ar­semi og fag­mennsku í mann­legum sam­skiptum gert „að­dá­un­ar­verða“ hluti. Þá fengu íbúar Ölf­uss einnig hrós frá Víði sem segir þá hafa sýnt hvernig sam­fé­lag sem verður fyrir því áfalli að þar grein­ist hóp­sýk­ing geti tekið á hlut­unum sam­an.

„Að öðru og kannski ekki alveg jafn jákvæð­u,“ sagði Víðir svo. „Við höfum oft talað um að veiran sé and­stæð­ing­ur­inn í þessu, það ætlar eng­inn að smit­ast og það ætlar eng­inn að smita ann­an. En nú erum við að fá upp­lýs­ingar um það að börn og full­orðnir sem hafa tengst hópsmitum og lent í því að vera hluti af þeim, eru að fá öfga­full skila­boð, rasísk og mjög ljót skila­boð. Þau eru líka að verða fyrir nán­ast ein­elti úti á götu. Ein­göngu, virð­ist vera, vegna þess að þau koma frá til­teknu landi.

Ekki dæma alla fyrir eitt­hvað sem örfáir hafa gert,“ sagði Víðir með nokkrum þunga. „Við berum öll

Í loka­orðum sínum á fund­inum horfði Víðir til nán­ustu fram­tíð­ar. „Nú er vor í lofti og maður sér fólk úti í garði að sinna vor­verk­un­um. Við sem sam­fé­lag þurfum að sinna sömu vor­verkum og við gerðum i fyrra.“ Þau verk snúa að per­sónu­bundnum sótt­vörnum og passa okkur að missa ekki „þá góðu stöðu sem við erum í núna á loka­metr­un­um.“

Hann sagði yfir­völd von­ast til þess að eftir um tvo mán­uði verði búið að ná góðri stöðu í bólu­setn­ing­um. Þangað til þyrftum við að halda út. „Tveir mán­uð­ir,“ sagði hann með áherslu. „Tveir mán­uðir eru ekki neitt. Við erum búin að vera í þessu í fjórtán mán­uði og tveir mán­uðir í við­bót þar sem við tökum vel á þessu, að klára þetta mál, fylgja þessu alla leið, verður ekk­ert mál fyrir okk­ur.“