Japan eykur fé til varnarmála til að mæta Kína

china_fuck_you.jpg
Auglýsing

Varn­ar­mála­ráðu­neyti Jap­ans hefur óskað eftir auknum fjár­munum til varn­ar­mála á næsta ári til að geta elft her sinn gagn­vart Kína. Kín­verjar hafa und­an­farið sótt í sig veðrið í Asíu og gert aukið til­kall til umdeildra land­svæða og eyja með útþenslu herja sinna.

Þess vegna hefur ráðu­neytið óskað eftir því að fá 5,09 trilljónir jena, eða um það bil 5,5 trilljónir íslenskra króna í fjár­heim­ildir á næsta fjár­lögum sem taka gildi í apríl 2016. Kín­verjar hafa und­an­farin ár notað land­fyll­ingar til að búa til eyjur á umdeildum svæðum í Suður Kína­hafi og byggt á þeim her­stöðv­ar. Þá hafa Kín­verjar jafn­framt ásælst Senkaku-eyja­kla­s­ann sem lýtur stjórn Jap­ana.

Í morgun fluttu ástr­alskir fjöl­miðlar fréttir af því að Kín­verjar væru nú til­búnir að beita her­afli frá þessum mann­gerðu eyj­um; her­stöðvar séu til­búnar og að það sé lítið sem banda­lag Banda­ríkja­manna, Ástr­ala og ann­ara ríkja í Suður Kína­hafi geti gert til að koma í veg fyrir ólög­legar aðgerðir Kín­verja.

Auglýsing

Þá er haft eftir hern­arð­ar­sér­fræð­ingum að árið 2017 verði þessar her­stöðvar búnar höfn­um, skál­um, brjóst­virkj­um, fall­byssum, flug­völlum og lang­drægum rat­sjár­kerfum sem geri Kín­verjum kleift að beita her­afli víða á þessu umdeilda svæði. Þannig gætu þeir haft áhrif á flutn­inga­leiðir og bannað öðrum ríkjum sem gera til­kall til svæð­is­ins að koma þar.

Þrír fimmtu hlutar allra flutn­inga til og frá Ástr­alíu fara til dæmis um svæð­ið. „Þetta er gríð­ar­lega stór taktískur sigur Kín­verja,“ hefur The Sydney Morn­ing Her­ald eftir opin­berum starfs­manni í Ástr­al­íu.

Japan hefur jafnt og þétt aukið útgjöld til hern­að­ar­mála síð­ustu fjögur ár, að þeirra sögn til að mæta her­afli Kín­verja. Tíu árum áður hafði Japan dregið veru­lega úr útgjöldum til varn­ar­mála en áhyggjur af stækkun kín­verska flot­ans hafa snúið þeirri þróun við. Þessi þróun mála er einnig í takti við stefnu­mótun Shinzo Abe, for­sæt­is­ráð­herra Jap­an, sem vill mæta kín­verskum áhrifum og auka mátt jap­anska hers­ins.

Hern­að­ar­á­herslum Abe hefur verið mót­mælt í Japan en hann hefur ítrekað farið þess á leit að stjórn­ar­skrár­á­kvæðum verði breytt svo jap­anska hernum verði gert kleift að berj­ast á erlendri grundu, í fyrsta sinn síðan í Seinni heim­styrj­öld­inni.

Á leið­toga­fundið ASEAN-­ríkj­anna í Suð-Austur Asíu í sumar reyndu Kín­verjar að slá á áhyggjur nágranna­þjóða sinna með því að segj­ast vera hættir allri eyja­myndun með upp­fyll­ingum á skerj­um. Aðrar þjóðir tóku fálega í þær yfir­lýs­ingar og bentu á hern­að­ar­upp­bygg­ingu á þessum eyjum sem væru varla til að skapa frið um svæð­ið.

Kínverjar eru hættir framkvæmdum við Spratly-eyjar. Kín­verjar eru hættir fram­kvæmdum við Sprat­ly-eyj­ar.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Meira úr sama flokkiErlent
None