Gunnar Ein­ars­son, sem hætti sem bæj­ar­stjóri Garðabæ eftir síð­ustu sveit­ar­stjórn­ar­kosn­ing­ar, var launa­hæstur allra bæj­ar­stjóra á síð­asta ári með 3,2 millj­ónir króna á mán­uði. Dagur B. Egg­erts­son, borg­ar­stjóri Reykja­vík­ur, var með nán­ast sömu heild­ar­tekjur á árinu 2021. Þeir tveir voru einu stjórn­endur sveit­ar­fé­laga sem voru með yfir þrjár millj­ónir króna í heild­ar­tekjur að með­al­tali á mán­uði í fyrra. Þetta kemur fram í Tekju­blaði Frjálsrar versl­unnar sem birt var í vik­unn­i. 

Alls voru 20 sveit­ar­stjórn­ar­menn með tvær millj­ónir króna á mán­uði eða meira í laun í fyrra og 100 sveit­ar­stjórn­ar­menn voru með yfir eina milljón króna í heild­ar­tekj­ur. 

Um er að ræða grunn­laun auk ann­arra greiðslna sem telj­ast til tekna, svo sem fyrir setu í stjórnum fyrir hönd þeirra sveit­ar­fé­laga sem við­kom­andi stýr­ir. Við útreikn­ing tekna er miðað við útsvar­s­­­stofn sam­­­kvæmt álagn­ing­­­ar­­­skrá. Í töl­unum eru ekki fjár­­­­­magnstekj­­­ur, t.d. af vöxt­um, arði eða sölu hluta­bréfa. Sleppt er skatt­frjálsum dag­pen­ing­um, bíla­­­styrkjum og greiðslum úr líf­eyr­is­­­sjóði. Þá verður að hafa í huga að inni í tekj­unum getur líka verið ein­­­skipt­is­greiðsla vegna úttektar á sér­­­­­eign­­­ar­­­sparn­aði hjá líf­eyr­is­­­sjóð­i.

Alls 30 með meira en 1,5 milljón á mán­uði

Þegar horft er ein­vörð­ungu á þá sem sátu í borg­ar-, bæj­ar- eða sveita­stjóra­stöðum í fyrra kemur í ljós að 30 slíkir voru með 1,5 millj­ónir króna eða meira í laun á síð­asta ári. Alls námu mán­að­ar­greiðslur til hóps­ins úr opin­berum sjóðum 57,4 millj­ónum króna, sem þýðir að með­al­laun þeirra voru um 1,9 millj­ónir króna á mán­uð­i. 

Á ári fékk þessi hópur því sam­tals um 698 millj­ónir króna í laun sem þýðir að hvert kjör­tíma­bil, miðað við þau laun, kostar um 2,8 millj­arða króna í launa­greiðslur til 30 borg­ar-, bæj­ar- eða sveit­ar­stjóra. 

Vert er að taka fram að hér er um að ræða laun borg­ar-, bæj­ar- og sveit­ar­stjóra á síð­asta ári. Eftir kosn­ing­arnar í vor var samið að nýju við þá sem héldu áfram, eða voru ráðn­ir, og sam­kvæmt frétt Vísis frá því í lok júní eru sex æðstu stjórn­endur sveit­ar­fé­laga með laun frá 2,1 upp í 2,5 millj­ónir króna á mán­uði i grunn­laun. Um er að ræða borg­ar­stjór­ann í Reykja­vík og bæj­ar­stjóra í Garða­bæ, Kópa­vogi, Reykja­nes­bæ, Akur­eyri, Sel­tjarn­ar­nesi, Akra­nesi og Í Ölf­usi. 

Alls eru sveit­ar­fé­lögin á land­inu 64 tals­ins. Fimm þeirra eru með færri en 100 íbúa og 41 er með færri en tvö þús­und íbú­a.