Albert Bour­la, for­stjóri lyfja­fyr­ir­tæk­is­ins Pfiz­er, hrós­aði for­sæt­is­ráð­herra Ísra­els, Benja­min Net­anya­hu, fyrir „þrá­hyggju­kennda“ ýtni hans við að tryggja samn­ing við fyr­ir­tækið um bólu­efni fyrir Ísra­ela. „Hann hringdi þrjá­tíu sinnum í mig,“ sagði Bourla í við­tali við ísra­elska sjón­varps­stöð.

Yfir fimm millj­ónir Ísra­ela hafa fengið fyrri skammt­inn af bólu­efn­inu og tæp­lega 4 millj­ónir eru full­bólu­sett­ir. Íbúar lands­ins eru um 9,3 millj­ón­ir.

Bourla var í við­tali á sjón­varps­stöð­inni Channel 12 fyrr í vik­unni og sagði þá m.a. að það væri „mjög við­eig­andi fyrir mann­kyn­ið“ að eitt land væri valið til rann­sókna á virkni bólu­efnis Pfiz­er.

„Ég tal­aði við nokkra þjóð­höfð­ingja. Ég tal­aði við for­sæt­is­ráð­herr­ann ykkar og hann sann­færði mig um að Ísr­ael væri rétti stað­ur­inn með réttu aðstæð­urn­ar,“ sagði Bourla. „Mér þótti hrein­skiln­is­lega mikið til þrá­hyggju for­sæt­is­ráð­herr­ans ykkar koma. Hann hringdi í mig þrjá­tíu sinn­um.“

Hann sagði ísra­elska heil­brigð­is­kerfið ein­stakt og að Ísr­ael hefði reynslu af því að fást við krís­ur.

Í við­tal­inu var hann spurður um þá stað­hæf­ingu Net­anyahu að aðeins hann gæti tryggt Ísra­elum bólu­efni og svar­aði Bourla því til að fyr­ir­tæki hans gerði samn­inga við ríki – ekki ein­staka leið­toga. Þing­kosn­ingar fara fram í Ísr­ael 23. mars. „Við gerum ekki samn­inga við ein­stök fyr­ir­tæki eða stofn­an­ir. Bólu­efnið verður selt öllum löndum – hver svo sem leið­togi þeirra er.“

Bourla er fæddur í Grikk­landi. For­eldrar hans lifðu hel­för­ina af. Hann átti að koma í heim­sókn til Ísr­ael í byrjun mars, rétt fyrir kosn­ing­arn­ar, en frestaði för sinni.

Í frétt blaðs­ins Times of Isr­aelum við­talið kemur fram að Net­anyahu hafi ítrekað sagt að það hafi verið vegna per­sónu­legra sam­skipta sinna við Bourla sem hinir ein­stöku bólu­efna­samn­ingar við Pfizer voru tryggð­ir. Gagn­rýnt hafði verið að Bourla kæmi til Ísr­ael svo skömmu fyrir kosn­ing­ar. Hann segir þá gagn­rýni þó ekki hafa verið ástæðu þess að hann frestaði ferð­inni. Hún hafi reynst of flókin í fram­kvæmd vegna útbreiðslu kór­ónu­veirunn­ar. Hann er ekki enn full­bólu­settur og hefur neitað að fá bólu­efni á undan þeim sem eru í for­gangs­hóp­um. „Mitt starf hefur ekk­ert að gera með póli­tík,“ sagði hann og bætti við að hann hefði ekki hug á því að reyna að hafa áhrif á úrslit kosn­ing­anna.

Íslensk yfir­völd voru í des­em­ber og jan­úar í við­ræðum við Pfizer um að hér á landi yrði gerði fjórða fasa rann­sókn á bólu­efni fyr­ir­tæk­is­ins. Þegar við­ræð­urnar hófust í des­em­ber var nokkur fjöldi smita að grein­ast dag­lega en þegar sótt­varna­læknir og fleiri fund­uðu með full­trúum Pfizer í febr­úar voru nær engin smit að grein­ast og var það nið­ur­staða fund­ar­ins að rann­sóknin myndi því ekki skila því gagni sem að var stefnt.