Nýjar hag­tölur stað­festa að nið­ur­sveifla, frá því sem verið hef­ur, er nú stað­reynd í Kína. Útflutn­ing­ur dróst saman um 5,5 pró­sent miðað við sama mánuð í fyrra sem þykir stað­festa minnk­andi eft­ir­spurn í kín­verska hag­kerf­inu, sam­kvæmt umfjöllun New York Times. Sam­tals hefur útflutn­ingur dreg­ist saman um 1,4 pró­sent, í Banda­ríkja­dölum talið, á fyrstu átta mán­uðum árs­ins.

Þetta þykja miklar og hraðar breyt­ingar í þessu risa­vaxna hag­kerfi og fjöl­menn­asta ríki heims, með 1,4 millj­arða íbúa af ríf­lega sjö millj­örðum í heim­inum eða sem nemur um tutt­ugu pró­sent af heildar­í­búa­fjölda á jörð­inni.

Þá hafa inn­flutn­ings­tölur enn fremur sýnt minnk­andi eft­ir­spurn, en yfir tíu mán­aða tíma­bil hefur inn­flutn­ingur dreg­ist saman um fjórtán pró­sent.

#China's slowing growth! Both export and import growth have tur­ned negati­ve, with imports trail­ing exports. pic.twitt­er.com/S­RkjvqOKIf

— jer­oen blokland (@js­blokland) Sept­em­ber 8, 2015

Þrátt fyrir merki um kín­verska  hag­kerfið sé að hægja á sér tölu­vert hraðar en spár um sjö pró­sent hag­vöxt á þessu ári gerðu ráð fyr­ir, voru umtals­verðar hækk­anir á kín­verska hluta­bréfa­mark­aðnum í Shang­hai í dag. Sam­tals lok­uðu mark­aðir eftir 2,92 pró­sent dags­hækk­un, en framan af degi stefndi í mikla lækk­un. Undir lok dags­ins hækk­aði vísi­talan hins vegar mik­ið, eftir tölu­vert mikil við­skipti undir lok dags.

Áhyggjur af stöðu mála í Kína, og þá einkum vegna minnk­andi eft­ir­spurn­ar, hafa farið vax­andi að und­an­förnu, en kín­versk stjórn­völd ákváðu í síð­asta mán­uði að bregð­ast við stöðu mála með því að veikja gjald­mið­il­inn, júan, til þess að halda vöru­skipta­jöfn­uðu í ásætt­an­legu horfi og ýta undir sam­keppn­is­hæfni útflutn­ings­hliðar hag­kerf­is­ins.