Flestar hluta­bréfa­vísi­tölur á heims­mörk­uðum hafa lækkað í dag, og hafa því sést rauðar tölur víð­ast hvar. Í Banda­ríkj­unum hefur S&P 500 vísi­talan, Nas­daq og Dow allar lækk­að, um tæp­lega eitt pró­sent. Í Evr­ópu hefur lækk­unin verið mun meiri. FTSE 100 vísi­talan breska hefur lækkað um 1,4 pró­sent, CAC 40 í Frakk­landi um 3,4 pró­sent og DAX í Þýska­landi um 3,23 pró­sent.

Ástæð­urnar fyrir þessu rauðu tölum lækk­unar eru sagðar vera áhyggjur af stöðu mála í Kína, en stjórn­völd þar í landi, í sam­starfi við Seðla­banka Kína, hafa tvo daga í röð beitt sér fyrir lækkun á gengi kín­versja júansis með það að mark­miðið að örva útflutn­ings­hluta hag­kerf­is­ins.

Áhyggj­urnar eru þó mun víð­tækari, ef marka má skrif helstu fjöl­miðla sem fjalla um efna­hags­mál í dag. Þær snúa að því að kín­verska hag­kerfið gæti verið fall­valt, og að hrunið á hluta­bréfa­mark­aðnum í land­inu, lækkun geng­is­ins og erf­ið­leikar á hrá­vöru­mörk­uð­um, séu aðeins upp­haf­ið. Frek­ari erf­ið­leikar geti haft mikil áhrif á gang mála um allan heim, ekki síst hjá þjóðum sem hafa vaxið hratt með sölu á hrá­vörum til Kína og Asíu.

China inter­venes to supp­ort tumbling Yuan htt­p://t.co/p­LjXQCUQzx (Pic: AP) pic.twitt­er.com/N­SJXXFnYqq

— The Australian (@australi­an) Aug­ust 12, 2015

Í New York Times er því haldið fram að þrátt fyrir að hag­tölur sýni að mark­mið um sjö pró­sent hag­vöxt muni nást, þá sé margt sem bendi til þess að brestir í hag­kerf­inu séu að kom­ast upp á yfir­borð­ið.

Í umfjölliun BBC er farið yfir mögu­lega sig­ur­veg­ara og tap­ara geng­is­fell­ing­ar­innar. Þeir sem eru ­sagðir mun­u hagn­ast eru meðal ann­ars kín­verskir útflutn­ings­að­ilar og ferða­menn á leið til Kína. Veik­ara júan mun aftur á móti hækka kostnað margra kín­verskra fyr­ir­tækja í formi hærri vaxta á erlendum skuld­um, ekki síst hjá fjár­mála­fyr­ir­tækj­um, auk þess sem flutn­ings­að­ilar á borð við flug­fé­lög og skipa­fé­lög munu tapa vegna dýr­ari kaupa á olíu í doll­ur­um.