Segja skattrannsóknarstjóra misskilja frumvarp sem færir rannsóknir frá embættinu

Embætti skattrannsóknarstjóra telur að frumvarp sem færir rannsókn á meiriháttar skattrannsóknum til héraðssaksóknara muni valda meiri skaða en gagni.. Fjármála- og efnahagsráðuneytið segir embættið misskilja frumvarpið.

Bjarni Benediktsson, fjármála- og efnahagsráðherra, lagði frumvarpið um breytingar á skattrannsóknum fram.
Bjarni Benediktsson, fjármála- og efnahagsráðherra, lagði frumvarpið um breytingar á skattrannsóknum fram.
Auglýsing

Emb­ætti skatt­rann­sókn­ar­stjóra telur að frum­varp sem færir rann­sókn á meiri­háttar skatt­rann­sóknum til hér­aðs­sak­sókn­ara muni valda meiri skaða en gagni. Hætta sé á að sér­fræði­þekk­ing tap­ist. Fjár­mála- og efna­hags­ráðu­neytið segir emb­ættið mis­skilja frum­varp­ið.

Fjár­mála- og efna­hags­ráðu­neytið tekur ekki undir athuga­semdir emb­ættis skatt­rann­sókn­ar­stjóra um breyt­ingar á núver­andi skipan skatt­rann­sókna og telur þær byggðar á mis­skiln­ingi. Þetta kemur fram í minn­is­blaði sem ráðu­neytið hefur skilað inn til efna­hags- og við­skipta­nefndar sem hefur frum­varp um breyt­ing­arnar til með­ferð­ar.

Kjarn­inn greindi frá því 21. mars að emb­ætti skatt­rann­sókn­ar­stjóra hefði í athuga­semd um frum­varpið sagt að áform um að breyta núver­andi skipan skatt­rann­­sókna á þann hátt að færa rann­­sókn á þeim brotum sem telj­­ast meiri­háttar til emb­ættis hér­­aðs­sak­­sókn­ar gangi gegn til­­­gangi frum­varps til laga sem eigi að koma í veg fyrir tvö­­falda refs­ingu og tvö­­falda máls­­með­­­ferð. 

Verði frum­varpið að lögum leggst emb­ætti skatt­rann­­sókn­­ar­­stjóra rík­­is­ins af sem sjálf­­stæð stofnun en verður þess í stað ein­ing innan Skatts­ins sem ætlað verður að fara með rann­­sókn þeirra skatta­laga­brota sem ætla má að ljúka megi innan skatt­­kerf­is­ins.

Auglýsing
Í athuga­­semd­inni segir að verði það að lög­­um, og hér­­aðs­sak­­sókn­­ari eigi að rann­saka öll skatta­laga­brot sem telj­­ast meiri­háttar fyrir eigin mann­afla, muni reyn­­ast nauð­­syn­­legt að koma hjá því emb­ætti upp við­­bót­­ar­­starfs­liði með næga sér­­þekk­ingu til að valda rann­­sókn stórra og flók­inna skatt­brota­­mála. „Mun þá þurfa að starf­rækja í tveimur stofn­unum slíkar sér­­hæfðar ein­ingar sem vart þjónar æski­­legri hag­ræð­ingu og skil­­virkni í rík­­is­­rekstri. Að auki mun slíkt fyr­ir­komu­lag óhjá­­kvæmi­­lega að ein­hverju marki hafa í för með sér að sömu mál muni sæta end­­ur­­teknum rann­­sóknum er þau byrja annað hvort sem minni eða meiri háttar mál reyn­­ast við nán­­ari skoðun ekki eiga heima í byrj­­un­­ar­­flokki sínum heldur hinum meg­in. Virð­ist það geta farið í bága við bann við tvö­­faldri máls­­með­­­ferð, sbr. hins vegar til­gang­inn að baki ákvæða frum­varps­ins.“

Meiri­hluti efna­hags- og við­­skipta­­nefnd­­ar, sem sam­anstendur af þing­­mönnum stjórn­­­ar­­flokk­anna þriggja, hefur þegar afgreitt frum­varpið til ann­­arrar umræðu með nefnd­­ar­á­liti. Þar er ekki tekið til­­lit til athuga­­semda skatt­rann­­sókn­­ar­­stjóra og lagt til að lögin öðlist gildi 1. maí næst­kom­andi.

Gert ráð fyrir sam­starfi stofn­ana

Þessu er fjár­mála- og efna­hags­ráðu­neytið ósam­mála, en Bjarni Bene­dikts­son, fjár­mála- og efna­hags­ráð­herra, lagði frum­varpið fram. 

Í minn­is­blaðið ráðu­neyt­is­ins, sem er dag­sett 22. mars, segir að ávallt hafi verið gert ráð fyrir sam­starfi stofn­ana í frum­varp­inu og í því skyni gert ráð fyrir að rík­is­sak­sókn­ari gefi nán­ari fyr­ir­mæli um hvaða málum skuli vísað til rann­sóknar lög­reglu. í grein­ar­gerð­inni eru sett við­mið fyrir rík­is­sak­sókn­ara um til hvers eigi að líta við gerð fyr­ir­mæl­anna. Með frum­varp­inu er lagt til að lög­festar verði sekt­ar­heim­ildir skatt­rann­sókn­ar­stjóra og þær auknar veru­lega. Mark­miðið er að koma í veg fyrir tvö­falda refs­ingu innan skatt­kerf­is­ins og telur ráðu­neytið að skurð­punkt­ur­inn um hvaða mál­fari í refsi­með­ferð hjá lög­reglu eða hljóti með­ferð innan skatt­kerf­is­ins sé skýr. Þungi mála mun liggja hjá Skatt­in­um, verði frum­varpið að lög­um, en stærstu og alvar­leg­ustu málin hjá hér­aðs­sak­sókn­ara.“

Ráðu­neytið tekur undir með því sem fram kemur í nefnd­ar­á­liti meiri­hluta efna­hags- og við­skipta­nefndar um frum­varpið að eðli­legt sé að breyt­ingar taki tíma en með ríkri sam­vinnu megi leysa úr þeim vand­kvæðum sem upp kunni að koma. „ Þá er það mat ráðu­neyt­is­ins að verði frum­varpið sam­þykkt leiði það til auk­inna tæki­færa til sam­þætt­ingar á nýt­ingu upp­lýs­inga innan skatt­kerf­is­ins.“

Ekki tekið fyrir tvö­­falda refs­ingu í dómi

For­­saga frum­varps­ins er sú að þann 18. maí 2017  komst Mann­rétt­inda­­­dóm­­­stóll Evr­­­ópu að þeirra nið­­­ur­­­stöðu að íslenska ríkið hefði brotið gegn Jóni Ásgeiri Jóhann­essyni og Tryggva Jóns­­­syni þegar þeir voru dæmdir í skil­orðs­bundið fang­elsi fyrir skatta­laga­brot í rekstri Baugs og fjár­­­­­fest­inga­­­fé­lags­ins Gaums árið 2013, ásamt Krist­ínu Jóhann­es­dótt­­­ur.

Þeir kærðu þann dóm til Mann­rétt­inda­­­­dóm­stóls­ins á þeim for­­­­sendum að þeir hefðu þegar hlotið dóm fyrir sömu brot. Þeir höfðu verið dæmdir til að greiða álag ofan á end­­­ur­á­kvörðun skatta af yfir­­­­skatta­­­­nefnd árið 2007. Málin tvö hefðu verið byggð á sama grunn­i. Og því væri verið að refsa þeim tví­­­­­vegis fyrir sama brot­ið.

Fram að þeim tíma hafði það tíðkast hér­­­­­lendis að þeir sem sviku stór­­­fellt undan skatti skyldu greiða hátt álag ofan á þá van­­­goldnu skatta sem þeir skyldu end­­­ur­greiða. Ef um meiri­háttar brot var að ræða þá var við­kom­andi einnig ákærður fyrir meiri háttar skatta­laga­brot, en við slíkum brotum liggur allt að sex ára fang­elsi auk þess sem við­kom­andi þarf að að greiða sekt.

Þegar Mann­rétt­inda­­­dóm­­­stóll­inn hafði kom­ist að nið­­­ur­­­stöðu þá þurfti að falla dómur í Hæsta­rétti um sam­­­bæri­­­legt efni til að fram komi hver áhrif nið­­­ur­­­stöð­unnar verði á íslenska dóma­fram­­­kvæmd.

dómur féll í lok sept­­em­ber 2017. 

Í dómi Hæsta­réttar var því ekki tekið fyrir tvö­­falda refs­ingu. Þar var hins veg­­ar, með vísun í dóm Mann­rétt­inda­­dóm­stóls­ins í norsku máli sem féll um ári áður og í mál Jóns Ásgeirs og Tryggva, sagt að sýna þyrfti fram á að sak­­ar­efni sem sé til með­­­ferðar hjá bæði skatt­yf­­ir­völdum og í saka­­mála­rann­­sókn séu þannig tengd að þau myndi eina sam­þætta heild að efni til. „Þetta feli ekki ein­­göngu í sér að mark­miðin sem að er stefnt og aðferð­­irnar til að ná þeim séu til fyll­ingar heldur jafn­­framt að afleið­ingar þess lög­­bundna fyr­ir­komu­lags feli það í sér að rekstur tveggja mála sé fyr­ir­­sjá­an­­legur og að gætt sé með­­al­hófs,“ segir í dómi Hæsta­rétt­­ar.

Kjarn­inn greindi frá því að í lok árs 2017 að emb­ætti hér­­aðs­sak­­sókn­­ara hafi þurft að fella niður 66 mál vegna þess að rann­­sókn þeirra féll ekki innan þess tímara­mma sem dóm­­ur­inn sagði til um.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Katrín Jakobsdóttir forsætisráðherra.
Engin lagaleg skilgreining til á orðinu kona
Samkvæmt svari frá forsætisráðherra þarf menningar- og viðskiptaráðherra sem „fer með málefni íslenskunnar“ að svara því hverjar orðsifjar nafnorðsins kona séu og hver málfræðileg merking orðsins sé.
Kjarninn 30. júní 2022
Lárus Blöndal, stjórnarformaður Bankasýslu ríkisins, og Jón Gunnar Jónsson, forstjóri stofnunarinnar.
Bankasýslan borgaði LOGOS 6,2 milljónir og lét Morgunblaðið fá upplýsingar fyrirfram
Bankasýslan sendi Morgunblaðinu einum fjölmiðla fyrirfram tilkynningu um að lögfræðilegur ráðgjafi hennar hefði komist að þeirri niðurstöðu að jafnræðis hafi verið gætt við sölu á hlut ríkisins í Íslandsbanka.
Kjarninn 30. júní 2022
Til þess að komast ferða sinna þurfa Íslendingar að borga 85 prósentum meira heldur en íbúar í löndum Evrópusambandsins gera að meðaltali.
Samgöngukostnaður hvergi hærri í Evrópu en á Íslandi
Norðurlöndin raða sér í efstu sæti á lista þeirra landa í Evrópu þar sem samgöngukostnaður er mestur. Verð á gistingu, mat, fötum og skóm er hærra hér á landi en víðast hvar annars staðar í álfunni.
Kjarninn 30. júní 2022
Ríkið þurfi að kortleggja á hverjum loftslagsskattarnir lenda
Upplýsingar liggja ekki fyrir í dag um það hvernig byrðar af loftslagssköttum dreifast um samfélagið. Í greinargerð frá Loftslagsráði segir að stjórnvöld þurfi að vinna slíka greiningu, vilji þau hafa yfirsýn yfir áhrif skattanna.
Kjarninn 30. júní 2022
Í frumdrögum að fyrstu lotu Borgarlínu var Suðurlandsbrautin teiknuð upp með þessum hætti. Umferðarskipulag götunnar er enn óútkljáð, og sannarlega ekki óumdeilt.
Borgarlínubreytingar á Suðurlandsbraut strjúka fasteignaeigendum öfugt
Nokkrir eigendur fasteigna við Suðurlandsbraut segja að það verði þeim til tjóns ef akreinum undir almenna umferð og bílastæðum við Suðurlandsbraut verði fækkað. Unnið er að deiliskipulagstillögum vegna Borgarlínu.
Kjarninn 30. júní 2022
Í austurvegi
Í austurvegi
Í austurvegi – Einlæg gjöf en smáræði 千里送鹅毛
Kjarninn 30. júní 2022
Úlfar Þormóðsson
Taglhnýtingar þétta raðirnar
Kjarninn 30. júní 2022
Viðbragðsaðilar og vegfarendur á vettvangi aðfaranótt sunnudags. 22 unglingar létust á Enyobeni-kránni.
Hvers vegna dóu börn á bar?
Meðvitundarlaus ungmenni á bar. Þannig hljómaði útkall til lögreglu í borginni East London í Suður-Afríku aðfaranótt sunnudags. Ýmsar sögur fóru á kreik. Var eitrað fyrir þeim? Og hvað í ósköpunum voru unglingar – börn – að gera á bar?
Kjarninn 30. júní 2022
Meira úr sama flokkiInnlent