Starfs­maður Hag­kaups í Garðabæ greind­ist jákvæður fyrir COVID-19 á mánu­dags­kvöld. Þetta kemur fram í til­kynn­ingu frá Hag­kaup, sem birt­ist á Face­book í morg­un. Almanna­varna­deild rík­is­lög­reglu­stjóra gefur ekki upp hvort fleiri smit greindust í gær.

Yfir þús­und manns fóru í skimun í gær eftir að breska afbrigði veirunnar greind­ist úti í sam­fé­lag­inu um helg­ina.

„Um­ræddur starfs­maður vinnur á nótt­unni við áfyll­ingar og var við störf aðfara­nótt laug­ar­dags og sunnu­dags sl. helgi. Starfs­mað­ur­inn var lítið sem ekk­ert í sam­skiptum við við­skipta­vini, bar grímu við störf sín og fór eftir þeim sótt­varn­ar­reglum sem gilda á vinnu­staðn­um,“ segir í til­kynn­ing­unni frá Hag­kaup, þar sem fram kemur að umfangs­mikil sótt­hreinsun á snerti­flötum í versl­un­inni hafi átt sér stað.

„Þeir starfs­menn sem unnu á sömu vöktum og umræddur starfs­maður um helg­ina verða sendir í skimum í dag og munu halda sig heima þar til rakn­ing­arteymi almanna­varna hefur gefið grænt ljós á end­ur­komu. Öll við­brögð við þess­ari stöðu eru unnin í nánu sam­starfi við almanna­varn­ir,“ segir í til­kynn­ingu sem Sig­urður Reyn­alds­son fram­kvæmda­stjóri Hag­kaups skrifar und­ir.

Sem áður segir fást ekki upp­lýs­ingar frá almanna­vörnum um það hvort þetta var eina smitið sem greind­ist í gær­kvöldi eða ekki, en tölur um hversu mörg smit greindust verða birtar kl. 11 á vefnum Covid.­is.