Allt stjórn­ar­fólk í stjórn Ferða­fé­lags Íslands lýsir yfir von­brigðum og furðu með hvernig frá­far­andi for­seti lýsir við­skiln­aði sínum við félagið og hafnar þeim lýs­ingum sem frá­far­andi for­seti hefur komið fram með.

Þetta kemur fram í til­kynn­ingu frá Ferða­fé­lagi Íslands vegna afsagnar Önnu Dóru Sæþórs­dótt­ur, for­seta Ferða­fé­lags­ins, sem hún til­kynnti félag­inu í morg­un. Í færslu sem Anna Dóra birti á Face­book sagð­ist hún ekki getað starfað í félagi þar sem stjórn­­­ar­hættir og sið­­ferð­is­­leg gildi, sem ganga þvert á hennar eigin gildi, ráða ríkj­­um.

Afsögnin snýr að van­getu stjórnar Ferða­fé­lags Íslands að taka á málum sem snúa að áreitni og kyn­ferð­is­legu ofbeldi. Eitt málið varðar fyrr­ver­andi stjórn­ar­mann í félag­inu, Helga Jóhann­es­son, fyrr­ver­andi yfir­lög­fræð­ing hjá Lands­virkj­un.

Í til­kynn­ingu frá stjórn Ferða­fé­lags Íslands segir að stjórnin sé „skipuð fjöl­breyttum hópi ein­stak­linga úr ólíkum átt­um, bæði konum og körl­u­m.“ Stjórn­ina skipa, eftir afsögn Önnu Dóru, þau Sig­rún Val­bergs­dóttir vara­for­seti, Pétur Magn­ús­son gjald­keri, Gísli Már Gísla­son, Ólöf Kristín Sívert­sen, Tómas Guð­bjarts­son, Sig­urður Ragn­ars­son og Gestur Pét­urs­son.

Stjórnin vísar „al­gjör­lega á bug þeim ásök­unum og lýs­ing­um“ sem Anna Dóra setur fram í yfir­lýs­ingu sinni. Stjórnin segir fag­leg ferli og við­mið vera til staðar hjá félag­inu um hvernig tekið skal á málum sem koma upp í sam­skiptum innan félags­ins, þar með talið mál er varða kyn­ferð­is­lega áreitni. „Tekið hefur verið á öllum málum af þessu tagi með fag­legum og skipu­lögðum hætti og þau leidd til lykta,“ segir í yfir­lýs­ing­unni.

Stjórnin stað­festir hins vegar að „til staðar hafa verið vanda­mál í sam­skiptum innan stjórnar við frá­far­andi for­seta. Þessi sam­skipta­vandi er til­kom­inn vegna stjórn­ar­hátta hennar og fram­komu hennar við fram­kvæmda­stjóra félags­ins.“ Fram­kvæmda­stjóri Ferða­fé­lags Íslands er Páll Guð­munds­son, sem hefur gegnt starf­inu frá 2004.

Upp­fært klukkan 20:24: Upp­haf­lega sagði að Mar­grét Hall­gríms­dóttir ætti sæti í stjórn­inni en það er ekki rétt. Mar­grét sagði sig úr stjórn FÍ í vor þegar hún lét af störfum sem þjóð­minja­vörð­ur. Beðist er vel­virð­ingar á þessu.