Stroku­fang­inn Gabríel Dou­ane Boama, sem strauk úr haldi lög­regl­unnar við Hér­aðs­dóm Reykja­víkur fyrir þremur dög­um, var hand­tek­inn í nótt.

Í til­kynn­ingu frá lög­regl­unni á höf­uð­borg­ar­svæð­inu segir að lög­reglan hafi ráð­ist í umfangs­miklar aðgerðir í gær­kvöldi og í nótt þar sem hús­leitir voru gerðar og öku­tæki stöðv­uð. Þær aðgerðir leiddu til þess að Gabríel var hand­tek­inn undir morgun og er nú vistaður í fanga­geymslu lög­reglu. Fimm önnur voru hand­tekin í aðgerðum lög­reglu sem rann­sakar hvort stroku­fang­anum hafi verið veitt aðstoð við að losna undan hand­töku. Þau eru einnig í fanga­geymslu lög­reglu. Í til­kynn­ing­unni segir að þessar aðgerðir séu afrakstur mik­illar rann­sókn­ar­vinnu og vinnslu á upp­lýs­ingum sem lög­reglu hafi borist frá almenn­ingi.

Leit af Gabríel hefur staðið yfir síðan á þriðju­dags­kvöld þegar hann strauk úr haldi. Lög­reglu bár­ust fjöl­margar ábend­ingar frá fólki sem taldi sig hafa séð Gabrí­el. Kjarn­inn greindi frá því í gær að 16 ára drengur hafi tví­vegis verið stöðv­aður af lög­reglu á tveimur dögum vegna ábend­inga um að hann væri Gabrí­el. Í annað skipti var h ann í stræt­is­vagni og hitt skiptið að kaupa bakk­elsi í fylgd með móður sinni.

Lögreglan hefur sætt harðri gagn­rýni fyrir þessi vinnu­brögð og sendi frá sér til­kynn­ingu í gær þar sem hún hvatti til „var­kárni í sam­skiptum um þetta mál og önnur mál sem tengj­ast minni­hluta­hóp­um. For­dómar eiga aldrei rétt á sér. Leit að hættu­legu fólki má ekki verða til þess að minni­hluta­hópar í okkar sam­fé­lagi upp­lifi óör­yggi eða ótta. Að því sögðu er mik­il­vægt að lög­regla fylgi ábend­ingum sem ber­ast að gættu með­al­hófi og virð­ingu fyrir öll­u­m.“

Í umfjöllun Kjarn­ans sem birt­ist í gær má meðal ann­ars lesa lýs­ingu af mynd­bandi sem tekið var þegar lög­reglu­menn höfðu afskipti af unga drengnum í bak­arí­inu í gær.