Úkraína færist skrefi nær Evrópusambandsaðild

„Við viljum að þau upplifi evrópska drauminn með okkur,“ sagði Ursula von der Leyen, forseti framkvæmdastjórnar ESB, þegar hún greindi frá tillögu framkvæmdastjórnar sambandsins þess efnis að Úkraína fái formlega stöðu umsóknarríkis.

Ursula von der Leyen, forseti framkvæmdastjórnar ESB.
Ursula von der Leyen, forseti framkvæmdastjórnar ESB.
Auglýsing

Fram­kvæmda­stjórn Evr­ópu­sam­bands­ins (ESB) sam­þykkti í dag að leggja til að Úkra­ína fái form­lega stöðu umsókn­ar­ríkis að sam­band­inu.

Ursula von der Leyen, for­seti fram­kvæmda­stjórnar ESB, klædd­ist fána­litum Úkra­ínu þegar hún greindi frá þess­ari ákvörðun fram­kvæmda­stjórn­ar­innar í morg­un, sem metur það svo að Úkra­ína hafi sýnt skýran vilja til að hafa gildi og staðla Evr­ópu í háveg­um. Sagði hún Úkra­ínu­menn til­búna til að „deyja fyrir sjón­ar­mið Evr­ópu“. „Úkra­ína hóf þessa veg­ferð fyrir stríð og síð­ustu átta ár hefur ríkið færst hægt og rólega í átt að sam­band­inu okk­ar,“ sagði von der Leyen.

Auglýsing

Volodomír Zel­en­skí, for­seti Úkra­ínu, fagnar ákvörðun fram­kvæmda­stjórn­ar­innar og segir í færslu á Twitter að með henni fær­ist Úkra­ína nær sigri í stríð­inu við Rúss­land. Hann segir ákvörð­un­ina sögu­lega og þakkar von der Leyen og öðrum stjórn­ar­mönnum fram­kvæmda­stjórn­ar­innar fyr­ir.

Stuðn­ingur fram­kvæmda­stjórn­ar­innar færir Úkra­ínu skrefi nær aðild að Evr­ópu­sam­band­inu. En leiðin er þó ekki alveg greið.

Verði Úkra­ína gerð að form­legu umsókn­ar­ríki bæt­ist ríkið í hóp fimm ríkja sem nú þegar hafa form­lega stöðu umsókn­ar­rík­is. Það eru Alban­ía, Norð­ur­-Ma­kedón­ía, Svart­fjalla­land, Serbía og Tyrk­land. Mold­óva gæti einnig bæst í hóp­inn þar sem fram­kvæmda­stjórnin lýsti yfir stuðn­ingi við að gera ríkið að form­legu umsókn­ar­ríki líkt og Úkra­ínu á fundi sínum í morg­un.

Leið­toga­ráðið tekur til­lögu fram­kvæmda­stjórn­ar­innar til umfjöll­unar í næstu viku

Svo að Úkra­ína verði form­legt umsókn­ar­ríki verða leið­togar allra 27 aðild­ar­ríkj­anna að sam­þykkja til­lögu fram­kvæmda­stjórn­ar­inn­ar. Til­lögur fram­kvæmda­stjórn­ar­innar verða teknar fyrir á leið­toga­fundi aðild­ar­ríkj­anna sem fram fer í Brus­sel í næstu viku. Leið­togar Frakk­lands, Þýska­lands og Ítalíu hafa nú þegar lýst yfir stuðn­ingi við að gera Úkra­ínu að form­legu umsókn­ar­ríki.

Að­ild­ar­um­sókn Úkra­ínu að Evr­ópu­sam­band­inu var sam­þykkt með yfir­gnæf­andi meiri­hluta á Evr­ópu­þing­inu nokkrum dögum eftir að inn­rás Rússa í Úkra­ínu hófst í lok febr­ú­ar. Von der Leyen sagði inn­rás­ina marka nýtt upp­haf í Evr­ópu en ljóst er að aðild­ar­ferlið fram undan verður langt og strangt, óháð stríðs­á­tök­um.

Úkra­ína mun til að mynda þurfa að gera ýmsar breyt­ing­ar, allt frá dóms­kerf­inu til spill­ingar í stjórn­kerf­inu.

Umsókn­­ar­­ferli í Evr­­ópu­­sam­­bandið er langt og strangt og getur tekið allt að ára­tug líkt og dæmin sanna. Pól­land sótti til að mynda fyrst um árið 1994 en fékk inn­­­göngu for­m­­lega tíu árum síð­­­ar, 2004.

Stjórn­völd í Rúss­landi fylgj­ast náið með til­raunum Úkra­ínu til að verða hluti af Evr­ópu­sam­band­inu. Dmi­try Peskov, tals­maður stjórn­valda í Kreml, segir þró­un­ina „krefj­ast náinnar athygli, þar sem við erum með­vituð um umræð­una í Evr­ópu um að efla varnir Evr­ópu­sam­bands­ins.“

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Katrín Jakobsdóttir forsætisráðherra.
Engin lagaleg skilgreining til á orðinu kona
Samkvæmt svari frá forsætisráðherra þarf menningar- og viðskiptaráðherra sem „fer með málefni íslenskunnar“ að svara því hverjar orðsifjar nafnorðsins kona séu og hver málfræðileg merking orðsins sé.
Kjarninn 30. júní 2022
Lárus Blöndal, stjórnarformaður Bankasýslu ríkisins, og Jón Gunnar Jónsson, forstjóri stofnunarinnar.
Bankasýslan borgaði LOGOS 6,2 milljónir og lét Morgunblaðið fá upplýsingar fyrirfram
Bankasýslan sendi Morgunblaðinu einum fjölmiðla fyrirfram tilkynningu um að lögfræðilegur ráðgjafi hennar hefði komist að þeirri niðurstöðu að jafnræðis hafi verið gætt við sölu á hlut ríkisins í Íslandsbanka.
Kjarninn 30. júní 2022
Til þess að komast ferða sinna þurfa Íslendingar að borga 85 prósentum meira heldur en íbúar í löndum Evrópusambandsins gera að meðaltali.
Samgöngukostnaður hvergi hærri í Evrópu en á Íslandi
Norðurlöndin raða sér í efstu sæti á lista þeirra landa í Evrópu þar sem samgöngukostnaður er mestur. Verð á gistingu, mat, fötum og skóm er hærra hér á landi en víðast hvar annars staðar í álfunni.
Kjarninn 30. júní 2022
Ríkið þurfi að kortleggja á hverjum loftslagsskattarnir lenda
Upplýsingar liggja ekki fyrir í dag um það hvernig byrðar af loftslagssköttum dreifast um samfélagið. Í greinargerð frá Loftslagsráði segir að stjórnvöld þurfi að vinna slíka greiningu, vilji þau hafa yfirsýn yfir áhrif skattanna.
Kjarninn 30. júní 2022
Í frumdrögum að fyrstu lotu Borgarlínu var Suðurlandsbrautin teiknuð upp með þessum hætti. Umferðarskipulag götunnar er enn óútkljáð, og sannarlega ekki óumdeilt.
Borgarlínubreytingar á Suðurlandsbraut strjúka fasteignaeigendum öfugt
Nokkrir eigendur fasteigna við Suðurlandsbraut segja að það verði þeim til tjóns ef akreinum undir almenna umferð og bílastæðum við Suðurlandsbraut verði fækkað. Unnið er að deiliskipulagstillögum vegna Borgarlínu.
Kjarninn 30. júní 2022
Í austurvegi
Í austurvegi
Í austurvegi – Einlæg gjöf en smáræði 千里送鹅毛
Kjarninn 30. júní 2022
Úlfar Þormóðsson
Taglhnýtingar þétta raðirnar
Kjarninn 30. júní 2022
Viðbragðsaðilar og vegfarendur á vettvangi aðfaranótt sunnudags. 22 unglingar létust á Enyobeni-kránni.
Hvers vegna dóu börn á bar?
Meðvitundarlaus ungmenni á bar. Þannig hljómaði útkall til lögreglu í borginni East London í Suður-Afríku aðfaranótt sunnudags. Ýmsar sögur fóru á kreik. Var eitrað fyrir þeim? Og hvað í ósköpunum voru unglingar – börn – að gera á bar?
Kjarninn 30. júní 2022
Meira úr sama flokkiErlent