„TM líf­trygg­ingar hf. hefur haft umsókn þína um líf- og sjúk­dóma­trygg­ingu til skoð­un­ar. Það er nið­ur­staða áhættu­mats félags­ins að það verður því miður að fresta henni vegna óljósra auka­verk­ana af bólu­efni. Félagið er reiðu­búið að skoða nýja umsókn frá þér síð­ar.“

Þannig hljómar svar trygg­inga­fé­lags­ins TM við umsókn konu um líf- og sjúk­dóma­trygg­ingu, sem Kjarn­inn hefur undir hönd­um. Sam­kvæmt fyr­ir­tæk­inu hefur það einu sinni frestað slíkri umsókn og aldrei neit­að. Að sögn kon­unnar var hún spurð í umsókn­ar­ferl­inu hvort hún hefði upp­lifað ein­hver „hjarta­vanda­mál“ og sagði hún frá því að hún hefði fundið fyrir hjart­slátt­ar­trufl­unum eftir bólu­setn­ingu. Einnig að blæð­ingar hefðu orðið óreglu­leg­ar.

Kjarn­inn sendi fyr­ir­spurnir á hin stærstu trygg­inga­fé­lög­in, Sjóvá og VÍS, en sam­kvæmt svörum frá þeim hafa þau ekki frestað eða hafnað umsóknum um líf- og sjúk­dóma­trygg­ingar á þessum for­send­um.

Í svari emb­ættis land­læknis við fyr­ir­spurn Kjarn­ans kemur fram að þau hafi „ekk­ert heyrt af málum sem þessum“.

Yfir 280.000 Íslend­ingar full­bólu­settir

Sam­kvæmt upp­lýs­ingum á covid.is eru 90 pró­sent lands­manna full­bólu­sett­ir, 12 ára og eldri. 286.323 ein­stak­lingar hafa fengið að minnsta kosti einn skammt, 281.841 ein­stak­lingur hefur verið full­bólu­settir og 121.234 ein­stak­lingar fengið örv­un­ar­skammt.

Þórólfur Guðna­son sótt­varna­læknir hefur frá upp­hafi hvatt fólk til að bólu­setja sig og nú síð­ast í gær, 8. des­em­ber. í pistli á covid.­is.

„Þar sem að delta afbrigði kór­óna­veirunnar er enn í miklum meiri­hluta hér og erlendis þá er mik­il­vægt að allir mæti í bólu­setn­ingu og þiggi jafn­framt örv­un­ar­skammt. Ávinn­ingur af bólu­setn­ingu og sér­stak­lega örv­un­ar­skammti er ótví­ræð­ur,“ skrif­aði hann.