Yfirlýst stefna Joe Biden í skattamálum er róttækari en stefna Framsóknarflokksins

Staðreyndavakt Kjarnans skoðar orð Sigurðar Inga Jóhannssonar um að Joe Biden Bandaríkjaforseti sé með svipaðar áherslur í skattamálum og Framsóknarflokkurinn.

Sigurður Ingi Jóhannsson formaður Framsóknarflokksins í Forystusætinu á RÚV á fimmtudaginn.
Sigurður Ingi Jóhannsson formaður Framsóknarflokksins í Forystusætinu á RÚV á fimmtudaginn.
Auglýsing

Niðurstaða: Hálfsannleikur

Sig­urður Ingi Jóhanns­son for­maður Fram­sókn­ar­flokks­ins var spurður út í skatta­stefnu flokks­ins er hann var gestur For­ystu­sæt­is­ins á RÚV á fimmtu­dags­kvöld. Fram­sókn boðar í kosn­inga­stefnu sinni að fjár­magnstekju­skattur fyr­ir­tækja verði þrepa­skiptur og þau fyr­ir­tæki sem skili yfir 200 millj­óna hagn­aði greiði meira. Á sama tíma verði trygg­inga­gjald fyr­ir­tækja líka þrepa­skipt og minni fyr­ir­tæki greiði minna en þau gera í dag.

Athygl­is­vert er að í þætt­inum líkti for­mað­ur­inn skatta­stefnu Fram­sókn­ar­flokks­ins við þá stefnu sem Joe Biden Banda­ríkja­for­seti hefur talað fyrir í skatta­mál­um. Til­lögur Biden-­stjórn­ar­innar í skatta­mál­um, sem settar voru fram fyrr á árinu, hafa vakið tölu­verða athygli fyrir rót­tækni, en enn er óljóst nákvæm­lega hvernig þeim reiðir af í með­förum Banda­ríkja­þings. Biden-­stjórnin hefur að und­an­förnu haft for­ystu um það að alþjóð­legur lág­marks­skattur á fyr­ir­tæki verði tek­inn upp og Fram­sókn seg­ist sam­mála því að slíkur eigi að vera til stað­ar.

„...úti í Banda­ríkj­unum er for­seti sem hefur stefnu Fram­sókn­ar­flokks­ins mjög ofar­lega í sínum huga og er að leggja nákvæm­lega þetta til, það er að segja, að jafna leik­inn og láta stærri fyr­ir­tækin sem sýna meiri hagnað borga meira og leggja til alheims­skatt á stóru alþjóð­legu fyr­ir­tæk­in,“ sagði Sig­urður Ingi í þætt­in­um.

Orð Sig­urðar Inga voru sett fram í gam­an­sömum tóni, en er hægt að segja að demókrat­inn Joe Biden sé nálægt stefnu Fram­sókn­ar­flokks­ins í skatta­mál­um, eins og for­mað­ur­inn vakti upp hug­hrif um með orðum sín­um? Stutta svarið er nei, ekki alveg.

Biden hefur lagt til að fjár­magnstekjur verði skatt­lagðar til jafns við laun

Til­lög­urnar sem Biden hefur lagt fram eru umtals­vert rót­tæk­ari en það sem Fram­sókn­ar­flokk­ur­inn boð­ar. Sig­urður Ingi lagði meira að segja sjálfur áherslu á það í við­tal­inu við RÚV að Fram­sókn­ar­flokk­ur­inn væri flokkur hóf­sem­inn­ar, í skatta­málum sem öðrum og sagði ekki búið að útfæra hversu háan skatt flokk­ur­inn myndi vilja sjá á rík­ustu fyr­ir­tæki lands­ins. Það yrði útfært eftir kosn­ing­ar, ef Fram­sókn­ar­flokk­ur­inn fengi til þess umboð.

Auglýsing

Biden-­stjórnin hins vegar lagði til dæmis fram til­lögu um að byrja að skatt­leggja fjár­magnstekjur sem næmu yfir einni milljón banda­ríkja­dala til jafns við launa­tekjur í efsta þrepi, sem myndi þýða að allt að 39,6 eða 43,4 pró­senta skatt á tekjur sem í dag bera 20 pró­sent skatt. Banda­ríkja­for­seti lagði einnig til við þingið að tekju­skattur fyr­ir­tækja hækk­aði upp í 28 pró­sent, en fyr­ir­tækja­skatt­ur­inn í Banda­ríkj­unum er í dag flatur 21 pró­sent skattur af hagn­aði.

Það hefur því einmitt vakið athygli hvað Joe Biden hefur verið stór­huga í áformum sínum um aukna skatt­lagn­ingu þeirra rík­ustu í banda­rísku sam­fé­lagi, en nýlegar frétta­skýr­ingar frá Banda­ríkj­unum benda þó til þess að þessi miklu áform for­set­ans verði veru­lega útþynnt eftir mála­miðl­anir á meðal þing­manna demókrata í báðum deildum Banda­ríkja­þings. Sam­kvæmt vef­miðl­inum The Hill hafa hags­muna­hópar í banda­rísku við­skipta­lífi beitt sér af nokkrum þunga gegn skatta­hækk­unar­á­formum og telja sig vera að ná ágætum hljóm­grunni á meðal þing­manna Demókra­ta­flokks­ins.

Nið­ur­staða Stað­reynda­vakt­ar­innar

Þrátt fyrir að Fram­sókn­ar­flokk­ur­inn seg­ist um þessar mundir vilja hækka skatta á stærstu og rík­ustu fyr­ir­tækin í land­inu og tali vel um alþjóð­legan fyr­ir­tækja­skatt er Biden tölu­vert rót­tæk­ari í sínum fram­lögðu til­lögum en Fram­sókn­ar­flokk­ur­inn. Það er því hálf­sann­leikur hjá Sig­urði Inga að gefa til kynna að Joe Biden Banda­ríkja­for­seti sé með sam­bæri­lega skatta­stefnu og Fram­sókn­ar­flokk­ur­inn, eða hafi hana ofar­lega í sínum huga.

Þrátt fyrir að fullyrðing Sigurðar Inga um Bandaríkjaforseta hafi verið skemmtileg er Framsóknarflokkurinn töluvert hófsamari í tillögum sínum en Biden.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Í ávarpi sínu fór Katrín yfir þann lærdóm sem hægt er að draga af kórónuveirufaraldrinum, meðal annars að samheldni samfélagsins hafi reynst okkar mestu verðmæti.
Ekki einungis hægt að vísa ábyrgð á launafólk
Katrín Jakobsdóttir segir atvinnulíf og stjórnvöld bera mikla ábyrgð á bráttunni við verðbólguna og að ekki sé hægt að vísa ábyrgðinni eingöngu á launafólk í komandi kjarasamningum.
Kjarninn 20. maí 2022
Ingrid Kuhlman og Bjarni Jónsson
Læknar og hjúkrunarfræðingar styðja dánaraðstoð
Kjarninn 20. maí 2022
Frá utanríkisráðuneytinu við Rauðarárstíg.
Neita að upplýsa um fjölda útgefinna neyðarvegabréfa
Nýlega var reglugerð samþykkt í dómsmálaráðuneyti sem veitir utanríkisráðherra heimild til að óska eftir því að ÚTL gefi út vegabréf til útlendings ef sérstakar ástæður eru fyrir hendi. Utanríkisráðuneytið upplýsir ekki um fjölda útgefinna vegabréfa.
Kjarninn 20. maí 2022
Myndin er fengin úr kerfisáætlun Landsnets 2016-2025. „DC-strengur á Sprengisandsleið hefur jákvæð áhrif á mögulega lengd jarðstrengja á Norðurlandi,“ segir í myndatexta.
Sprengisandskapall „umfangsmikil og dýr“ framkvæmd fyrir „fáa kílómetra“ af jarðstreng í Blöndulínu
Landsnet tekur ekki undir þau sjónarmið Samtaka um náttúruvernd á Norðurlandi að skynsamlegt sé að leggja jarðstreng yfir Sprengisand til að auka möguleika á því að leggja hluta Blöndulínu 3 í jörð.
Kjarninn 20. maí 2022
Hersir Sigurgeirsson
Segir sig frá úttektinni á sölu á hlut ríkisins í Íslandsbanka
Bankasýsla ríkisins sendi bréf til ríkisendurskoðanda með ábendingu um að Hersir Sigurgeirsson hefði sett „like“ á tiltekna færslu á Facebook sem varðaði útboðið. „Ég kann ekki við slíkt eftirlit,“ segir Hersir.
Kjarninn 20. maí 2022
Hvernig gengur að koma úkraínskum flóttabörnum inn í skólakerfið?
Langfæst börn sem flúið hafa stríðið í Úkraínu með foreldrum sínum á síðustu vikum og mánuðum eru komin inn í skólakerfið hér á landi og spila þar inn margir þættir. Samstarf á milli stærstu sveitarfélaganna hefur þó gengið vel.
Kjarninn 20. maí 2022
Jarðskjálftahrinur ollu mikilli hræðslu meðal barna og engar upplýsingar voru veittar til fólksins, sem margt glímir við áfallastreituröskun. Ásbrú er því ekki ákjósanlegasti dvalarstaðurinn fyrir fólk sem flúið hefur stríðsátök, að mati UN Women.
Konur upplifi sig ekki öruggar á Ásbrú – og erfitt að koma óskum á framfæri
UN Women á Íslandi gera alvarlegar athugasemdir við svör Útlendingastofnunar varðandi útbúnað og aðstæður fyrir flóttafólk og umsækjendur um alþjóðlega vernd á Ásbrú.
Kjarninn 20. maí 2022
Myndir af börnum í Austur-Kongó með alvarleg einkenni apabólu.
Fimm staðreyndir um apabólu
Apabóla er orð sem Íslendingar höfðu fæstir heyrt þar til nýverið er tilfelli af þessum sjúkdómi hófu að greinast í Evrópu og Norður-Ameríku. Sjúkdómurinn er hins vegar vel þekktur í fátækustu ríkjum heims þar sem þúsundir sýkjast árlega.
Kjarninn 19. maí 2022
Meira úr sama flokkiStaðreyndavaktin