„Það hefur gríð­ar­lega mikið gerst á tíu vikum [...] Ég held að ég geti sagt að það hafi næstum meira gerst á þessum tíu vik­um, heldur á því ári sem við höfðum verið starf­andi þar á und­an,“ segir Sölvi Melax, frum­kvöð­ull og einn stofn­enda fyr­ir­tæk­is­ins Vik­ing Cars. Það var eitt þeirra fyr­ir­tækja sem fór í gegnum Startup Reykja­vík við­skipta­hrað­al­inn á tíu vikum í sum­ar, en aðstand­endur þeirra tíu fyr­ir­tækja sem valin voru til þátt­töku unn­u baki brotnu að fram­gangi sinna fyr­ir­tækja.

Vik­ing Cars er eins konar mark­aðs­torg þar sem bíla­eig­endur geta deilt bílnum sínum með öðrum með öruggum hætti. Í raun eins og Air­bnb nema fyrir bíla.

https://vi­meo.com/138063238

Í síð­ustu viku voru fyr­ir­tækin kynnt fyrir fjár­festum á sér­stökum fjá­festa­degi, sem er loka­hnykkur Startup Reykja­vík.

Sölvi segir það hafa verið ómet­an­legt að hafa greiðan aðgang að frum­kvöðlum á Íslandi, sem hafi deilt reynslu sinni með þeim fyr­ir­tækjum sem voru þátt­tak­endur í hraðl­in­um. „Með þessu móti fengum við mik­il­vægar upp­lýs­ingar um hvernig ætti að bregð­ast við mis­tök­um, og læra af þeim,“ sagði Sölvi.

Verk­efn­in sem voru val­in til þátt­­töku í Startup Reykja­vík nú í sum­­­ar, og kynnt fyrir fjár­festum eftir ítar­lega vinnu í sum­ar:

• Wasa­bi Ice­land – Ætla að rækta hágæða wasa­bi á Íslandi með því að nýta hreint vatn og end­­ur­nýj­an­­lega orku



• Ludis – Þróa leikja­vett­vang sem gerir leikja­hönn­uðum kleift að hanna og not­endum að spila leiki sem nota sam­skipti á milli sjón­varps og síma



• Elsendia – Teng­ir sam­an ra­f­ræn skil­­ríki og ra­f­ræna lyf­­­seðla. Fólk get­ur keypt lyf á net­inu með ör­ugg­um hætti og fengið sent heim



• Vik­ing Cars – Mark­aðs­torg þar sem bíla­eig­endur geta deilt bílnum sínum með öðrum með öruggum hætti. Í raun eins og Air­bnb nema fyrir bíla.



• Spor í sand­­inn – ­Sjálf­bær gróð­ur­hús tengd sund­laug í hjarta borg­ar­inn­ar ­bjóða upp á sölu stað­bund­inna mat­væla og nýja upp­lifun í ferða­þjón­ustu fræðslu og afþr­ey­ingu



• Genki instru­ments – Eru að þróa ný­stár­­leg raf­­tón­list­­ar­hljóð­færi sem tengja má sam­an með áður óséðum hætti



• Data­drive – Hug­­bún­aður sem tek­ur við upp­­lýs­ing­um úr bíln­um þínum og teng­ir beint við snjall­sím­ann



• Delp­hi – Nýta þekk­ingu fjöld­ans til þess að spá fyr­ir um til­­­tekna við­burði í fram­tíð­inni



• Floori – Hug­bún­aður sem hjálpar kenn­urum að skilja og meta árangur nem­enda með því að bjóða upp á krossa­spurn­ingar í gegnum vef og snjall­síma



• Hún / Hann Brugg­hús – Ör­brugg­hús með áherslu á frum­lega gæða­bjóra í tak­mörk­uðu upp­lagi

Teymun­um tíu sem val­in vor­u til þátt­­töku var lag­t eft­ir­far­andi til:

• Tvær millj­­ón­ir í hluta­fé frá Ari­on banka gegn 6% hlut­­deild í fyr­ir­tæk­inu



• 10 vikna þjálf­un/​ráð­gjöf frá men­tor­um víðs veg­ar að úr at­vinn­u­líf­inu



• Sam­eig­in­­leg aðstaða allra við­skiptateym­anna



• Tæki­­færi til að kynna sig og verk­efni sín fyr­ir fjár­­­fest­um á loka­degi verk­efn­is­ins.

Þetta er annað árið í röð sem Kjarn­inn fylgir Startup Reykja­vík náið eft­ir, en allt frá stofnun Kjarn­ans hefur mikil áhersla verið lögð á nýsköpun og frum­kvöðla­starf­semi ýmis kon­ar, í efn­is­tök­um, og það sama má með segja um lítil og með­al­stór fyr­ir­tæki.

Startup Reykja­vík er sam­starfs­verk­efni Arion banka og Klak Innovit, og eru mynd­böndin unnin í sam­starfi við hrað­al­inn.