Pæl­ing dags­ins er hluti af dag­legum frétta­pósti Kjarn­ans, þar sem farið er yfir það helsta í inn­lendum og erlendum frétt­um. Í pæl­ingu dags­ins er athygl­is­verðum hlutum velt upp.

Í gær var á það bent að gengi bréfa í N1 hefði hækkað um ríf­lega 50 pró­sent frá því í júlí, og síðan til dags­ins í dag, sam­hliða verð­fall­inu á olíu á heims­mörk­uð­um. Það er þó eðli­legt að halda því til haga, að ákveðið var að lækka hlutafé félags­ins um tæp­lega fjóra millj­arða króna í októ­ber, og greiða út til hlut­hafa, eins og Kjarn­inn greindi raunar ítar­lega frá. Í því sam­hengi er ekki óeðli­legt að mark­aðsvirðið hafi hækk­að. Gagn­vart almenn­ingi, sem kannski þekkir ekki þennan bak­grunn, kann það að skjóta skökku við að gengi bréfa félags­ins hækki mikið á sama tíma og miklar hremm­ingar herja á olíu­iðn­að­inn í heim­in­um. Í Nor­egi hefur þetta sam­hengi verið nokkuð skýrt, enda olíu­iðn­að­ur­inn und­ir­stöðu­at­vinnu­vegur í land­inu. Hluta­bréf hafa fallið í land­inu að und­an­förnu, og í gær hrap­aði gengi norsku krón­unn­ar, um átta pró­sent gagn­vart evr­unni. Fyr­ir­hyggja Norð­manna þegar kemur að olíu­sjóðnum norska sannar sig ekki síst í stöðu sem þess­ari. Í gær, þegar gengi norsku krón­unnar féll gagn­vart erlendum mynt­um, þá hækk­uðu eignir olíu­sjóðs­ins um sam­bæri­legt hlut­fall mælt í norskum krón­um. Þar sem um 95 pró­sent af eignum sjóðs­ins eru bundndar í erlendum eignum og erlendum mynt­um. Þetta er áhættu­dreif­ing sem væri ósk­andi að íslenska líf­eyr­is­sjóða­kerfið byggi við. En það svo sann­ar­lega ekki raun­in, í hafta­hag­kerf­inu.

Frétta­póstur Kjarn­ans kemur í póst­hólfið þitt á hverjum morgni.