Pæl­ing dags­ins er hluti af dag­legum frétta­pósti Kjarn­ans, þar sem farið er yfir það helsta í inn­lendum og erlendum frétt­um. Í pæl­ingu dags­ins er athygl­is­verðum hlutum velt upp.

Móðir allra leið­rétt­inga verður að veru­leika ef lán­veit­endur þurfa að greiða lán­tak­endum mörg hund­ruð millj­arða, jafn­vel þús­und millj­arða, til baka vegna þess að ekki var heim­ild til þess að miða við 0 pró­sent verð­bólgu við útreikn­ing á heild­ar­lán­töku­kostn­aði verð­tryggðra lána, líkt og álit EFTA segir til um. Í versta falli getur íslenska ríkið farið á haus­inn. Hæsti­réttur á síð­asta orð­ið, og best að segja sem minnst á þessum tíma­punkti. Það er hins vegar umhugs­un­ar­efni, hvernig mál hafa þró­ast hér á landi á und­an­förnum árum og ára­tugum og hvaða sann­leika dóm­stólar hafa leitt í ljós með dómum sín­um. Að mati bréf­rit­ara blasir við hversu mátt­laust og óvandað reglu­verkið hefur verið á íslenskum fjár­mála­mark­aði á löngu tíma­bili, frá því löngu fyrir hrun­ið. Dæmin blasa við. Geng­is­trygg­ingin var dæmd ólög­mæt, og fengu geng­is­tryggðar lán­veit­ingar í krónum að við­gang­ast árum saman án þess að nokkur lyfti litla fingri. Þær sköp­uðu stór­hættu fyrir þjóð­ar­bú­skap­inn. Það sama á nú við um útreikn­ing á heild­ar­lán­töku­kostn­aði þegar kemur að verð­tryggðum lán­um. Árum, jafn­vel ára­tug­um, saman hefur verk­lag sem ekki stenst lög, ef álit EFTA er haft til hlið­sjón­ar, fengið að við­gang­ast. Hvernig stendur á þessu? Stjórn­mála­menn bera á þessu mikla ábyrgð. Þeir búa til leik­regl­urn­ar, lögin í land­inu og eft­ir­lits­stofn­anir starfa í umboði þeirra. Ætli þeir muni ræða um ábyrgð sína á þess­ari stöðu? Það verður áhuga­vert að fylgj­ast með fram­hald­in­u...

Frétta­póstur Kjarn­ans kemur í póst­hólfið þitt á hverjum morgni.