Þessi færsla er úr eldra greinasafni Kjarnans og gæti þess vegna birst furðulega.

Allt sem þig hefur alltaf langað að vita um alls konar - og bjór

bjor12.jpg
Auglýsing

Þorgeir Tryggvason, Toggi, mun sinna bókaumfjöllun fyrir Kjarnann fram að jólum en margar bækur eru að koma út þessa dagana. Jólabókaflóðið nær svo hámarki í desember.

Höfundar: Höskuldur Sæmundsson, Stefán Pálsson og Rán Flygenring

Bjór

Auglýsing

Útgefandi: Crymogea

Bjor kapa frontEf við myndum ákveða á morgun að hætta með krónuna og taka upp Trivia - fánýtan fróðleik - sem gjaldmiðil yrði Stefán Pálsson ríkasti maður landsins. Eða eins og hann myndi vafalaust orða það, Bill Gates sinnar kynslóðar.

Góðu heilli er það trívíunördinn en ekki bjórgormurinn sem skrifar þessa fallegu og massívu bók í félagi við félaga sinn úr Bjórskólanum, Höskuld Sæmundson. Lykt- og bragðkjaftæði er afgreitt í einni línu yfirleitt, af þeirri opnu sem helguð er hverri þeirra 120 bjórtegunda sem fjallað er um. Stundum er mælt með föstu fæði sem passar við viðkomandi tegund. Annars er bara stuð í staðreyndalandi með bjór sem miðju en ekki alfa og ómega.

Þannig fræðist maður um The Greatful Dead (bls.45), blóðberg (bls. 57), hina sígildu bíómynd Cool Runnings og tengsl hennar við einkennisbjór Jamaíkumanna (bls. 137), Mídas konung (bls. 69) og hin illu áhrif flökkusagna (bls. 205).

Skemmtilegastur þykir mér textinn á bls. 213 þar sem fléttað er saman fróðleik um listamanninn Prince og bjórinn frá České Budějovice á snilldarlegan hátt, og sennilega er þetta líka skemmtilegt fyrir það skrítna fólk sem ekki þekkir góða dátann Svejk.

Sú hreinræktaða „bjórstaðreynd“ sem situr fastast í mér er svo tvímælalaust sú að 40% af Guinness-neyslu heimsins fari fram í Afríku.

Á móti textunum er stillt upp myndum Ránar Flygenring. Hún hefur skemmtilegan teiknistíl en því miður er þetta of sjaldan snjallt. Myndinar gera lítið annað en að „illústrera“ textann, oft með hjálp frá útskýringatextum sem virkar alltaf eins og hálfgerð þrautalending.

Bókinni er mjög skemmtilega kaflaskipt, og bjórtegundirnar flokkaðar eftir heimatilbúnu þemakerfi, stundum út frá nöfnum, stundum út frá lit, stundum velgengni. Það hefði samt ekki verið úr vegi að splæsa í einhverskonar millisíður til að greina kaflana að, í stað þess að fela kaflaheitin með smáu letri á myndasíðunum. Eitthvað er óhjákvæmilega um endurtekningar, sem og að sami hluturinn er útskýrður oft. Verra að það er stundum ítarlegast þegar hann kemur síðast við sögu. Þannig er oft minnst á Trappista-munkaregluna en uppruni hennar loksins tíundaður á blaðsíðu 253.

Að vanda er hönnun og frágangur til sóma hjá Crymogeu. Því meira stinga í augun prentvillur sem leynast þarna nokkrar. Já og svo er alveg bannað að fara rangt með tilvitnanir í sjónvarpsþættina Fame!

Heilt yfir er þetta samt falleg og eiguleg bók, fjörlega skrifuð og stútfull af næringarríku staðreyndasmælki um allt milli himins og jarðar. Og bjór. Örugglega samt betri til að dreypa á í hófi en að svolgra í sig í heilu lagi eins og óhjákvæmilega er hlutskipti rýnis. Þannig neytt trúi ég að hún gleðji mannsins hjarta.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þorgerður Katrín Gunnarsdóttir, formaður Viðreisnar, í forystusætinu á RÚV í gærkvöldi.
Það liggur ekki fyrir hvort Ísland geti gert tvíhliða samning til að tengja krónu við evru
Staðreyndavakt Kjarnans skoðar fullyrðingu Þorgerðar Katrínar Gunnarsdóttur um það sé mögulegt fyrir Ísland að gera samkomulag við Seðlabanka Evrópu um að tengja krónuna við evru.
Kjarninn 23. september 2021
Sigríður Ólafsdóttir
Draumastarf og búseta – hvernig fer það saman?
Kjarninn 23. september 2021
Árni Stefán Árnason
Dýravernd: Í aðdraganda kosninganna er blóðmeraiðnaðurinn svarti blettur búfjáreldis – Hluti II
Kjarninn 23. september 2021
Segist hafa reynt að komast að því hvað konan vildi í gegnum tengilið – „Við náðum aldrei að ræða við hana“
Fyrrverandi formaður KSÍ segir að sambandið hafi frétt af meintu kynferðisbroti landsliðsmanna í gegnum samfélagsmiðla. Formleg ábending hafi aldrei borist.
Kjarninn 23. september 2021
Bjarni Benediktsson, fjármála- og efnahagsráðherra og formaður Sjálfstæðisflokksins, og Katrín Jakobsdóttir, forsætisráðherra og formaður Vinstri grænna.
Fleiri kjósendur Sjálfstæðisflokks vilja Katrínu sem forsætisráðherra en Bjarna
Alls segjast 45,2 prósent kjósenda Sjálfstæðisflokksins að þeir vilji fá formann Vinstri grænna til að leiða þá ríkisstjórn sem mynduð verður eftir kosningar.
Kjarninn 23. september 2021
Hugarvilla að Ísland sé miðja heimsins
Þau Baldur, Kristrún og Gylfi spjölluðu um Evrópustefnu stjórnvalda í hlaðvarpsþættinum Völundarhús utanríkismála.
Kjarninn 23. september 2021
Völundarhús utanríkismála Íslands
Völundarhús utanríkismála Íslands
Völundarhús utanríkismála Íslands – Þáttur 4: Byggir Evrópustefna íslenskra stjórnvalda á áfallastjórnun?
Kjarninn 23. september 2021
Rósa Björk Brynjólfsdóttir
Kosningarnar núna snúast um loftslagsmál
Kjarninn 23. september 2021
Meira úr sama flokkiKjarnafæði
None