Pæl­ing dags­ins er hluti af dag­legum frétta­pósti Kjarn­ans, þar sem farið er yfir það helsta í inn­lendum og erlendum frétt­um. Í pæl­ingu dags­ins er athygl­is­verðum hlutum velt upp.

Læknar standa í harðri kjara­bar­áttu. Það er ekki gott að segja hvort það miðar eitt­hvað áfram í kjara­við­ræðum við stjórn­völd, en oft er það svo að um leið og ein­hver lausnaf­ar­vegur er mynd­að­ur, þá kemur lausnin nokkuð fljótt. Það verður að segj­ast að stjórn­völd eru ekki í sér­stakri samn­ings­að­stöðu. Á sama tíma og læknar eru í verk­falli, með til­heyr­andi alvar­legri þjón­ustu­skerð­ingu við veikt fólk á öllum aldri, þá standa stjórn­völd að því að gefa tugi millj­arða úr rík­is­sjóði til fólks sem er með verð­tryggð hús­næð­is­lán í eigin nafni og á eigin ábyrgð. Skila­boðin til lækna eru þá vænt­an­lega þessi; sjá­ið, það er nóg til í rík­is­sjóði, við erum að gefa fólki úr hon­um, jafn­vel fólki sem þarf ekki á því að halda að fá pen­inga! Það verður áhuga­vert að sjá hvernig stjórn­völd munu leysa úr þess­ari stöðu, þannig að þau standi keik og ósködduð eftir póli­tískt.

Frétta­póstur Kjarn­ans kemur í póst­hólfið þitt á hverjum morgni.