Pæl­ing dags­ins er hluti af dag­legum frétta­pósti Kjarn­ans, þar sem farið er yfir það helsta í inn­lendum og erlendum frétt­um. Í pæl­ingu dags­ins er athygl­is­verðum hlutum velt upp.

Mikil tæki­færi fel­ast í sífellt meiri áhrifum inter­nets­ins á líf okk­ar, í gegnum síma og sam­fé­lags­miðla ekki síst. Mich­ael Jos­eph Gross, blaða­mað­ur, skrif­aði afar áhuga­verða grein um inter­netið í hið metn­að­ar­fulla tíma­rit Vanity Fair fyrir um tveimur og hálfu ári síð­an, þar sem þessir merki­legu staf­rænu tímar eru nokkuð vel greind­ir. Yfir­skrift­in, World War 3.0, segir sína sögu um hversu stórt mál þetta er. Ýmsar hættur eru fyrir hendi, sem geta leitt til stórra vanda­mála. En tæki­fær­in, ekki síst fyrir smærri sam­fé­lög, eru mik­il. Staðan á Íslandi, þegar kemur að inter­net­inu, er um það bil svona: Næstum allir eru með gott aðgengi að net­inu og næstum allir með góðar tölvur og síma. Þá er tengi­kerfið í byggð með þeim betri í heim­in­um. Stjórn­sýslan íslenska gerir ekki ráð fyrir þessum veru­leika nema að litlu leyti. Full ástæða er til þess að gjör­bylta stjórn­sýsl­unni og laga hana mun hraðar að nýjum veru­leika. Miklir pen­ingar ættu að geta spar­ast með auk­inni sjálf­virkni og aðgengi að upp­lýs­ingum ætti einnig að verða betra, og styrkja ákvörð­una­töku, bæði almenn­ings og stjórn­mála­manna. Reynsla Breta af Gov.Uk verk­efn­inu sýnir að það er vel hægt að nýta netið betur til þess að miðla upp­lýs­ingum til almenn­ings, styrkja opin­bera þjón­ustu og spara pen­ing.

Frétta­póstur Kjarn­ans kemur í póst­hólfið þitt á hverjum morgni.