Pæl­ing dags­ins er hluti af dag­legum frétta­pósti Kjarn­ans, þar sem farið er yfir það helsta í inn­lendum og erlendum frétt­um. Í pæl­ingu dags­ins er athygl­is­verðum hlutum velt upp.

Nýtt ár gekk í garð með spreng­ingum og lát­um. Það er ekk­ert nýtt, en þó eru alltaf þús­undir manna hér á landi sem upp­lifa ára­mótin íslensku í fyrsta skipti. Fyrir þeim er þetta nýtt og spenn­andi. Erlendir ferða­menn hafa fyllt hótel á höf­uð­borg­ar­svæð­inu yfir ára­mótin und­an­farin ár, og það var engin und­an­tekn­ing á því í þetta skiptið. Þessi sið­ur, að kveðja árið með jafn miklum spren­ingum og raun ber vitni, er svo til alveg sér­ís­lenskur og það er magnað að sjá hvað erlendum ferða­mönnum þykir þetta til­komu­mikil flug­elda­sýn­ing. Þeir gapa upp í loft­ið, furðu lostn­ir! Það er vel hægt að hugsa sér að margar íslenskar venjur séu stór­merki­legar í huga erlendra ferða­manna. Kannski finnst þeim þorra­blótin alveg magnað og ein­stakt fyr­ir­bæri. Kannski væri hægt að draga hingað til lands ferða­menn yfir vetr­ar­tím­ann til þess að upp­lifa sanna íslenska mat­ar- og skemmti­há­tíð? Eða kannski er það full­mikil bjart­sýn­i...

Frétta­póstur Kjarn­ans kemur í póst­hólfið þitt á hverjum morgni.