Pæl­ing dags­ins er hluti af dag­legum frétta­pósti Kjarn­ans, þar sem farið er yfir það helsta í inn­lendum og erlendum frétt­um. Í pæl­ingu dags­ins er athygl­is­verðum hlutum velt upp.

Sagt var frá því í gær að Ill­ugi Gunn­ars­son, mennta- og menn­ing­ar­mála­ráð­herra, hefði ákveðið að veita Hvala­safn­inu á Húsa­vík við­ur­kenn­ingu að til­lögu Safna­ráðs. Sig­mundur Davíð Gunn­laugs­son, for­sæt­is­ráð­herra, til­kynnti síðan um það á kjör­dæm­is­þingi Fram­sókn­ar­flokks­ins um síð­ast­liðna helgi að steypireyða­grind, sem rak á land við Skaga árið 2010, muni fara til varð­veislu í Hvala­safn­inu á Húsa­vík. Lík­lega mun þurfa að stækka og stór­bæta aðstöðu safns­ins. Upp­bygg­ing hvala­skoð­unar og hvala­safns­ins á Húsa­vík má rekja um tutt­ugu ár aftur í tím­ann þegar ein­stak­lingar og einka­fyr­ir­tæki fóru að bjóða erlendum ferða­mönnum upp á að skoða hvali á Skjálf­anda við Húsa­vík. Á tutt­ugu árum hefur upp­bygg­ingin verið mögnuð og metn­að­ar­full. Á hverju sumri koma á bil­inu 60 til 70 þús­und erlendir ferða­menn til Húsa­víkur til þess að skoða hvali. Og nú brátt til þess að skoða grind stærsta dýrs jarð­ar­inn­ar. Þetta dæmi sýnir ágæt­lega hvað vel heppnað einka­fram­tak getur verið efna­hags­lega áhrifa­mik­ið.

Frétta­póstur Kjarn­ans kemur í póst­hólfið þitt á hverjum morgni.