Pæl­ing dags­ins er hluti af dag­legum frétta­pósti Kjarn­ans, þar sem farið er yfir það helsta í inn­lendum og erlendum frétt­um. Í pæl­ingu dags­ins er athygl­is­verðum hlutum velt upp.

For­maður félags­ins Ein­stök börn, Guð­mundur Björg­vin Gylfa­son, lýsti í sam­tali við RÚV miklum áhyggjum vegna þess að þjón­usta frá heil­brigð­is­kerf­inu við lang­veika og þá sem þurfa mikla aðstoð hefur versnað á und­an­förnum árum, vegna nið­ur­skurðar meðal ann­ars. Þá er fyr­ir­sjá­an­legt að mik­ill vandi skap­ist vegna þess að það vantar sér­fræði­mennt­aða lækna. Þá vantar fjár­magn, 1,5 millj­arða króna, til þess að geta sett hlut­ina í ásætt­an­legt horf. Þessi staða er grafal­var­leg, og eitt­hvað sem rit­stjórn Kjarn­ans hefur heyrt tölu­vert af und­an­farin miss­eri. Von­andi for­gangs­raða stjórn­mála­menn rétt við fjár­lög­in, og setja fé í þennan mála­flokk sem hér á undan er lýst, fremur en gælu­verk­efni. En hvað varðar lækn­anna og skort á þeim, þá er ekki svo auð­velt að sjá hvað er hægt að gera. Eitt atriði mætti skoða; það er að nýta náms­lána­kerfið til þess að ýta undir komu lækna til Íslands. Ein­fald­lega að sérfræði­mennt­aðir læknar fái veru­legan styrk frá rík­inu, í formi nið­ur­felldra lána eða vaxta af þeim t.d., fyrir að koma heim. Kostn­að­ur­inn af því að gera ekk­ert er gríð­ar­leg­ur, en þetta gæti mögu­lega unnið gegn enn meiri erf­ið­leik­um.

Frétta­póstur Kjarn­ans kemur í póst­hólfið þitt á hverjum morgni.