Pæl­ing dags­ins er hluti af dag­legum frétta­pósti Kjarn­ans, þar sem farið er yfir það helsta í inn­lendum og erlendum frétt­um. Í pæl­ingu dags­ins er athygl­is­verðum hlutum velt upp.

Nú er verið að klára fjár­lögin fyrir næsta ár. Næstu tvær vik­urnar verða lík­lega frekar skraut­leg­ar, ef mið er tekið af reynsl­unni. Ein helsta áhættan í fjár­lög­un­um, að mati bréf­rit­ara, felst í hag­vaxt­ar­for­send­un­um. Gert er ráð fyrir 3,4 pró­sent hag­vexti sam­kvæmt fjár­laga­frum­varp­inu. Það er í takt við margar spár, en það versta við spárnar er að þær eru ekki í takt við veru­leik­ann. Hann er sá að á fyrstu níu mán­uðum árs­ins var 0,5 pró­sent hag­vöxt­ur, sam­kvæmt tölum Hag­stofu Íslands. Það kemur svo í ljós hvort þetta leið­rétt­ist þegar töl­urnar verða upp­færðar síð­ar. Staða mála á alþjóða­vett­vangi er líka í mik­illi óvissu. Láns­hæfi stórra ríkja hefur lækkað að und­an­förnu, eins og Jap­ans og Frakk­lands, olía hefur fallið í verði um 40 pró­sent og tölu­vert ójafn­vægi virð­ist ríkja víða. Sú ein­kenni­lega staða er upp hér á landi að tölu­verðar líkur eru á verð­hjöðn­un­ar­tíma­bili á næst­unni, þó vandi sé um slíkt að spá til lengd­ar. Sem sagt; getur verið að und­ir­liggj­andi for­sendur fjár­lag­anna séu of bjart­sýn­ar? Það er vel hugs­an­legt.

Frétta­póstur Kjarn­ans kemur í póst­hólfið þitt á hverjum morgni