Auglýsing

Í mér hefur lengi blundað ákveð­inn ugg­ur, óljós grunur um að ekki sé allt með felldu. Í gegnum árin hef ég þó trúað sam­fé­lag­inu sem sann­færir mig um að þetta sé ég. Smám saman hefur svo sann­leik­ur­inn runnið upp fyrir mér. Meist­ara­leg­asta blekk­ing okkar tíma hrundi á end­anum fyrir augum mér, alls­bert sprikl­aði fyr­ir­bærið útsmogna. Í ein­vígi þess við eðli­lega hegðun stendur það uppi sem ótvíð­ræður sig­ur­veg­ari, auk þess að vera erki­tákn­mynd ákveð­ins menn­ing­ar­legs for­ræðis sem gjörsigrað hefur alla heil­brigða skyn­semi. Fyr­ir­bærið felur sig á bak við dul­nefnið íþróttir og hefur ítrekað teygt ísmeygna anga sína að mér úr öllum skúma­skotum og æpt á mig allskyns sturl­aðar upp­hróp­anir og fárán­legar full­yrð­ingar sem allir nema ég virð­ast trúa.

Lengst af blund­uðu þessar grun­semdir í dýpi eigin kven­legs óör­ygg­is. Hvernig sem ég reyndi skildi ég ekki rang­stöðu og fyllt­ist alltaf ákveð­inni örvænt­ingu í miðjum seinni hálf­leik, hvort sem um fót­bolta-eða hand­bolta­leik var að ræða. Skyn­semin sagði mér að á ein­hverjum tíma­punkti hlyti þetta að enda, leik­ur­inn gæti tæp­lega enst að eilífu, en til­finn­ing­arnar mót­mæltu. Í kjöl­far fót­bolta­leiks sem ég ung og óhörðnuð lét gabb­ast á í fimb­ulkulda upp­lifði ég síðan ein­hvers konar áfallastreiturösk­un. Að níu­tíu óend­an­legum mín­útum loknum hafði ekk­ert gerst annað en að menn höfðu hlaupið fram og aftur með bolta en í stað þess að binda enda á ósköpin var þá fram­lengt um þrjá­tíu mín­út­ur. Ég veit að þetta er lyg­inni lík­ast en ég ábyrgist sann­leiks­gildi þess­arar ljótu sögu sem hér er fyrst og fremst sett fram í for­varn­ar­skyni fyrir auð­blekkj­an­lega kjána eins og mig. Fót­bolta­leikir fara fram utandyra og eru gjarnan fram­lengdir um hálf­tíma. Stað­fest.

Yfir­þyrm­andi áhuga­leysi und­ir­rit­aðrar á slíkum leikjum er þó ekki inn­tak þess­ara orða. Fólki er full­frjálst að leika sér leið­in­lega fyrir mér. Hitt er er mér hug­leikn­ara, hvernig sam­fé­lagið hefur hengt ýmis heilög gildi við slíka leikja­iðk­un. Keppn­is­í­þróttir hvers­konar þykj­ast þannig stuðla að lík­am­legu og and­legu heil­brigði og dul­búa sig sem jákvæður kostur fyrir börn og ung­menni sem ella myndu leggja stund á aðra og verri iðju eins og sjón­varps­gláp, sjoppu­hangs og ámóta sukk. Lík­am­lega heil­brigðið eitt og sér er auð­vitað hreinn brand­ari, best bor­inn fram af vörum volt­ar­en­bryðj­andi atvinnu­manna með slitnar hásinar og enga lið­þófa. Eigin bak­grunnur í sjoppu­hangsi á ung­lings­árum er umtals­vert stöndugri fram­tíð­ar­for­senda en atvinnu­mennska unnust­ans. Hnén bera hann varla út í sjoppu.

Auglýsing

And­lega heil­brigðið er þó öllu ósvífn­ara. Á ein­hverju augna­bliki í fyrnd­inni tókst óða íþrótta­mann­inum sem eng­inn nennti að hanga með, í krafti vissra styrk­leika­yf­ir­burða, að koma óþol­andi eig­in­leikum sínum að sem eft­ir­sókn­ar­verðum mann­kostum og allar götur síðar hafa syst­ur­kennd­irnar árása­girnd og sjálfs­dýrkun verið upp­hafnar og þeim þröngvað upp á ómótuð ung­menni. Keppn­is­í­þrótt­ir, sem við hrein­lega höldum að börnum og öðrum minna þroskuðum mönn­um, end­ur­spegla þannig allt sem er að mann­legu sam­fé­lagi. Í gegnum þær boðum við mik­il­vægi þess að vera sterk­ur, sigra aðra og kremja og vinna þannig líf­ið. Við þykj­umst boða sam­stöðu og hópefli en það sem við í raun gerum er að inn­ræta hina gullnu ,,við og hin­ir” reglu, að eilífu, amen. Áfram Ísland. Íþróttir standa þannig að mörgu leyti vörð um þau gildi efna­hagsel­ít­unnar og þeirrar ein­stak­lings­hyggju og valda­for­ræðis sem kap­ít­al­ískt þjóðfélag nútím­ans byggir á. Dul­bú­inn sem sak­laus leikur án nokk­urrar teng­ingar við leið­indi á borð við póli­tík og vinnu­menn­ingu spilar íþrótta­heim­ur­inn stóran þátt í að styrkja og normalísera þá sam­fé­lags­gerð sem hentar ráð­andi öfl­um. Ægi­kraftur hring­leikja­húss­ins hefur síst dvínað í gegnum ald­irn­ar. Þæg og hlýðin æpum við síðan öll í kór, drekkjum öllum efa­semdum í bjór yfir leikjum og hvílum róleg í þeirri full­vissu að börn­unum sé betur borgið á æfingu en í tölvu­skömminn­i. 

Á þessum tíma­punkti í skrif­unum skynja ég tölu­verða heift og hatur bein­ast í átt til mín á öldum ljós­vakans, jafn­vel brott­rekstur úr vina­hóp­um. Mér til varnar vil ég þó ítreka það að almennt reyni ég að sýna því vafa­sama fyr­ir­bæri sem við köllum mann­legt eðli og felum ýmsar syndir undir ákveðið umburð­ar­lyndi og skiln­ing. Á ein­hverjum vett­vangi verðum við jú að fá útrás fyrir kennd­irnar sem kvelja okk­ur. Und­ar­legt hlýtur þó að telj­ast að einni slíkri útrás skuli hampað svo mjög að við reisum henni rán­dýr must­eri og veitum ómældu fé, athygli og upp­hafn­ingu í hennar átt á meðan aðrar sam­bæri­legar kenndir eru hjúpaðar vand­ræða­legri þögn og sið­legu eft­ir­tekt­ar­leysi. Mér hrein­lega sárnar stundum fyrir hönd allra for­dæmdra perra og klám­neyt­enda sem skömmustu­legir standa í skugga strák­anna okk­ar, alfarið að ósekju.

Lík­am­leg hreyf­ing, hin hreina íþrótt sem snýr að efl­ingu lík­ama og sálar er gott mál og göf­ugt. Að aðskilja slíkt frá ofstopa­fullri félags­mótun á kostnað sam­ferð­ar­fólks tel ég verð­uga áskorun til okkar allra og er ég sjálf þar síst und­an­skil­in. Vina­legur fjöl­skyldu­klepp­ari endar jafnan í öskrum og brotnu leir­taui fái ég að taka þátt. Í hverskyns keppn­is­að­stæðum finn ég örla á óþekktum og ill­girn­is­legum hneigð­um, jafn­vel í garð eigin barna. Í guð­anna bæn­um, verndum því börn­in. Í það minnsta mín.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Orri Páll Jóhannesson er nýr þingflokksformaður Vinstri grænna.
Orri Páll þingflokksformaður Vinstri grænna
Orri Páll Jóhannsson var í dag valinn þingflokksformaður Vinstri grænna. Bjarni Jónsson verður ritari þingflokksins.
Kjarninn 29. nóvember 2021
Katrín Jakobsdóttir forsætisráðherra.
„Umhverfismálin eiga að vera alls staðar“
Katrín Jakobsdóttir segist horfa á boðaða stækkun Vatnajökulsþjóðgarðar sem áfanga í átt að þjóðgarði á borð við hálendisþjóðgarðinn, sem bakkað er með í nýja stjórnarsáttmálanum. Kjarninn ræddi umhverfismál við Katrínu í gær.
Kjarninn 29. nóvember 2021
Bólusetningarvottorð gildi aðeins í níu mánuði
Stjórn Evrópusambandsins hefur lagt til að bólusetningarvottorð gildi í níu mánuði í stað tólf. Örvunarskammtur framlengi svo gildistímann.
Kjarninn 29. nóvember 2021
Samtal við samfélagið
Samtal við samfélagið
Samtal við samfélagið – Íslenska heilbrigðiskerfið: Áskoranir og framtíðin
Kjarninn 29. nóvember 2021
Guðlaugur Þór Þórðarson er nýr ráðherra umhverfis-, loftslags- og orkumála. Landvernd segir að það verði erfitt að gæta hagsmuna náttúrunnar og fara með orkumálin á sama tíma.
Landvernd segir „stríðsyfirlýsingu“ að finna í stjórnarsáttmálanum
Stjórn Landverndar gagnrýnir áform ríkisstjórnarinnar um breytta rammaáætlun, sérstök vindorkulög og flutning orkumála inn í umhverfisráðuneytið, í yfirlýsingu í dag.
Kjarninn 29. nóvember 2021
Róbert Marshall upplýsingafulltrúi ríkisstjórnarinnar.
Innsláttarvilla í Stjórnartíðindum hafði engin lögformleg áhrif
Guðlaugur Þór Þórðarson verður ekki ráðherra lista og menningarmála auk þess að fara með umhverfismál í nýrri ríkisstjórn Katrínar Jakobsdóttur. Innsláttarvilla á vef Stjórnartíðinda gaf ranglega til kynna að svo yrði, en hún hafði engin lögformleg áhrif.
Kjarninn 29. nóvember 2021
Á meðal þeirra geira sem þurfa á mörgum starfsmönnum að halda er byggingageirinn.
18 þúsund störf töpuðust í faraldrinum en 16.700 ný hafa orðið til
Seðlabankinn segir óvíst að hve miklu leyti ráðningarsamböndum sem byggjast á ráðningarstyrkjum verði viðhaldið, en þeir renna flestir út nú undir lok árs. Kannanir bendi þó til þess að störfum muni halda áfram að fjölga.
Kjarninn 29. nóvember 2021
Lilja D. Alfreðsdóttir.
Fjölmiðlar undir atvinnuvegaráðuneyti og þjóðarleikvangar færast til
Miklar tilfærslur eru á málaflokkum milli ráðuneyta í nýrri ríkisstjórn Katrínar Jakobsdóttur. Samkvæmt forsetaúrskurði heyrir fjölmiðlar undir atvinnuvegaráðuneytið og nýtt ráðuneyti fer með málefni þjóðarleikvanga.
Kjarninn 29. nóvember 2021
Meira úr sama flokkiKjaftæði
None