Ég á ekki börn en ég veit að vetr­ar­frí í grunn­skól­anna geta reynst mörgum for­eldrum erf­ið. Vinnu­veit­endur eru ekki allir jafn sveigj­an­legir og það getur því verið mik­ill haus­verkur að finna eitt­hvað að gera fyrir börn­in. Sumir taka þau með í vinn­una, sem hljómar í fyrstu spenn­andi í eyrum barn­anna en reyn­ist svo skelfi­leg lífs­reynsla þar sem tím­inn líður hægar en fyrir hádegi á aðfanga­dag. 

Alþing­is­menn þurfa ekki að hafa áhyggjur af þessu. Í ár voru þeir sendir í frí á meðan vetr­ar­fríið stóð yfir svo þeir gætu eytt tíma með börn­unum sín­um. Helgi Bern­ód­us­son, skrif­stofu­stjóri Alþing­is, sagði á Eyj­unni að það hafi komið ein­dregin ósk frá nokkrum þing­mönnum um að það yrði tekið til­lit til þess að vetr­ar­frí væri í reyk­vískum skól­um. Sem var því gert.

Auglýsing

Þegar ég heyri svona fréttir líður mér eins og að það séu tvær þjóðir í land­inu: Við og þau. Það yrði aldrei hlustað á búð­ar­fólk ef það myndi í sam­ein­ingu óska eftir að versl­unum yrði lokað svo það gæti varið tíma með börn­unum sín­um. Þetta er bara hægt á Alþingi. Óskil­virkasta vinnu­stað lands­ins.

En að vera Alþing­is­maður er samt örugg­lega hræði­legt. Dag­skráin er oft illa skipu­lögð og þing­fundir standa stundum fram á nótt. Þeir þurfa að lesa mikið af leið­in­legum skýrslum og hitta margt leið­in­legt fólk sem ætl­ast til þess að þeir þjóni hags­munum þess. Ofan á það eru virkir í athuga­semdum með ein­hvers konar eilífð­ar­skot­leyfi á Alþings­menn ásamt frægu fólki, konum og auð­vitað nem­endum í Verzl­un­ar­skóla Íslands.

Þetta er örugg­lega glatað en það er samt eitt frá­bært við að vera Alþing­is­mað­ur: Frí­in. Þau eru löng.

Þing­setn­ing var 8. sept­em­ber á síð­asta ári og eftir þrjá erf­iða mán­uði var síð­asti þing­fundur fyrir jól áætl­aður 11. des­em­ber. Næsti þing­fundur var svo ekki áætl­aður fyrr en 19. jan­ú­ar, rúmum mán­uði síð­ar. Páska­fríið hefst svo 18. mars og stendur í tæpar þrjár vikur til 4. apr­íl. Loks stendur til að fresta þingi 31. maí en þá tekur við þriggja og hálfs mán­aðar sum­ar­fríi þangað til þing hefst á ný 13. sept­em­ber. 

Ofan á þetta bætt­ust svo tveir vetr­ar­frís­dagar um dag­inn.

Ég held að þetta sé hluti af ástæð­unni fyrir því að þingið virki svona illa. Ástæðan fyrir því að við hleyptum milljón ferða­mönnum til lands­ins áður en við fött­uðum að setja við­vör­un­ar­skilti í Reyn­is­fjöru og ástæðan fyrir því að við erum að fatta núna að hús­næð­is­mál séu ekki í góðum mál­um, þrátt fyrir að það hafi ekki sést bygg­ing­ar­krani á höf­uð­borg­ar­svæð­inu í fjögur ár eftir hrun. 

Það er hægt að gera þetta bet­ur. Það er til dæmis hægt að stýra land­inu jafnt yfir árið — ekki í törnum þar sem allir öskra hver á annan vegna þess að það eru allt of mörg mál á dag­skrá miðað við hvað er stutt í næsta frí. Í stað­inn fyrir að taka þrjá og hálfan mánuð í sum­ar­frí mætti taka fimm vik­ur, eins og gengur og ger­ist, og stytta bæði jóla- og páska­frí. Þannig væri hægt að dreifa álag­inu yfir fleiri daga og koma miklu í verk.

En tveggja þjóða vanda­málið ristir dýpra. Í vik­unni var til dæmis greint frá því að vel­­ferð­ar­ráðu­neytið verði flutt úr Hafn­­ar­hús­inu við Tryggva­götu í Reykja­vík inn­­an tíðar vegna þess að það tókst ekki að upp­ræta myglu­svepp í hús­in­u. 

Ég man ekki hvað það er langt síðan umræðan um myglu­svepp hófst á Land­spít­al­an­um. Umræðan er alla­vega búin að vera í gangi svo lengi að myglu­sveppur sem hefði verið alinn upp sem maður þegar hún hófst væri að ljúka lækna­námi í dag. Hann hefði meira að segja haft tíma til að fjár­magna námið með sjón­varps­þátt­unum Myglu­sveppi og Auddi.

Ekki mis­skilja mig. Ég vil að fólk fái tíma til að eyða með börn­unum sínum og starf í hús­næði sem er laust við myglu­svepp. Þetta snýst bara for­gangs­röð­un. Eitt­hvað sem ríkið þarf að til­einka sér miðað við umfjöllun Kast­ljóss­ins í gær um opin­ber útgjöld. Stétta­skipt sam­fé­lag er óum­flýj­an­legt. Mér dettur ekki í hug að hafna því og ætla að kaupa Teslu um leið og ég hef efni á henni. En rík­is­styrkt stétta­skipt­ing er hins vegar ein­hvers konar skil­grein­ing á ósann­girni: Allir borga fyrir eitt­hvað sem sumir njóta.

Ég vil losna við þetta allt; í rass­gat með kónga­fólk. Í rass­gat með lúx­us­bíla handa emb­ætt­is­mönn­um, í rass­gat með opin­berar ferðir á Saga Class og djúpt, djúpt í rass­gat með slæma for­gangs­röðun á tíma og fjár­munum hins opin­ber­a. 

Viltu styrkja sjálfstæða íslenska fjölmiðlun?
Lesendur Kjarnans geta kosið að greiða fast mánaðarlegt framlag til fjölmiðilsins til að efla starfsemi hans enn frekar. Markmiðið er upplýstari, gagnrýnni og málefnalegri umræða. Hjálpið okkur við að ná því markmiði með því að ganga til liðs við Kjarnasamfélagið.
Frá blaðamannafundinum í gær. Stefan Löfven, forsætisráðherra Svíþjóðar, er þriðji frá vinstri.
Sænska ríkisstjórnin í kröppum dansi
Ráðherrar innan sænsku ríkisstjórnarinnar hafa sætt harðri gagnrýni vegna aðgerðarleysi þrátt fyrir vitneskju um alvarleg brot á persónuverndarlögum.
25. júlí 2017
Chuck Schumer er leiðtogi demókrata á bandaríska þinginu.
Spáir því að flokkurinn snúist gegn Trump
Leiðtogi demókrata segist trúa því að þingmenn repúblikana muni ekki sitja hjá ef Trump náðar sjálfan sig eða fjölskyldu sína.
25. júlí 2017
Morðtíðni hefur aukist mikið í Mexíkó undanfarin misseri vegna innbyrðis átaka glæpagengja. Hér sjást íbúar smábæjar í landinu hylja andlit sín og undirbúa sig undir komu glæpagengis.
Þrjú morð á klukkustund: Eiturlyfjastríðið í Mexíkó verður blóðugra
Fleiri og smærri glæpagengi, aukin eftirspurn eftir ópíum og ríkisstjórabreytingar skýra meðal annars þriðjungs aukningu í fjölda morða í Mexíkó. Oddur Stefánsson fjallar um eiturlyfjastríðið.
24. júlí 2017
Alexis Tsipras, forsætisráðherra Grikklands, til hægri.
Grikkir gefa út skuldabréf að nýju
Grísk stjórnvöld tilkynntu að ríkisskuldabréf þeirra verði gefin út á morgun, í fyrsta skiptið í þrjú ár.
24. júlí 2017
Sérfræðingar eru áhyggjufullir yfir stöðu Bretlands
Bretland sé að verða „veiki maðurinn í Evrópu“
Efnahagshorfur hafa versnað í Bretlandi og Bandaríkjunum um leið og þær hafa batnað á Evrusvæðinu, samkvæmt nýrri skýrslu AGS.
24. júlí 2017
Svona lítur borðspilið út
Borðspil sem reynir á bragðlaukana
Nýtt borðspil úr smiðju Eggerts Ragnarssonar og konu hans Amanda Tyahur hefur litið dagsins ljós, en í því er keppt um þekkingu á mat og matarmenningu.
24. júlí 2017
Jared Kushner er einn helsti ráðgjafi Donalds Trump, forseta Bandaríkjanna. Kushner er giftur Ivönku Trump.
Segist ekki hafa verið í leynimakki með neinum
Tengdasonur og helsti ráðgjafi forseta Bandaríkjanna kemur fyrir þingnefnd bandaríska þingsins í dag.
24. júlí 2017
Björgvin Ingi Ólafsson
Er vit í að Ísland losni alveg við seðla og klink?
24. júlí 2017
Meira úr sama flokkiKjaftæði
None