Auglýsing

Einu sinni tryllt­ist ég. Það var í fjórða bekk í grunn­skóla. Ég og besta vin­kona mín tryllt­umst sam­an. Ástæðan var góð og gild, að okkar mati. Sund­kenn­ar­inn hafði sagt okkur að þegja og stigið svo á putta vin­konu minnar á stíg­vél­unum sínum á meðan hann dangl­aði í haus­inn á mér með korki. Í það minnsta minnir mig að þannig hafi það gerst. Sú var í öllu falli sagan sem við espuðum hvor aðra upp í, bál­reiðar í sturt­unni og blind­aðar af sjampólöðr­andi bræði. Við klæddum okkur skjálf­andi, sam­ein­aðar sem aldrei fyrr í brjál­æð­inu og hétum hvor annarri því að standa saman allt þar til yfir lyk­i. Við skyldum ná fram bibl­íu­legum hefnd­um, sund­kennsla á Íslandi fengi sko að skrá­setja þennan atburð í sögu­bækur sínar og stíg­vélaði sad­ist­inn myndi ekki líta glaðan dag fram­ar. Nema hann auð­vitað bæð­ist afsök­unar og ját­aði auð­mjúkur syndir sín­ar. Við vorum trylltar en sann­gjarn­ar. 

Á heim­leið­inni tók þó að rjátl­ast af mér. Ekki vin­konu minni. Hennar rétt­læt­is­kennd hafði alltaf yfir­skyggt mína, eitt sinn beit hún til að mynda kött­inn sinn því að hann beit hana. Ég sam­sinnti gíf­ur­yrðum hennar með sem­ingi, hreint ekki eins inn­blásin og áður og satt að segja orðin spennt­ari fyrir kæfu­brauði og kakói en nem­enda­lýð­ræði og atlögu gegn sund­kennslu. Í sárum og rétt­mætum von­brigðum sínum snérist vin­konan gegn mér, ónytj­ungur gat ég ver­ið. Við sem höfðum ætlað að skrifa kvört­un­ar­bréf. Mér var alveg sama. Ég hafði brjálast of mikið og öll eft­ir­fylgni var þar með ónýt. Ég var komin með ógeð og lang­aði bara í kakó. 

Íslensk sam­fé­lags­um­ræða er trylltur fjórði­bekk­ingur með ámóta athygl­is­span. Und­an­farin miss­eri hafa verið und­ir­lögð af allskyns sketsum úr leik­húsi fárán­leik­ans. Við æðum um net­lendur sturluð í aug­unum og þeyt­umst stjórn­laust öfganna á milli, ofur­seld þeirri alltum­lykj­andi og lam­andi kröfu að okkur beri að finn­ast eitt og annað um allt, ann­ars verðum við dæmd óupp­lýst og skeyt­ing­ar­laus. Við hoppum hlýðin á hvern þann skoð­ana­vagn sem fram­hjá fer í flestum mál­um, jafn­vel án þess að þekkja hið minnsta til og erum svo óvart farin að stíla morð­hót­anir á mötu­neyti Fella­skóla eða brenna íslenska lands­liðs­bún­ing­inn án þess að muna almenni­lega ástæð­una. Tján­ing­ar­frelsi er mik­il­vægt og þöggun er afleit, en það að gjald­fella alla umræðu með æðis­gengnum ofstopa er álíka alvar­legt, svo ekki sé minnst á óþol­and­i. 

Auglýsing

Eins lýj­andi og leið­in­leg og slík upp­hlaup geta verið er það þó sjálft inn­ræti þeirra, hið óáreið­an­lega eðli æðis­kasta, sem er hvað alvar­leg­ast. Þeim vill síðan fylgja óhjá­kvæmi­legt ógeð, upp­gjöfin algjöra að storm­inum loknum þegar maður vill bara fá sér kakó. Oft grund­vall­ast nefni­lega slík æði á ein­lægri ósk okkar til að gera betur og laga það sem miður fer og því velja æðin sér í sam­ræmi við það gjarnan verð­ugan far­veg, hengja sig á mik­il­væg­ari mál­efni en pítsu­svindl og lands­liðs­bún­inga.

Á haust­mán­uðum fengum við æði fyrir flótta­mönn­um. Um stund opn­uðum við augun fyrir veru­leik­anum og allri hans vonsku, urluð­umst eitt augna­blik og æptum á inn­sog­inu hvert í kapp við annað allskyns kröfur og lof­orð. Inn­blásin af óskilj­an­legri mynd af drukkn­uðu barni á tyrk­neskri ströndu leyfðum við öllum vörnum að hrynja og brugð­umst við á þann eina hátt sem eðli­legt er, með örvænt­ingu og ofsareiði. Svo leið æðið hjá. Ekki svo að skilja að flótta­manna­vand­inn hafi gufað upp, langt í frá. Að með­al­tali drukkna tvö börn á dag í Mið­jarð­ar­haf­inu, á flótta undan átökum og eymd. Í fyrra­dag, á deg­inum sem mark­aði upp­haf stríðs­ins í Sýr­landi fyrir fimm árum, stóð UNICEF á Íslandi fyrir tákn­rænni athöfn við sjáv­ar­síð­una þar sem fjögur hund­ruð böngsum var raðað upp með­fram sjón­um, einum bangsa fyrir hvert drukknað barn frá því að umrædd mynd birt­ist í sept­em­ber. Fjögur hund­ruð börn síðan æðið hófst í haust. Æði fáir lögðu leið sína á athöfn­ina. Við viljum ekki hugsa um þetta. Við viljum bara kakó.

Þannig umhverf­ast æði yfir­leitt í and­hverfu sína. Við springum og getum ekki meir, bug­umst undan eigin van­mætti and­spænis ókleifri illsku og snú­umst í sjálfs­vörn. Þaðan bítum við svo grimm í bragði frá okkur og lýsum yfir algjörri upp­gjöf. Skrollum hratt fram­hjá myndum af drukkn­uðum börn­um, þótt okkur svelgist kannski ögn á kakó­inu. Eðli­lega. Við deyfum okkur og von­leysið tekur við. Við neitum að lifa okkur inn í aðstæður og finna til með fólki því það er ein­fald­lega of vont.

Við getum ekki leyst öll heims­ins ósköp. Engum dettur það til hug­ar. Það er hins vegar sturluð afstaða að gera ekk­ert vegna þess að við getum ekki gert allt. Því við getum gert alls­kon­ar. Við getum stutt hjálp­ar­stofn­an­ir, verið virkir þátt­tak­endur í mál­efna­legri umræðu, ýtt á stjórn­völd í mál­efnum flótta­manna, seigl­ast áfram í því að krefj­ast mann­rétt­inda og friðar í hví­vetna, alls­stað­ar, á öllum vett­vöng­um. Magn­aðar fram­farir og árangur næst á degi hverjum um heim allan vegna þess að ein­stak­lingar gera það sem þeir geta. Gróð­ur­setjum tré þó að veð­ur­frétt­irnar spái heimsendi. Gerum það sem við get­um. Skálum síðan í kakó­inu í sæmi­legri sátt.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Orri Páll Jóhannesson er nýr þingflokksformaður Vinstri grænna.
Orri Páll þingflokksformaður Vinstri grænna
Orri Páll Jóhannsson var í dag valinn þingflokksformaður Vinstri grænna. Bjarni Jónsson verður ritari þingflokksins.
Kjarninn 29. nóvember 2021
Katrín Jakobsdóttir forsætisráðherra.
„Umhverfismálin eiga að vera alls staðar“
Katrín Jakobsdóttir segist horfa á boðaða stækkun Vatnajökulsþjóðgarðar sem áfanga í átt að þjóðgarði á borð við hálendisþjóðgarðinn, sem bakkað er með í nýja stjórnarsáttmálanum. Kjarninn ræddi umhverfismál við Katrínu í gær.
Kjarninn 29. nóvember 2021
Bólusetningarvottorð gildi aðeins í níu mánuði
Stjórn Evrópusambandsins hefur lagt til að bólusetningarvottorð gildi í níu mánuði í stað tólf. Örvunarskammtur framlengi svo gildistímann.
Kjarninn 29. nóvember 2021
Samtal við samfélagið
Samtal við samfélagið
Samtal við samfélagið – Íslenska heilbrigðiskerfið: Áskoranir og framtíðin
Kjarninn 29. nóvember 2021
Guðlaugur Þór Þórðarson er nýr ráðherra umhverfis-, loftslags- og orkumála. Landvernd segir að það verði erfitt að gæta hagsmuna náttúrunnar og fara með orkumálin á sama tíma.
Landvernd segir „stríðsyfirlýsingu“ að finna í stjórnarsáttmálanum
Stjórn Landverndar gagnrýnir áform ríkisstjórnarinnar um breytta rammaáætlun, sérstök vindorkulög og flutning orkumála inn í umhverfisráðuneytið, í yfirlýsingu í dag.
Kjarninn 29. nóvember 2021
Róbert Marshall upplýsingafulltrúi ríkisstjórnarinnar.
Innsláttarvilla í Stjórnartíðindum hafði engin lögformleg áhrif
Guðlaugur Þór Þórðarson verður ekki ráðherra lista og menningarmála auk þess að fara með umhverfismál í nýrri ríkisstjórn Katrínar Jakobsdóttur. Innsláttarvilla á vef Stjórnartíðinda gaf ranglega til kynna að svo yrði, en hún hafði engin lögformleg áhrif.
Kjarninn 29. nóvember 2021
Á meðal þeirra geira sem þurfa á mörgum starfsmönnum að halda er byggingageirinn.
18 þúsund störf töpuðust í faraldrinum en 16.700 ný hafa orðið til
Seðlabankinn segir óvíst að hve miklu leyti ráðningarsamböndum sem byggjast á ráðningarstyrkjum verði viðhaldið, en þeir renna flestir út nú undir lok árs. Kannanir bendi þó til þess að störfum muni halda áfram að fjölga.
Kjarninn 29. nóvember 2021
Lilja D. Alfreðsdóttir.
Fjölmiðlar undir atvinnuvegaráðuneyti og þjóðarleikvangar færast til
Miklar tilfærslur eru á málaflokkum milli ráðuneyta í nýrri ríkisstjórn Katrínar Jakobsdóttur. Samkvæmt forsetaúrskurði heyrir fjölmiðlar undir atvinnuvegaráðuneytið og nýtt ráðuneyti fer með málefni þjóðarleikvanga.
Kjarninn 29. nóvember 2021
Meira úr sama flokkiKjaftæði
None