Segjum að þú sért eig­andi og fram­kvæmda­stjóri lít­illar sjoppu. Starfs­maður í sjopp­unni stendur sig ekki nógu vel þannig að þú neyð­ist til að segja honum upp og ráða nýj­an, svona eins og gengur og ger­ist í sjoppu­brans­an­um. Nýi starfs­mað­ur­inn stendur sig því miður ekki heldur vel. Hann er dóna­leg­ur, mætir reglu­lega seint og skortir þjón­ustu­lund sem er nauð­syn­leg í afgreiðslu­starfi sem þessu. 

Þú missir loks þol­in­mæð­ina og ákveður að veita starfs­mann­inum til­tal. Þið setj­ist niður saman eftir martraða­kennda vakt þar sem hann var með allt á hornum sér, var dóna­legur við við­skipta­vini, klúðr­aði nokkrum ísum og enn fleiri pylsum ásamt því að taka sér allt of langar pásur. Eftir að þú telur upp það sem miður hefur farið und­an­farna daga bregst hann ókvæða við. 

Í fyrsta lagi vill hann ekki kann­ast við að hafa gert neitt rangt, heldur kennir for­vera sínum um allt sem miður hefur farið í sjopp­unni und­an­farna daga. Ef pylsa datt á gólfið var það for­vera hans að kenna vegna þess að hann gekk svo illa frá pyls­unum á sínum tíma. Og ef íssósan sull­ast út um allt hefði for­ver­inn átt að fyr­ir­byggja að slíkt gæti gerst.

Auglýsing

Hann tekur sem­sagt ekki ábyrgð á neinu, þrátt fyrir að hafa gert ótal aug­ljós mis­tök. Vissu­lega stóð for­veri hans í starfi sig illa, svo illa að hann hrökkl­að­ist úr starfi en mis­tökin sem hafa átt sér stað síð­ustu daga skrif­ast ein­göngu á klaufa­skap, van­kunn­áttu og metn­að­ar­leysi nýja starfs­manns­ins.

Það er því aug­ljóst hvað þú þarft að gera til að tryggja fram­tíð­ar­rekstur sjopp­unn­ar: Alls ekki neitt. Þú semur við hann til alla­vega fjög­urra ára, kross­leggur fing­urna og vonar að hann standi sig bet­ur… 

Eða hvað?

Dæmi­sagan hér fyrir ofan fjallar hvorki um rekstur lít­illa fyr­ir­tækja né mannauðs­stjórn­un. Hún fjallar um stjórn­mál og það sem stendur þeim fyrir þrif­um. Ég veit ekki hversu oft stjórn­mála­fólk hefur svarað gagn­rýni með því að benda á for­vera sinn und­an­farið en ég hætti að telja þegar ég var byrj­aður að upp­lifa grát­girni, trufl­aða til­finn­inga­stjórnun og per­sónu­leika­breyt­ing­ar.

Þetta bull hefur í alvöru staðið í vegi fyrir mik­il­vægum málum und­an­farin ár og það er ekk­ert sem bendir til þess að ástandið batni. Úr verður menn­ing sem elur upp póli­tíska lúsera sem þora ekki að taka ákvarð­anir af ótta við dóm kollega sinna, sem taka að öllum lík­indum við valda­kefl­inu innan fárra ára.

Tökum dæmi:

  • Það þarf að byggja nýjan Land­­spít­­ala og þá eru tekin tíu ár í að ríf­­ast um hvar hann á að vera. Þegar það hefur loks­ins verið ákveðið og heil­brigð­is­ráð­herra er varla byrj­­aður að naga siggið úr lófum sínum eftir fyrstu skóflustung­una er byrjað að velta upp nýjum val­­kost­­um. Rifr­ildið hefst svo á ný.
  • Allt bendir til þess að milljón ferða­­menn séu vænt­an­­legir til lands­ins. Í stað­inn fyrir að hefja taf­­ar­­laust ein­hvers konar gjald­­töku og sjá til þess að túrist­­arnir geti migið og skitið ein­hvers staðar og gengið um án þess að troða niður ómet­an­­legar nátt­úruperlur, þá er rif­ist um hvernig slík gjald­­taka á að fara fram. Á meðan ger­ist auð­vitað ekki neitt og ringl­aðir ferða­­menn greiða 400 kall fyrir krana­­vatn á Hótel AdaM og umgang­­ast Reyn­is­­fjöru eins og strönd á Tenerife.
  • Fjár­­­mála­­kerfið hrynur og eng­inn treystir sér til að reisa íbúð­­ar­hús­næði í nokkur ár. Eft­ir­­spurn eykst umfram fram­­boð, leig­u­verð rýkur upp í takt við hús­næð­is­verð og allt í einu á heil kyn­slóð í stök­­ustu vand­ræðum með að koma sér upp þaki yfir höf­uð­ið. Í stað­inn fyrir að hjóla í málið er rif­ist um gölluð úrræði á Alþingi. Á meðan leggur full­­trúi kyn­slóð­­ar­innar sem á ekki neitt fram til­­lögu um að nýta líf­eyr­is­­sjóðs­­kerfið til að fjár­­­magna íbúða­­kaup en hug­­myndin varð ekki til í Lauf­­skála­rétt eða á ein­hverju þrot­uðu flokks­­þingi þannig að hún kemur ekki til greina.

Ef það er eitt­hvað sem ég sakna meira en auð­mýkt á Alþingi þá er það fram­tíð­ar­sýn. Í haust verður von­andi kosið og flokk­ur­inn sem sýnir okkur hvernig verður að búa á Íslandi næstu 10, 20 — helst 50 ár vinn­ur.

Ég veit ekki með ykkur en ef ég heyri einn stjórn­mála­mann í við­bót rétt­læta afglöp sín með gjörðum póli­tískra and­stæð­inga þá fer ég inn á Alþingi og bróka hvern ein­asta stjórn­mála­mann sem ég sé svo illa að það sem verður eftir af nær­bux­unum þeirra þarf að koma fram í hags­muna­skrán­ingu Alþing­is.

Og ég byrja á þér, Ásmundur Ein­ar.

Viltu styrkja sjálfstæða íslenska fjölmiðlun?
Lesendur Kjarnans geta kosið að greiða fast mánaðarlegt framlag til fjölmiðilsins til að efla starfsemi hans enn frekar. Markmiðið er upplýstari, gagnrýnni og málefnalegri umræða. Hjálpið okkur við að ná því markmiði með því að ganga til liðs við Kjarnasamfélagið.
Þingmenn Sjálfstæðisflokks vilja ekki hafa fund með Ólafi opinn
Brynjar Níelsson víkur úr stjórnskipunar- og eftirlitsnefnd þingsins í Búnaðarbankamálinu, en tjáir sig um það við Fréttablaðið í dag. Hann er þeirrar skoðunar að fundur með Ólafi Ólafssyni ætti ekki að vera opinn almenningi og fjölmiðlum.
28. apríl 2017 kl. 15:01
Gunnar Smári Egilsson
Ingi Freyr: Gunnar Smári gaf starfsfólki ranga mynd af stöðu Fréttatímans
Gunnar Smári Egilsson sannfærði starfsfólk um það í febrúar síðastliðnum að rekstur Fréttatímans væri tryggður, og talaði fólk ofan af því að taka öðrum starfstilboðum. Á þeim tíma hafði ekki verið greitt í lífeyrissjóði fyrir starfsfólk í nokkra mánuði.
28. apríl 2017 kl. 13:45
Tæknivarpið
Tæknivarpið
Manndráp í beinni á Facebook Live
28. apríl 2017 kl. 13:00
Óttarr Proppé er heilbrigðisráðherra.
Þyrftum að útskrifa tvöfalt fleiri heimilislækna
Síðustu ár hafa að meðaltali átta heimilislæknar útskrifast á Íslandi. Þeir þyrftu að vera tæplega tvöfalt fleiri. Stjórnvöld þurfa að grípa inn í til að ekki verði skortur á næstu árum. Skortur er í fleiri sérgreinum, til dæmis geðlæknisfræðum.
28. apríl 2017 kl. 11:37
Ari Trausti Guðmundsson
Ríkisfjármálaáætlun fellur á loftslagsprófi
28. apríl 2017 kl. 10:07
Hópur íslenskra fjárfesta hefur keypt hlut Glitnis í Stoðum.
Ekkert gefið upp um sölu á hlut Glitnis í Stoðum
Forstjóri Glitnis HoldCo var ekki tilbúinn að svara spurningum um sölu á hlut félagsins í Stoðum.
28. apríl 2017 kl. 9:00
Verðmiðinn á stoðtækjafyrirtækinu Össuri er nú tæplega 220 milljarðar króna. Össur er, ásamt Marel, langsamlega vinsælasta fyrirtækið á íslenska markaðinum.
Rekstur Össurar heldur áfram að vaxa og dafna
Forstjóri Össurar segir reksturinn á fyrstu þremur mánuðum ársins hafa gengið vel.
28. apríl 2017 kl. 8:00
Ármann Þorvaldsson tekur við af Sigurði Atla Jónssyni sem forstjóri Kviku.
Ármann sagður taka við stjórnartaumunum hjá Kviku
Sigurður Atli Jónsson er hættur störfum hjá Kviku banka og Ármann Þorvaldsson, hefur verið stjórnandi hjá Virðingu, er sagður vera að taka við sem forstjóri, samkvæmt fréttum Vísis og Viðskiptablaðsins.
27. apríl 2017 kl. 23:04
Meira úr sama flokkiKjaftæði