Auglýsing

Ég þarf að segja ykkur frá dálitlu sem ég hef kom­ist á snoðir um.

Ég get reyndar ekki sagt ykkur nákvæm­lega hvað það er og hvern það snert­ir, en ég get sagt ykkur að þetta er meiri­háttar mál.

Þetta varðar þing­konu sem hefur ítrekað gerst sek um afglöp og dóm­greind­ar­leysi í starfi en kom­ist upp með það, konu sem er að gera alla vit­lausa sem hún vinnur með og nýtur svo til hvergi trausts.

Auglýsing

Ég ætla ekki að segja ykkur hver þetta er. Hún er kannski þing­maður Reykja­vík­ur­kjör­dæm­is, en kannski ekki. Hún er kannski lög­fræð­ing­ur, kannski ekki. Kannski er hún stjórn­ar­þing­mað­ur, kannski ekki. Ég ætla ekki að úti­loka að hún sé for­maður fasta­nefnd­ar, en ég ætla samt ekki að segja að hún sé það.

Nema hvað.

Það hefur verið full­yrt í mín eyru að þing­menn stundi það að panta sér iPad, jafn­vel nokkra, á kostnað skatt­greið­enda og fari svo með einn heim til að spila Candy Crush. Þetta er fræg aðferð til eign­ast iPad – ég hef heyrt talað um hana víða. 

Ég er ekki segja að þetta sé glæp­sam­legt, ekki mis­skilja mig, en ég er heldur ekki að segja að þetta sé ekki glæp­sam­legt. Kannski eru ein­hverjir þarna úti að stela pen­ingum af rík­inu, en það er ekki mitt að ákveða, hvað þá að kæra þá til lög­reglu. Ég veit bara að það er ýmis­legt í gangi þarna. Ekki skjóta sendi­boð­ann.

Ég hef líka fengið spurnir af því að á skrif­stofum sumra þing­manna sé að finna hönnun. Hús­gögn, til dæmis stóla, sem hönn­uðir hafa hannað. Hvað ætli það kosti? Það er aldrei að vita nema slík sund­ur­liðun rati fyrir augu almenn­ings innan skamms. Þið gætuð viljað fylgj­ast með, ef ske kynni.

Ég er samt ekki að segja að þessi til­tekna þing­kona hafi gert neitt af þessu, það verður bara að koma í ljós, en við skulum samt segja að það er eitt og annað sem hún hefur gert og ekki víst að það sé allt fal­legt, hvað þá fag­legt.

Hvernig veit ég þetta allt, gæti ein­hver spurt sig. Það er spurn­ing sem mér er ekki að skapi. Ég veit þetta bara. Ég hef fengið ábend­ingar og heyrt sögur og horft á Youtu­be-­mynd­bönd. Maður í minni stöðu hittir margt fólk, margir koma að máli við mann og fullt af fólki úti um allt land er sífellt að gefa mér „hint“ um hvað ég mætti skrifa um. Þessi skandall er á allra vörum og ég hef enga ástæðu til að rengja þetta fólk.

Og bíðið bara, ég mun opin­bera áfanga­skýrslu um þessar upp­götv­anir mínar á næst­unni. Þið getið flissað eins og þið vilj­ið, en mér er ekki hlátur í huga, þetta er of alvar­legt. Ég get ekki sagt ykkur hvenær þessi skýrsla verður kynnt eða hvað hún mun hafa að geyma, en ég get lofað ykkur því að hún verður rosa­leg. Jörð mun skjálfa. Hún mun svo sem ekki geyma neinar nýjar upp­lýs­ingar per se, heldur er ég bara búinn að púsla áður aðgengi­legu efni saman í eina mynd með hjálp góðra manna sem ég get ekki nefnt, skiljið þið? Látið ykkur hlakka til.

Nafnið á þing­kon­unni fáið þið hins vegar ekki. Það kemur ekki fyrr en í bók­inni minni um málið þegar og ef ég læt ein­hvern tím­ann af pistla­skrif­um. En mikið svaka­lega er hún samt van­hæf og ómerki­leg.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Víðir Reynisson yfirlögregluþjónn hefur ekki áhyggjur af því að almenningur sé orðin ónæmur eða hættur að hlusta þegar almannavarnastig er sett á.
„Almannavarnir lýsa ekki yfir almannavarnarstigi af léttuð“
Víðir Reynisson yfirlögregluþjónn telur að almenningur taki yfirlýsingu neyðarástands vegna COVID-19 ekki af meiri léttúð, þrátt fyrir að neyðarástandi hafi verið lýst yfir fjórum sinnum á síðustu tveimur árum.
Kjarninn 19. janúar 2022
Engin starfsemi hefur verið í kísilverksmiðjunni í Helguvík í rúmlega fjögur ár.
Bæjarstjórnin skorar á Arion banka að hætta við áform um endurræsingu kísilversins
Bæjarstjórn Reykjanesbæjar skorar á Arion banka að falla frá áformum um endurræsingu kísilversins í Helguvík og hefja viðræður við sveitarfélagið um aðrar og grænni leiðir.
Kjarninn 19. janúar 2022
Willum Þór Þórsson heilbrigðisráðherra.
Hraðpróf í tengslum við smitgát úr sögunni og fólk í einangrun má fara í stutta göngutúra
Heilbrigðisráðherra hefur staðfest reglugerð þess efnis að þeir sem eru í smitgát þurfi ekki lengur að fara í hraðpróf, heldur einungis að fara gætilega. Einnig er rýmkað fyrir útiveru þeirra sem eru í einangrun.
Kjarninn 19. janúar 2022
Tómas A. Tómasson þingmaður Flokks fólksins.
„Það er ósanngjarnt að reka fólk heim þegar það getur unnið“
Þingmaður Flokks fólksins gerði málefni eldri borgara að umtalsefni á þinginu í dag.
Kjarninn 19. janúar 2022
Bólusetning með bóluefni Pfizer er hafin í Nepal.
Meira en milljarður skammta loks afhentur í gegnum COVAX
Markmið COVAX-samstarfsins náðust ekki á síðasta ári. Þó er komið að þeim áfanga að milljarður skammta hefur verið afhentur í gegnum samstarfið. Mun betur má ef duga skal.
Kjarninn 19. janúar 2022
Launafólk í verri stöðu en fyrir ári síðan
Þrátt fyrir mikinn hagvöxt í fyrra hefur fjárhagsstaða og andleg heilsa launafólks versnað töluvert á milli ára, samkvæmt nýrri skoðanakönnun frá Vörðu. Tæpur helmingur innflytjenda segist nú eiga erfitt með að ná endum saman.
Kjarninn 19. janúar 2022
Þórólfur Guðnason sóttvarnalæknir.
Vísar gagnrýni um samráðsleysi til föðurhúsanna
Sóttvarnalæknir vísar á bug gagnrýni um að hann hafi aðeins samráð við sjálfan sig. Hann á ekki von á því að leggja fram nýtt minnisblað þar til gildandi samkomutakmarkanir renna út. Til greina kemur að stytta einangrun smitaðra.
Kjarninn 19. janúar 2022
Fyrrverandi bæjarstjóri í Hafnarfirði ráðin sem aðstoðarmaður ráðherra
Guðmundur Ingi Guðbrandsson, félagsmála- og vinnumarkaðsráðherra og varaformaður Vinstri grænna, hefur ráðið tvo aðstoðarmenn. Annar var einu sinni bæjarstjóri og síðar framkvæmdastjóri ASÍ um árabil.
Kjarninn 19. janúar 2022
Meira úr sama flokkiKjaftæði
None